Slideri Kryesor

Pas një faze paraprake verifikimi, Prokuroria ka vendosur të regjistrojë procedim penal për veprat “ndërtim i paligjshëm” dhe “shpërdorim detyre”  në lidhje me projektin e Parkut të Lodrave te Liqeni Artificial. Burime jozyrtare nga Prokuroria i thanë Gazetws Panorama  se procedimi është regjistruar fillimisht për veprat penale pa emrin e ndonjë personi konkret, pasi në vazhdim të hetimit do të shikohet përgjegjësia e personave nëse ka të tillë. Hetimi i prokurorisë ka nisur pas kallëzimit që shoqëria civile bëri në lidhje me projektin e Parkut të Lodrave te Liqeni Artificial.

Figurat kryesore të partisë Republikane në SHBA nuk duan që Donald Trump të jetë kandidati republikan për Shtëpinë e Bardhë. Kjo, për dy arsye – e para sepse nuk pëlqejnë që Donaldi të jetë lideri i partisë së tyre, dhe e dyta, sepse sondazhet tregojnë se ai ka gjasa të mundet keqazi si nga demokratja Hillary Clinton, edhe nga socialdemokrati Bernie Sanders.

Stefano Boeri, arkitekti italian i përfshirë në disa projekte për Tiranën, ka dhënë një intervistë për Top-Story. Boeri jep edhe disa mendime për kryeqytetin shqiptar për të cilin mendon se “duhet zhvilluar së brendshmi”. Më poshtë dy nga përgjigjet e tij:

Plane të cilat kanë qenë “të Ramës”, “të Bashës”, por kurrë plane “të Tiranës”. Cili do të ishte dallimi i këtij të riut nga të tjerët? Pra, cila do të jetë firma e një eksperti, e një arkitekti, sepse Tirana gjithmonë ka pasur firmën e arkitektëve politikë, kjo që nga kohërat e Enver Hoxhës.

9 muaj pas fitores së Bashkisë Gjirokastër, kryetarja Zamira Rami e zgjedhur nën siglën e LSI-së, ka nisur lëvizjet e para në nivel drejtorish në bashkinë që ajo drejton. “Lapsi” të parit i ka rënë drejtorit të Ndërmarrjes së Ujësjellësit, Dashamir Qeli. Ky i fundit në fakt ka qenë një prej themeluesve dhe kryetarëve të parë të degës së LSI-së në Gjirokastër, por më pas u rikthye sërish në radhët e PS-së. Shkarkimi i Dashamir Qelit vjen në një moment kur banka gjermane KFW” po investon mbi 4 milionë euro në Ujësjellësin e Gjirokastrës raporton Lapsi.al.

Presidenti grek, Prokopis Pavopulos, ka qenë tepër i ashpër në reagimin e tij ndaj sjelljes së policisë maqedonase me emigrantët. Ai iu referua vendeve që siç tha “aspirojnë të futen në BE dhe në NATO” dhe duke përmendur me emër Maqedoninë, theksoi se “me sjellje të tilla të papranueshme dhe paimagjinueshme, si ato dje në Greqi, nuk kanë vend as në Bashkimin Europian, as në NATO”. Në të njëjtën linjë ishte edhe reagimi i kryeministrit Tsipras.

Ministrja e Arsimit, Lindita Nikolla, ka sqaruar sot idenë e qeverisë shqiptare për të përfshirë në shkollë edhe lëndët që japin njohur për fenë. Meqenëse ideja ka krijuar pështjellime dhe ka nxitur idenë se bëhet fjalë për predikime, ministrja ka dalë për të hequr çdo dyshim:

Procesi zgjedhor i zhvilluar së fundmi në Partinë Socialiste, ose i njohur si referendumi për mandatin e Edi Ramës në krye të saj, po vihet në pikëpyetje për mbarëvajtjen e tij. Sot raportohet për disa debate të zhvilluara në mbledhjen e Grupit Parlamentar të saj, mes deputetit Ben Blushi dhe kryetarit të Grupit Parlamentar, Gramoz Ruçi. Gazeta “shqiptarja.com” shkruan se Blushi ka kërkuar dokumentacionin zgjedhor, çka sipas tij nuk ekziston i plotë. Por kjo kërkesë ka hapur të tjera diskutime, sa kohë që Ruçi ka adresuar deputetin në fjalë te Komisioni Zgjedhor i PS-së.

Lajmi i parë pas rënies së helikopterit një Grizë të Shkodrës, ishte shpallja e pilotëve të vdekur Dëshmorë të Atdheut. Shefi i Shabit të Përgjithshëm të Ushtrisë, Jeronim Bazo, doli para opinionit dhe zyrtarisht deklaroi se itinerari i helikopterit ishte ai që ishte përcaktuar në planin e fluturimit. Mbeteshin pra sipas tij vetëm hetimet për shkaqet e rrëzimit.

LSI në vjeshtë do shkojë në zgjedhje të strukturave dhe kryetarit të saj. Ilir Meta është kandidati i parë që ka lajmëruar përfshirjen në “garën” për kreun e partisë, madje duke ironizuar edhe me referendimin e Partisë Socialiste.  “Unë mund t’ju siguroj se jam kandidat i sigurt për kryetar i Lëvizjes Socialiste Socialiste për Integrim sepse do të  kemi zgjedhje brenda vjeshtës në LSI-së, sipas statutit të LSI-së”-tha kreu i LSI-së në një intervistë në emisionin “Komiteti” të gazetës Expres.

Modeli laburist i adoptuar nga Partia Socialiste për zgjedhjen e kryetarit duket se pati sukses në planin e brendshëm, por jo në atë të jashtëm. Nisur nga debati për primaret që do të zhvillohen për garën presidenciale në Francë, deputetja socialiste franceze, Aurelie Filippetti tha se modeli i zgjedhjeve brenda partisë me një kandidat të vetëm nuk duhet ndjekur. “ Ka nga ata që ëndërrojnë një primare alla shqiptare: vetëm me një kandidat, Francois Hollande, dhe asnjë kokë të mos ngrihet”-thekson deputetja franceze  në një artikull të saj të botuar në gazetën “Le Parisien”.