Slideri Kryesor

Zgjedhjet e Kavaajës po shndërrohen në një test përgatitor për zgjedhjet e përgjithshme që mbahen së afërmi. Kjo mund të shihet në qëndrimet e Lëvizjes Socialiste për Integrim që vlerëson te përballja e vetme PS-PD në një zonë që konsiderohet tradicionalisht bastion i së djathtës po që në vitin 2015 ndryshoi kah, një mundësi për të evidentuar peshën që ka.

Dalin detaje kompromentuese rreth historisë së euroskeptikut Nigel Farage me pornostaren Valerie Fox. Ata u takuan në 22 Mars gjatë një fluturimi me avion nga Shtetet e Bashkuara në Londër. Duke folur për këtë takim, ish-udhëheqësi euroskeptik i Partisë së Pavarësisë për Mbretërinë e Bashkuar tha për revistën “People” se “Ajo ishte shumë e bukur dhe unë thjesht e shoqërova për në shtëpi. Kjo është e gjitha. Nuk ndodhi asgjë. "

Presidenti i Turqisë Reccep tayyip Erdogan ka deklaruar një të vërtetë të madhe gjatë një mitingu në Ankara, kur ka thënë se vendi i tij nuk ka qenë në gjendje të hyjë në BE për 54 vjet vetëm pse është me shumicë myslimane.

Qeveria qipriote ka ndërmarrë disa iniciativa për të mbrojtur fëmijët nga rrezatimet elektromagnetike të telefonave celularë. Bazuar në disa studime ajo sugjeron se përdorimi i komunikimeve elektronike në sistemet arsimore është i dëmshëm për fëmijët deri në 12 vjeç. Efektet përfshijnë një rritje të rrezikut për tumor, stres, defekte gjenetike, ndryshime strukturore dhe funksionale në sistemin riprodhues dhe çrregullime të funksioneve të mësuarit dhe kujtesës.

Ministri i Jashtëm i Shqipërisë, Ditmir Bushati, i ka dhënë një intervistë “Euractiv”. Ai është pyetur për bojkotin e opozitës, për reformat dhe zgjedhjet. Përbën interes një koment i ministrit që e sheh kundërvënien aktuale ndaj reformës në drejtësi si pjesë edhe të investimit të Rusisë për të ruajtur status quonë.

Një darkë pas së cilës u fokusua vëmendja e të gjitha mediave, duket se ka qenë kurorëzimi i një marrëveshje të re politike mes Edi Ramës dhe Ilir Metës për të qeverisur Shqipërinë edhe në 4 vitet e ardhshme. Mund të ishte firmosur pa zhurmë dhe show, por mesa duket dy krerët e koalicionit ishin kujdesur edhe për simbolikën e takimit që u mbajt për më shumë se 4 orë në një restorant peshku në zonën e Pazarit të Ri. Të paktën kështu raportojnë mediat informative Ora News dhe News 24 që i referohen burimeve nga takimi, për të cilin vetë protagonistët nuk folën.

Ashtu siç pritej Aleksandër Vuçiç do të jetë Presidenti i Ri i Serbisë. Rezultatet e zgjedhjeve që u mbajtën të dielën  e nxorrën atë fitues me një diferencë të thellë ndaj rivalëve në garën për kreun e shtetit. Kryeministri serb në detyrë rezulton të ketë marrë më shumë se 55 për qind të votave, kundrejt 16 për qind të kundërshtarit kryesor Sasha Jankoviç. 

Me një orë vonesë në komunikimin e fundjavës kryeministri nuk lëvizi nga pozicioni i tij për t’u futur në zgjedhje edhe pa opozitën. Ai theksoi se qeveria nuk ka ndërmarrë asnjë masë që pengon ushtrimin e rolit të opozitës në jetën demokratike të vendit dhe se deri më tani nuk është ndërmarrë asnjë hap për ndryshime në Kodin Zgjedhor pa Partinë Demokratike. Bashkë me mesazhin se nuk ka ndërmend të tërhiqet, Rama bëri një prognozë edhe për partinë ku ka milituar edhe vetë për disa orë në fillim të viteve 90.

Një tjetër shqiptar merr nderimin e Legjionit të Nderit nga Franca. Luan Starova, shkrimtar dhe profesor i letërsisë frënge në Shkup, ish-ambasador i Maqedonisë në Paris, është nderuar së fundmi nga presidenti francez Hollande, me titullin “Legjioni i Nderit”. Në njoftimin e vet, agjencia maqedonas “MIA”, raporton se titulli i është akorduar Starovës për kontributin që ka dhënë në forcimin e marrëdhënieve franko-maqedone. Një arsyetim ky që qëndron mirë në këmbë po të mendosh se edhe vepra letrare e Starovës vlerësohet në Francë.

Shkarkohet nga detyra shefi i komisaritit të Kurbinit Feliks Hysa, masë kjo pas zbulimit të parcelës me 513 fidanë kanabis. Në vijim të masave antikanabis, kreu i Policisë së Shtetit, Haki Çako bëri të ditur se janë marrë masa dhe për disa drejtues të tjetër të policisë, pasi nuk kanë raportuar për kulitivimin e kanabisit. Diçka që çuditërisht vihet re vetëm tani, që në krye të ministrisë nuk është më Tahiri, por Xhafa. 

"TemaTv"