Blloku Politikë

Amendamenti i Taulant Ballës për heqjen e nenit 62 në ligjin për median audiovizive nuk është pranuar nga shumica. Alfred Peza, nënrkyetar i Komisionit Parlamentar të Medias ka deklaruar se shumica mendon të marrë në konsideratë vërejtjet e faktorit ndërkombëtar në këtë drejtim, të cilat e shohin shumë problematike këtë masë të propozuar. Amendamenti synonte që të hiqte nga ligji rregullimet për pronësinë dhe shpërndarjen e reklamave.

Pas opozitës parlamentare edhe Presidenti i Republikës kritikon procesin e reformës në Drejtësi. Në një letër drejtuar komisionit të Posaçëm për Reformën në Drejtësi, Bujar Nishani, përcjell rezervat e veta edhe për aspektin proceduriail, ashtu edhe për përmbajtjen e draftit. “Procesi po zhvillohet në mungesë të plotë transparence si për aktorët e drejtpërdrejtë ashtu edhe për publikun e gjerë.

Ambasadori i Shqipërisë në OSBE, Spiro Koçi, e ka lënë detyrën e tij. Ai ka thënë në një prononcim për gazetën “Panorama” se ndodhet në Tiranë, por pa sqaruar se në cilat rrethana është bërë largimi. “Për këto çështje kontaktoni me Presidencën dhe Ministrinë e Jashtëm”, thotë Koçi. Po sipas kësaj gazete Spiro Koçit i është ofruar një vend pune si këshilltar pranë Kuvendit të Shqipërisë.

Berisha ka hedhur poshtë zërat për një bashkëpunim politik mes tij dhe kryetarit të Kuvendit, Ilir Meta. Në një intervistë në emisionin “Studio e Hapur” të Eni Vasilit në “News 24”, ish­kryeministri ka përjashtuar mundësinë edhe të një bashkëpunimi politik mes kreut të PD­së Basha dhe Kryeministrit Rama. “Trokitja e gotave, aty ku ka qenë për shembull edhe ambasadori kinez, unë nuk mund të kthej shpinën. Meta nuk ka kërkuar dhe nuk kërkon pakte të reja. Unë kam vlerësuar qëndrimin e tij për hetimin ndërkombëtar. Aferën “DIA” e përdori Rama kundër Metës në mënyrë më të fuqishme.

Ish-kryeministri Sali Berisha ka folur për situatën aktuale në Partinë Demokratike, pas zërave për një përplasje mes ish-ministrave të qeverisë Berisha dhe kryetarit Lulzim Basha.

Ish-kryeministri mohoi të ketë një krisje në partinë më të madhe të opozitës duke thënë se ndarja që përflitet mes grupit të Lulzim Bashës dhe gardës së vjetër nuk ekziston. “Është vetëm një perceptim që një grup të rinjsh në Partinë Demokratike kanë një distancë me ministrat e qeverisë sime. Kjo nuk është e vërtetë”-ka theksuar Berisha në një intervistë për emisionin Studio e Hapur në News 24.

Kryetari i Partisë Demokratike, Lulzim Basha ka urdhëruar zhvillimin e zgjedhjeve në Forumin Rinor të Partisë Demokratike, për herë të parë pas 14 viteve. Të gjitha degëve në rrethe u është shpërndarë Udhëzimi për Organizimin e Zgjedhjeve për Organet Drejtuese të Forumit Rinor, material i cili i hap rrugën zgjedhjeve për kryetarin e ri të Forumit e strukturave të tjera.

Qasja e Europës me Ballkanin dhe diferencimi që u bëhet vendeve aspirante në raport me bllokun e shteteve anëtare ndërtohet mbi një hendek që vetë Brukseli e ka si një të keqe brenda vetes. Ndaj dhe etiketimi i vendeve të Europës Juglindore si të korrupruara sipas politikanit me përvojë Erhard Busek lidhet me një traditë që justifikon edhe etapat e negociatave mes dy palëve. Në një intervistë për gazetën “Dita” politikani austriak thotë se Bashkimi Evropian e di shumë mirë se e ka eksportuar korrupsionin në këto vende përmes kompanive që operojnë në to.

Ylber Dogjani, ish-shef i Agjencisë së Inteligjencës së Mbrojtjes, i shkarkuar nga kjo detyrë pak ditë më parë, është dekretuar sot në krye të Forcës Detare. Kjo zbardhet nga dekreti i Presidentit të Republikës, Bujar Nishani, që e cakton Dogjanin në krye të një prej forcave përbërëse të ushtrisë shqiptare. “Në mbështetje të nenit 93 dhe pikës 3, të nenit 169 të Kushtetutës, të gërmës “c” pikës 3, të nenit 9 të ligjit nr.

Adi Krasta ka nisur “A Show” përmes së cilës përcjell mesazhe dhe komente mbi situatën politike. Si një shfaqje e re në mjedisin mediatik shqiptar, shfaqja e parë ka dalë me mesazhin se aktualisht media dhe politika janë bashkuar në ngurtësimin e zhvillimit në një status quo e cila nuk lejon çlirimin e energjive.

Ambasadori amerikan Donald Lu ka zhvilluar sot një takim me ish-kryeministrin Sali Berisha në zyrën e këtij të fundit. Siç njoftohet temë e bisedës ka qenë reforma në drejtësi, për të cilën palët po përpqien që të realizohet me konsensus. “Reforma në Drejtësi është jetike për vendin dhe duhet të bazohet tek transparenca “,- ka thënë gjatë takimit Berisha, duke përcjellë kështu rezervat e opozitës.