Slideri Kryesor

Ben Blushi dhe Mimoza Hafizi të shoqëruar nga Maqo Lakrori, Petrit Ago dhe ish-deputeti Marko Bello, ka hapur fushatën e takimeve me qytetarët. Takimi u mbajt pasditen e djeshme në Pallatin e Kulturës së qytetit të Beratit. Në takim raportohet se kanë qënë të pranishëm rreth 200 persona, mes tyre ish/anëtar dhe themelues të Partisë Socialiste, përfaqësues aktiv të partive të ndryshme politike si: PD, AK, PR dhe PK, përfaqësue të Shoqatës së Romëve dhe qytetarë të thjeshtë simpantizantë të Blushit.

Debati nëse Qeveria ka përmbushur prtishmëritë në planin ekonomik është një nga dy shtylla që dominon retorikën politikë në vend, por edhe matësi për efiçencën e politikave që ka ndjekur koalicioni i majtë në këtë drejtim. Ka një klimë pakënaqësie për "diktaturën" fiskale që ka ndjekur qeveria dhe represionin ndaj biznesit çka është reflektuar edhe në interesin në rënie të investitorëve të huaj për Shqipërinë.

Sot ish –kryeministri Sali Berisha denoncoi publikisht se shtetasi Emiljano Shullazi kishte kërcënuar kandidatin për rektor të Univeristetit të Tiranës, Mynyr Koni, i cili ka deklaruar më pas se është i vendosur të vazhdojë garën.
Ndërkohë në mbrëmje disa media raportojnë se Emiljano Shullazi është shoqëruar në polici për t’u marrë në pyetje. Ky i fundit do të merret në pyetje për ngjarjen e pretenduar dhe denoncuar nga Berisha, që nëse vërtetohet është shumë e rëndë.

Burime jozyrtare konfirmuan për Top Channel se është firmosur shitja e aeroportit të Rinasit mes kompanisë kineze dhe konçensionarit gjerman TIA. “Everbright Global Airport and Investment Fund” konsiderohet se e ka blerë konçesionin për 90 mln dollarë. Everbright Global Airport është pjesë e kompanisë “China Everbright”, e mbështetur nga shteti kinez dhe e specializuar në menaxhim asetesh me një portofol të gjerë investimesh. Kompania ka ngritur një fond të fokusuar në investime në sektorin e aviacionit, porte dhe infrastrukturë europiane.

Gjykata e Tiranës ka hedhur poshtë kërkesën e kompanisë “Kurum” për faliment. Ajo ka vendosur që kompania të “do të futet në një fazë riorganizimi dhe mbikqyrjeje të kontrolluar”, raporton “TemaTv”. Si shkak për këtë dalje nga tregu është përmendur konkurenca kineze, e cila ka imponuar çmime të ulëta në tregje. “Kurum” bart me vete edhe një kredi të madhe prej 110 milionë eurosh në banka, kjo e raportuar që në vitin 2014. Kërkesa e kompanisë për faliment duket se ka qenëjesë e strategjisë së saj për të larë duart me tregun shqiptar ndonëse dy vjet më parë e cilësonte atë si ndër kryesorët.

Në kulmin e debatit për ndërtimin e këndit të Lodrave në Parku e Liqenit Artificial qeveria ka dalë në mbështetje të kryebashkuakut Veliaj, të cilit i ka kërkuar të mos tërhiqet nga projekti. Është zv/ kryeministri Niko Peleshi që garantoi mbështetjen e qeverisë posaçërisht për Veliajn, duke e inkurajuar të vazhdojë punimet. Peleshi i bëri këto deklarata nga Korça ku mori pjesë në inagurin e një qendre që do të quhet "qyteti i Fëmijëve".

Ish kryeministri Sali Berisha ka denoncuar sot një kërcënim me jetë që i është bërë sipas tij kandidatit në garën për rektor të Universitetit të Tiranës, Mynyr Konit. Kërcënim, që Berisha ia ka faturuar Ramës, i cili, sipas tij, ka urdhëruar Emiljano Shullazin të merret me zgjedhjen e rektorit në Universitet.

Kreu i Partisë Demokratike është shfaqur me një deklaratë ambigue në Sarandë, teksa ka folur për reformën në drejtëësi. Sipas tij, reforma e vërtetë mund të vijë vetëm pas zgjedhjeve të lira e të ndershme. Sipas tij ky është edhe mesazhi që Edi Rama ka marrë nga ndërkombëtarët. “Mesazhi që do të dëgjojë deri ditën e fundit është: Të mos guxojë të prekë më votën e shqiptarëve e t’i lërë shqiptarët të votojnë të lirë e të ndershëm për qeverisjen e tyre. Për një drejtësi që dënon korrupsionin dhe krimin e nuk e mbron atë.

Mbi 20  persona kanë humbur jetën si pasojë e tërmetit të fuqishëm që goditi të premten qytetin Kumamoto, në jug-perëndim të Japonisë. Dhjetra të tjerë kanë mbetur të bllokuar nën rrënojat e ndërtesave të shembura, ndërsa tronditjet e forta të tokës kanë shkatërruar banesa të shumta, zjarre dhe rrëshqitje dheu. Dy tronditje e së premtes me një manjitusë 7.1 dhe 7.4 të shkallës Rihter, pasuan tërmetin e së enjtes 6.2 i shkallës Rihter në ishullin Kiushu. Rreth 20 mijë trupa të emergjencës civile janë angazhuar për të shpëtuar të plaogsurit..

Prokuroria e Pogradecit ka përfunduar hetimet dhe dërgon për gjykim për veprën penale të ”Shpërdorimit të detyrës”, Kryeinspektoren e Inspektoratit Kombëtar i Mbrojtjes së Territorit (IKMT), Dallëndyshe Bici, si edhe Drejtuesin e Njësisë Operacionale të këtij institucioni, Fatmir Meta. Dy zyrtarët akuzohen se kanë prishur në mënyrë të paligjshme një ”Bar-Restorant” me sipërfaqe 450 m2, në zonën e liqenit të Ohrit, në ish-komunën Udënisht.