Blloku Politikë

Kryeministri hungarez ka vizituar së fundmi Bosnje-Hercegovinën, ku u takua vetëm me serbin Milorad Dodik, njëri prej tre anëtarëve të presidencës së vendit. Orban tha se Hungaria ka interes të madh në paqen, stabilitetin dhe sigurinë e Ballkanit dhe serbët që jetojnë në Republikën Srpska të BiH-së luajnë një rol kyç në këtë proces. Në deklaratë thuhet se mes të dyve është biseduar për “mundësitë e bashkëpunimit ekonomik ndërmjet Hungarisë dhe RS”.

Ashpërsohet “lufta” në PD. Foltorja e radhës e ish-kryetarit Berisha me të rinjtë e PD-së në Tiranë shënoi thellimin e përplasjes me ish-liderit historik të PD-së dhe kryetarit aktual. Në takimin e mbajtur me të rinjtë e FRPD-së në Amfiteatrin e Akademisë së Arteve, Berisha u tregua më i ashpër se asnjëherë tjetër me pasuesin e tij në krye të selisë blu.

Në Fletoren Zyrtare është botuar së fundmi një vendim i Gjykatës Europiane të të Drejtave të Njeriut për çështjen kumbuese “Ilir Beqja kundër Shqipërisë”. Zoti Beqja është ish-ministri i Shëndetësisë, i cili është ankuar se me diskualifikimin e tij për mbajtjen e mandatit të deputeteti, i është dhunuar një e drejtë që rregullohet sipas tij në nenin 3 të Protokollit nr. 1 të Konventës së të Drejtave të Njeriut.

Gjykata Kushtetuese ka rrëzuar kërkesën e Shoqatës së Bashkive të Shqipërisë, për shpalljen antikushtetuese të zgjedhjeve lokale të vitit 2019. Pasi mori në shqyrtim edhe opinionin e Komisionit të Venecias, Gjykata rrëzoi edhe kërkesën e Shoqatës së Bashkive, të përfaqësuar nga Voltana Ademi, për kushtetutshmërinë e regjistrimit të Partisë Bindja Demokratike në zgjedhje.

Në korrik 2019, Shoqata e Bashkive të Shqipërisë iu drejtua Kushtetueses me  kërkesën për konstatimin si antikushtetuese të zgjedhjeve vendore të 30 qershorit të atij viti.

Dje, ose pardje, z. Edi Rama, kryeministër i Shqipërisë, tregtoi në media një takim të tijin spontan me aktorin Leonardo di Caprio. I ashtuquajturi takim duket se është një bezdisje e Ramës për hir të një fotoje, në tavolinën ku ishte ulur aktori në samitin për klimën në Glasgow. Kush mund të besojë se njeriu që nuk dëgjon e vlerëson asnjë peticion për Vjosën ku parashikohet të ndërtohen hidrocentrale, po ka merak për klimën me Di Caprio që ka një angazhim publik në këtë drejtim?  Askush. As edhe fotografi/ja që ka shkrepur foton.

Eurodeputeti gjerman, Martin Buschmann, ka ngritur alarmin në lidhje me mënyrën e trajtimit të qenve të rrugës në Shqipëri. “Në Shqipëri, qentë e rrugës po vriten masivisht nga qeveria”, shkruan ai, ndërsa shton se do të dorëzojë një kërkesë me shkrim në lidhje me kriteret e anëtarësimit të vendit tonë në BE.

Buschmann thotë se si vend kandidat, Shqipëria duhet të zbatojë rregulloret e BE-së për mbrojtjen e kafshëve. Në mënyrë të veçantë, Buschmann ndalet te Bashkia e Tiranës dhe kryebashkiaku Veliaj, për vendimin për t’i helmuar këto kafshë, në vend që t’i sterilizojë.

Kryeministri i Maqedonisë së Veriut, Zoran Zaev, u dorëhoq pas humbjes së zgjedhjeve lokale. “Përgjegjësia për këtë rezultat është e imja dhe unë jap dorëheqjen si kryeministër dhe si lider i Bashkimit Social Demokrat”, tha Zaev mbrëmjen e së dielës, pa u shpallur ende rezultatet zyrtare.

Në Shkup, garën e fitoi Danela Arsovska, e qendrës së djathtë. Ajo bëhet kështu kryebashkiakja e parë grua që do të drejtojë Shkupin.

Taulant Balla i Partisë Socialiste deklaronte sot se PS-ja është e gatshme të ngrejë të hënën Komisionin Parlamentar për Reformën Zgjedhore.

Një ditë më parë foli Damian Gjiknuri për të njëjtën gjë. Një shenjë kjo e rivalitetit qesharak që ka kapluar partinë kryesore në vend për poste e ofiqe formalë që nuk ngrenë kandar në një organizatë personale si ajo.

Përtej kësaj, çështja që ka interes është të numerizohet reforma zgjedhore. E sata është në 30 vjet pluralizëm? E 35-ta? e 59-ta? apo e 100-ta?

Më 20 mars të vitit 2018, Erion Veliajt I është dërguar një letër nga nxënës të klasës së 4-t A të shkollës “Gjergj Fishta”. Përmes saj, nxënësit ankohen për trafikun e madh në Unazën e Re të “qytetit tonë” dhe i bëjnë një sugjerim që të vendoset një polic dhe një semafor.

Letra është në fakt një improvizim me natyrë didaktike i përfshirë në tekstin e lëndës “Gjuha Shqipe” e klasës së 4-të të shkollave fillore, faqja 38 dhe ajo synon të udhëzojë fëmijët për hartimin e një letre zyrtare.

Disa ditë më parë në mediat e Francës u publikua lajmi se një komision hetimor kishte gjetur se që nga viti 1950, në Kishën Katolike Frances vepronin rreth 3000 pedofilë, viktima të të cilëve kishin qenë 216 mijë fëmijë. Komisioni u ngrit nga peshkopët francezë në vitin 2018 për të hedhur dritë mbi abuzimet e kryera dhe përfundimet u njohën si të vërteta prej Vatikanit, teksa Papa i cilësoi gjetjet si të trishtueshme.