Slideri Kryesor

Po qarkullon një lajm së fundmi se Ilir Meta dhe LSI kanë shtuar kushtet për PS-në me kërkesën e presidentit konsensual. Nuk dihet se çfarë do të thotë kjo në kushtet kur me Kushtetutën e re, presidenti nuk ka më kompetencat e dikurshme mbi sistemin e drejtësisë. Nga ana tjetër, nuk është e qartë nëse çështja e presidentit del tani në sipërfaqe, apo është trajtuar që në marrëveshjen e 1 prillit 2013. Në çdo rast, lojëra të tilla provojnë se LSI-ja e Ilir Metës po vepron për të mbushur torbën e vet dhe asgjë më shumë.

Sulmi ndodhi në Idlib dhe mbetën të vdekur 74 persona, mes të cilëve 11 fëmijë. 

Zëvendësimi i Sajmir Tahirit nuk mjaftoi për të hequr dyshimet mbi rolin e policisë dhe mundësinë e përdorimit të saj në zgjedhje. Para pak ditës Drejtori i Policisë Haki Çako doli në një konferencë për të lajmëruar përjashtimin nga policia e Lezhës të 4 policëve që nuk kishin monitoruar siç duhet zonën për mbjelljen e kanabisit, kur shtrirja e këtij fenomeni ka prekur në fakt gjithë Shqipërinë dhe përgjegjësia duhet të kapte gjithë zinxhirin drejtues të policisë, çfarë nuk ka ndodhur.

Ministria e Jashtme e Maqedonisë thirri për shpjegime ambasadorin shqiptar në Shkup Fatos Reka, të cilit iu dorëzua nota e protestës për ndërhyrjen e Shqipërisë në punët e brendshme të shtetit fqinj. Shkupi zyrtar e konsideron një provokim serioz platformën shqiptare të firmosur në Tiranë duke theksuar se “mesazhe të tilla janë në dëm të marrëdhënieve të fqinjësisë së mirë mes dy vendeve”.

Nuk mbarojnë çuditë e politikës shqiptare që është e obsesionuar me lirinë dhe ndershmërinë e votës. Dashamir Shehi, në politikë prej 25 vitesh dhe që dikur ka mbajtur funksione ekzekutive të larta, deputet dhe ligjvënës prej kohësh, ka sugjeruar që të sanksionohet në Kushtetutë që për 10-15 vitet e ardhshme, 2-3 muajt e fundit të mandatit qeverisës të krijohet një qeveri teknike.

Fërkimi i parë mes administratës së re amerikane të Donald Trump dhe Rusisë së Vladimir Putin është konsumuar në formën e batutave cinike reciproke mes dy ministrave të Jashtëm. Rex Tillerson citohet të ketë bërë disa komente për homologun e tij rus, Lavrov, kur gjatë një takimi me ministrat e Jashtëm të NATO-s, sugjerimit se “ndaj Rusisë duhet një qasje në dy nivele, pasi edhe tangoja kërcehet nga dy veta”, ai iu përgjigj:

Bashkia e Dropullit ka nderuar me titullin “Qytetar Nderi” shkrimtarin Nasho Jorgaqi, me motivacionin “Për kontributin e tij në studimin, stimulimin dhe promovimin e letërsisë dhe kulturës së minoritetit etnik grek në Shqipëri”. Nderimi për shkrimtarin erdhi pas propozimit të Departamentit të Gjuhës dhe Qytetërimit Grek në Universitetin “Eqerem Çabej” të Gjirokastrës. Gazetari Fitim Çaushi shkruan se: “…Bashkia e Dropullit organizoi një mbrëmje kulturore me shumë emocione dhe ngrohtësi njerëzore”.

Zbardhet vendimi i Prokurorisë së Tiranës që pushoi çështjen ndaj grupit negociator të Ministrisë së Jashtme të akuzuar për tradhëti komëtare për marrëveshjen e detit me Greqinë. Sipas saj bisedimet e anëtarëve të grupit të punës janë bërë në neglizhencë të palës shqiptare për marrjen e masave parapërgatitore për marrëveshjen e delimitimit. Sipas prokurorisë kjo neglizhencë e grupit të punës ka sjellë dhe shkeljet e rënda të konstatuara më pas nga Gjykata Kushtetuese.

Në 6 vitet e fundit të gjitha vendet e Ballkanit Perëndimor bashkë, kanë krijuar 300 mijë vende të reja pune. Në një raport të Bankës Botërore rezulton se Shqipëria ka rritur me 3% punësimin, ku nga 50% që ishtë kjo shkallë në 2013- ën, në fund të 2015-ës shkoi në 53%. 
Megjithatë, Banka thotë se një pjesë e mirë e numrit të të punësuarve kanë ardhur si rezultat i futjes në skemën e sigurimeve shoqërore, edhe pse nënvizon se Shqipëria dhe Kosova vazhdojnë të kenë një shkallë të lartë informaliteti në këtë drejtim. 

Në maj të vitit 2016, kur Barack Obama vizitoi Hiroshimën, pati disa që spekulluan se presidenti i SHBA-së mund të kërkonte falje, në emër të vendit të tij, për bombardimin e këtij qyteti në fund të Luftës së Dytë Botërore. Në fakt, në konferencën e përbashkët për shtyp me kryeministrin japonez, Shinzo Abe, Obama tha se vizita e tij “nderonte të gjithë ata që kishin vdekur gjatë Luftës së Dytë Botërore dhe riafirmonte vizionin e përbashkët për një botë pa armë bërthamore”.