Slideri Kryesor

Një projekt për sigurinë në shkolla ku do të instalohen kamera dhe pajisje regjistruese, është shndërruar në një aferë të dyshimtë dhe ka sjellë hetimin nga disa institucione të rëndësishme të pavarura të shtetit.

Kjo ka ardhur pasi Autoriteti Kombëtar i Shoqërisë së Informacionit AKSHI ka hartuar kushte fiktive për kompanitë në garë, duke hedhur dyshimin për favorizim të kompanive të tjera.

Pas vërejtjeve të Dhomës Gjermane të Tregëtisë edhe Dhoma Amerikane e Tregëtisë ka përsëritur thuajse të njëjtën gjë. Presidenti i saj, Marc Crowford, ka deklaruar sot se ikja e kompanive të naftës që operojnë në Shqipëri, disa prej të cilave po shesin kontratat, nuk ka të bëjë me çmimet e ulëta, por me klimën e keqe të biznesit që është krijuar nga sjellja e autoriteteve dhe e Albpetrolit.

Në një shtet laik dhe, sidomos, të themeluar si laik, lënda e historisë së feve nuk ka se përse të mos ketë vendin e vet në programet arsimore. Në gjendjen e sotme problematike të kulturës shqiptare, specialistëve të arsimit nuk do t’u shkonte qëndrimi i aristokratëve francezë që mburreshin: “Ne kemi Voltaire-in, populli ka meshën...”. Kusht parësor i konceptimin dhe trajtimit në shkollë të një lënde të tillë do të ishte karakteri i saj shkencor, që do të thotë në këtë rast jofetar.

Presidenti Nishani dhe kryebashkiaku Veliaj janë përfshirë sërish në replika, pasi kreu i shtetit një ditë më parë priti përfaqësues të shoqërisë civile që janë kundër ndërtimit të parkut të lokrave në Liqenin Artificial. Sot kryebashkiaku Veliaj shfrytëzoi diskutimin e planit të qendrës me banorë të një njësie në Tiranë për t’i treguar presidentit se karriera e tij politike është drejt fundit. “Do i bashkohet Strazimirit me patllake në brez të protestojë kundër lojërave të kalajmve, do hyjë në historinë botërore si i vetmi president që shkon të prishë lojërat e fëmijëve.

Nisur nga publikimi i një video që tregonte se në disa qendra u votua më shumë se një herë nga i njëjti person në referendumin e Partisë Socialiste, deputeti Ben Blushi u kujtoi socialistëve grevën e urisë në 2009-ën për hapjen e kutive duke thënë se janë po ata që kanë mbushur kutitë këtë radhë për të shpallur Edi ramën fitues të referendumit. “Ka ardhur koha që ata që i kërkuan Saliut hapjen e kutive dhe shkuan në grevë urie. kanë bërë të njëjtën gjë, kanë mbushur kutitë si Saliu.

Lëviz tregu në Tiranë, lëviz edhe në qytete të tjera. Bëhet parkimi me pagesë në Tiranë, pak javë më pas e njëjta gjë ndodh edhe në qytete të tjera. Rritet çmimi i ujit në Tiranë, kjo gjë me siguri do të ndodhë edhe në qytete të tjera të Shqipërisë, siç ndodhi së fundmi në Sarandë. Kjo pa asnjë nevojë konkrete dhe reale, thjesht sepse Tirana është modeli që socialisti i modës, Erjon Veliaj, imituues i verbër dhe profesionist i Edi Ramës, rrezaton edhe në mendjet e kryetarëve të bashkive socialiste nëpër Shqipëri.

Bashkia e Tiranës përsëriti dje ritualin e shpalljes publike të suksesit të një pune të re: restaurimi i Kullës së Sahatit, simbol i Tiranës. Mirëpo pas kësaj pune është ngritur një shqetësim për cilësinë e punës së bërë. Në një deklaratë të Forumit për Mbrojtjen e Trashëgimisë Kulturore thuhet se restaurimi është skandaloz, nisur nga përdorimi i një boje plastike të bardhë, ndërkohë që 6 vjet më parë siç shkruan Forumi, Kulla u restaurua me një fond të ambasadës amerikane.

Ish-kryeministri Pandeli Majko, i njeh dobësitë dhe gabimet e qeverisë socialiste gjatë këtij 3-vjeçari dhe këto shqetësime i përjeton në mënyrën e tij, madje së fundmi nuk nguron t’i thotë edhe publikisht. Për referendumin Majko ka këtë mendim:”Nuk e shoh PS-në si kulmin e një partie perëndimore, edhe ne kemi probleme. Ne kishim një boshllëk disa vjeçar të mosfunksionimit të statutit dhe ky referendum ishte i nevojshëm edhe për këtë. Ishte për vakumin e shkeljeve. Ka qenë një histori absolutisht perfekte, por si frymë..”

China Everbright është kompania që po negocion për të blerë Tirana International Airport (TIA), që menaxhon me koncesion Aeroportin “Nënë Tereza” të Rinasit. Emri i kompanisë është konfirmuar për Monitor nga Drejtori i Përgjithshëm Ekzekutiv i TIA, Z. Rolf Castro-Vasquez. Ai pohon se është kompania mëmë e TIA që po zhvillon negociatat dhe në shitje është vetëm biznesi në Shqipëri. Ishte një moment i mirë për të shitur dhe kishte kërkesa, ndaj kompania mëmë vendosi të hyjë në negociata për shitje.

Oliver Jens Shmitt, historiani zviceran  që hapi shumë polemika me botimin me  për Skëndërbeun, vjen me një konstatim për Shqipërinë e sotme, të cilën e sheh të lidhur ngushtë me enverizmin jo vetëm tek brezi i vjetër, por si një traumë që po u përcillet edhe brezave të rinj. Në një shkrim përkujtimor për studiuesin Ardian Klosi, dhe duke iu referuar disa studimeeve  Schmitt thotë se ka një përpjekje për të rehabilituar figurën e ish-diktatorit. “Fakt është se barra e traumës së Enverizmit ka mbetur e papërpunuar deri më sot.