Slideri Kryesor

Prej më shumë se 47 ditësh opozita kërkon kushte për të hyrë në zgjedhje duke paraqitur si të vetmen garanci qeverinë teknike, ose qeverinë e besimit siç e quajti Ilir Meta. Në këtë kauzë Lulzim Basha deri më tani ka gjetur vetëm mbështetjen e LSI-së dhe aleatëve të PD-së, ndërkohë që faktori ndërkombëtar ka qenë thuajse në unison për rikthim në parlament dhe hyrjen në zgjedhje të opozitës.

Ideja e qeverisë teknike është tanimë në qendër të debatit, aq sa edhe Telvizioni Publik Shqiptar i ka kushtuar sot një trajtim të vetin. Në faqen e këtij institucioni publikohet një lajm sipas të cilit variantet kushtetuese për largimin e kryeministrit janë vetëm dy: 

Një sulm me armë kimike në Idlib të Sirisë ka detonuar tërbimin turko-amerikan kundër Bashar al Assad. Edhe presidenti amerikan, i pandjeshmi Donald Trump foli dje për aksion ushtarak ndaj Assadit, ndërkohë që presidenti turk Erdogan nuk kursue thuajse edhe mallkimet. Duket se të dyja vendet po riafrohen në interesin e tyre për Sirinë, ndërkohë që Turqia është firmosëse e Konferencës së Astanas bashkë me Iranin dhe Rusinë, e përmes të cilës zgjidhja në Siri kalon jashtë kufijve të Washingtonit. Mirëpo armët kimike janë një çështje ende serioze në një botë që po shkallmon çdo normë morale.

Aleksandër Vuçiç ka lëshuar një mesazh jo pak “provokativ” kur përmes një interviste për “Politico” në SHBA, ka deklaruar se bashkimi ekonomik dhe doganor i Ballkanit Perëndimor është në fakt një rikrijim tregu i Jugosllavisë së vjetër plus Shqipërinë.

Lëvizja pështjelluese e Ilir Metës mund të ketë zënë në befasi vetëm socialistët e Edi Ramës që tani po dalin solidarë të shefit të tyre. Por aty nuk ka asnjë gjë të re krahasuar me aktet politike, as mish as peshk të LSI-së. Kjo sjellje është e kuptueshme nëse vë në punë logjikën e një force si LSI-ja që percepton se mund të rritet vetëm duke dhënë garanci se do të jetë vazhdimisht në pushtet.

Bastisja me armë kimike në Siri ka shkaktuar reagime të shumë udhëheqësve botërorë, të cilët fajësojnë qeverinë e Asadit për masakrën me të paktën 86 civilë të vrarë, 30 prej të cilëve fëmijë dhe 20 gra. Organizata Botërore e Shëndetësisë dhe Mjekët pa Kufij thanë se viktimat kishin simptoma të të shkaktuara nga agjentë neurotoksikë si gazit Sarin.

Çështja e autonomisë së Epirit të Veriut. Kështu mendojnë të paktën përfaqësues të një shoqate, Bashkimi Kombëtar Epiri i Veriut 1914, e cila ka organizuar një takim për promovimin e kësaj ideje në Parlamentin Europian në Bruksel. Bashkëorganizator i aktivitetit ishte europarlamentari grek, Notis Marias dhe grupi i Europianëve Reformistë dhe Konservatorë(Anti Federalistët).

Ishulli i Sazanit, ishulli i vetëm i banuar i Shqipërisë, do të jetë i hapur gjatë verës edhe për turistët vendas dhe të huaj. Ministria e Mbrojtjes dhe Ministria e Zhvillimit Ekonomik, Turizmit dhe Sipërmarrjes nënshkruan të mërkurën një marrëveshje bashkëpunimi për lejimin e turistëve për vizita turistike në këtë ishull dikur një pikë e rëndësishme e strategjike e mbrojtjes së Shqipërisë.

Presidenti amerikan Donald Trump ka bërë disa ndryshime të reja në Këshillin Kombëtar të Sigurisë. Mediat kryesore raportojnë se Steve Bannon, kreu i këshillit, është shkarkuar nga detyra duke përcaktuar kështu një zhvendosje të Trump nga njeriu që u cilësua si  strategu i fushatës elektorale. Largimi është bërë krahas uljes në detyrë të Këshilltarit për Sigurinë e Brendshme, Tom Bossert. 

Nga Vlora ambasdorja e Gjermanisë në vendin tonë,  Susanne Schulz  i ka bërë thirrje opozitës të kthehet në parlament për të votuar reformat, të cilat janë të rëndësishme për vendin, si reforma në drejtësi.  Ambasadorja ka shtuar se duhet të sigurohen zgjedhje të lira dhe të ndershme në momentin kohor të duhur siç e parashikon kushtetuta dhe në zgjedhje të futen ato parti që dëshirojnë të jenë.