Slideri Kryesor

Shqipëria e ka përshëndetur sulmin ajror amerikan në Siri, duke mos i kursyer vlerësimet për presidentin aktual Donald Trump dhe përpjekjet  ndëshkuar përgjegjësit dhe  vendosur paqen e munguar në Siri. Vlerësimet nuk kanë munguar si nga qeveria ashtu dhe nga presidenca shqiptare.

Të paktën 4 persona raportohet të jenë vrarë në një sulm të dyshuar si terrorist në Suedi. Ngjarja ndodhi kur një kamion u fut në një turmë njerëzish në qendër të Stokholmit. Sipas dëshmitarëve okularë kamioni bëri një kurs të shfrenuar para se t’i drejtohej hyrjes së një qendre tregtare.

Presidenti i Republikës së Kosovës, Hashim Thaçi, është tërhequr nga nisma e tij ligjore për tranformimin e Forcës së Sigurisë së Kosovës në ushtri. Pas presioneve të komunitetit ndërkombëtar, kreu i shtetit të Kosovës, ka vendosur të bëjë një hap mbrapa, vendim që ia ka njoftuar zyrtarisht Kuvendit të Kosovës përmes një letre. Më poshtë letra e plotë, publikuar në Koha Ditore:

Presidenti maqedonas George Ivanov ka vijuar edhe dje me interpretimin e Platformës së Tiranës si dokument që cenon rendin kushtetues të vendit. Në një intervistë për televizionin kombëtar kroat, HTV, Ivanov shprehet se platforma e adoptuar nga partitë shqiptare, e kthen Maqedoninë nga një vend multetnik unitar në një vend binacional. Sipas tij dokumenti çon në amendim të Marrëveshjes së Ohrit, duke lënë të kuptohet se teknikisht Platforma nuk rrjedh por mbivendoset mbi të.

E pabesueshmja është lajm zyrtar. Edhe pse do të duhet të happen rubinetat për ta vërtetuar. Në Sarandë është inauguruar ujësjellësi i ri që dekalrohet se zgjidh problemin e ujit të pijshëm në këtë qytet. I cili u lind, u zgjerua dhe u shkatërrua vetëm me një aspekt konsensual dhe jodiskriminues për të gjithë banorët: mungesa e ujit.

Një sondazh i kryer online nga GfK, agjencia për informacionin e marketingut dhe konsumit, nxjerr kinezët si populli që lexon më shumë. Në vend të dytë vijnë rusët dhe në vend të tretë spanjollët. Sondazhi ka marrë në konsideratë 17 vende prej nga ku rezultatet thonë se “70% e kinezëve lexojnë libra çdo ditë, ose thuajse çdo ditë”. Rusët arrijnë në 59%, kurse spanjollët në 57%. Nga vendet e sonduara më pak lexojnë në Hollandë dhe Korenë e Jugut, vende në të cilat 16% e të pyeturve deklaruan se nuk lexojnë kurrë libra.

Pas sulmit të SHBA mbi një bazë ajrore në Sha’irat në Siri, ka ardhur edhe reagimi i Rusisë. Në një deklaratë, presidenti Vladimir Putin e ka quajtur sulmin ilegjitim dhe me ndikim negaativ në raportet SHBA-Rusi. Përkeqësimi është bërë fakt kur Ministria e Jashtme e Rusisë, ka deklaruar sot se është vendosur ndërprerja e e zbatimit të Memorandumit të Mirëkuptimit për Sigurinë e fluturimeve në Siri që ishte nënshkruar me SHBA.

"Le Iene" ka qenë në Polis Sheh të Librazhdit aty ku martohen ende me të mitur(jo të gjithë kuptohet). Një zakon që nuk nderon njeri sidomos këto kohë, pa folur që i heq vajzave të vogla të drejtën për të jetuar siç dëshirojnë.

Në intervistën e djeshme në News24 për Ylli Rakipin, kryeministri Edi Rama ka zbuluar edhe psenë e ndryshimit të subjektit ndërtues të Rrugës së Arbrit. Gjatë debatit me gazetarin, Rama tha ndër të tjera se “Ne me Kinën kemi negociuar për Rrugën e Arbrit dhe e kemi refuzuar se ishte shumë e shtrenjtë oferta”. Për negociimin me kinezët, u miratua edhe një ligj për procedurë të veçantë, ndërkohë që për publikun nuk u zbardh asnjëherë se cilat ishin termat e ofertës kineze. Më pas qeveria ia kaloi ndërtimin e rrugës një kompanie shqiptare.

Shtetet e Bashkuara të Amerikës kanë lëshuara dje sulme ajrore ndaj Sirisë së Bashar al Assad. 59 raketa Tomahaëk kanë goditur territorin sirian, bazën ajrore Sharyat në qendër të provincës së Homs. Sipas SHBA nga kjo bazë u nisën avionët që ndërmoren sulmet kimike në Idlib, të cilat presidenti amerikan Trump, i cilësoi si kriminale dhe të patolerueshme. Trump bëri thirrje që kombet e qytetëruara t’i bashkohen ShBA-së që t’i japin fund gjakderdhjes në Siri.