Blloku Politikë

Shqipëria ka votuar në OKB pro rezolutës që kërkon heqjen e embargos ndaj Kubës. Një lëvizje diplomatike që merr kuptim kundër politikës amerikane në një rajon me rëndëis strategjike për të, është miratuar edhe nga Tirana zyrtare, e cila prej disa kohësh nuk ka marrëdhënie dhe aq të ngrohta me SHBA. Ministri i Jashtëm, Ditmir Bushati, deklaroi sot se vota e Shqipërisë nuk është votë kundër SHBA-ve, pasi këtë qëndrim Shqipëria e ka mbajtur në vijimësi, pavarësisht se kush ka qenë në qeverisje. “Shqipëria nuk ka votuar kundër Shteteve të Bashkuara të Amerikës ditën e martë.

Gjykata Kushtetuese vendosi të dëgjojë sërish deputetin Koço Kokëdhima në seancën e 23 nëntorit, lidhur me kërkesën e Partisë Demokratike për heqjen e mandit të tij, të cilën kuvendi refuzoi ta çojë për interpretim në Gjykatën Kushtetuese.
Sipas demokratëve, kompania e internetit të Kokëdhimës furnizon me internet plot 170 institucione zyrtare. PD bazohet tek rasti i vitit 2010, kur kjo gjykatë i hoqi mandatin deputetit Ilir Beqaj, pasi një kompani e tij kishte marrë pjesë në një tender shtetëror.

Pas kallëzimit të sotshëm, KOASH ka rishpërndarë këtë material si përgjigje ndaj priftit të Elbasanit.

“Ke marrë 1500 euro për një vend në këshillin bashkiak”, kjo ka qenë akuza që deputeti i PD-së Astrit Veliaj i ka bërë Fatbardh Kadillit, sekretari i burimeve njerëzore të PD-së, në analizën e zgjedhjeve të PD për qytetin e Beratit. Siç njofton Syri.net, të deleguarit e qendrës, Edmond Spaho, Eno Bozdo, Fatbardh Kadilli, si dhe deputetët Genc Pollo e Astrit Veliaj, janë përballur jo vetëm me kritika dhe debate të ashpra me bazën e partisë, por shkëmbyen akuza të ndërsjella midis tyre.

Demokratët kërkojnë mandatin e Valentina Leskajt, fill pasi denoncuan se konçensionin e segmentit hekurudhir Ballsh-Fier-Vlorë e fitoi djali i saj. Sipas një deklarate të Arben Ristanit, nënkryetarja e Kuvendit është në konflikt interesi pasi fëmija madhor i deputetit specifikohet në ligj që nuk mund të përfitojë nga asetet publike. “Zonja Leskaj është në shkelje të Kushtetutës, në nenin 71 të ligjit themeltar të shtetit”, tha Arben Ristani, sipas të cilit PD do të dorëzojë sot në kuvend një kërkesë për dorëzimin e mandatit të deputetes së Vlorës, Valentina Leskaj.

Ndriçim Kulla shkruan sot në gazetën “Mapo” një opinion që i dedikohet ministrit të Jashtëm, Ditmir Bushati, të cilin e quan ministër të Përjashtëm. Kulla, që ka punuar vetë pranë Presidentit aktual të Republikës, zbardh në këtë shkrim,mpërveç pikëpamjeve, edhe ndonjë gjë që e di për shkak të punës. Por nuk tregohet shumë i ashpër pasi mjaftohet që ta quajë Bushatin thjesht “të papërshtatshëm”. Përveç faktit se ky i fundit ka një përvojë “vërdallosjen nëpër OJQ”, Kulla mendon se ai është krejt jashtë funksioneve në detyrën e tij.

Nga fondet e Agjencisë për Mbështetjen e Shoqërisë Civile, ka përftuar edhe FRESSH në shkelje të ligjit, por AMSHC u ka dhënë fonde po ashtu shoqatave me projekte të padobishme. Kryetarja e Komisionit të Shëndetësisë, Albana Vokshi, ka publikuar dje listën e organizatave joqeveritare që kanë përfituar fonde, ku spikasin edhe projekte qesharake si një fond 18 milionë lekë për shoqatën IDC, me projektin: “Kariesi nuk është destin për personat me aftësi të kufizuara. Ai mund të luftohet duke krijuar shprehitë e duhura”.

Eduard Ndocaj merr zhgënjimin e parë edhe nga opozoita meqënëse nga Partia Socialiste dhe Edi Rama ka kohë që ka humbur besimin. Ai ka komentuar në faqen e tij në facebook, qëndrimin e anëtarëve të djathtë në Komisionin Qëndror të Zgjedhjeve, duke i dhënë vetëm një shpjegim, opozita nuk e ka seriozisht dekriminalizimin, pra largimin e deputetëve me rekorde kriminale dhe afrimin e njerëzve të punës në parlament.

“Lajmin e votimit tim nga KQZ e mora ne pune duke filluar nje kantier te ri. Ky eshte nje shembull edhe per koleget e mi qe me pune duhet te ecim gjithmone me pune.

“Panorama” shkruan sot se deputetët socialistë i kanë kërkuar kreut të Grupit Parlamentar, Gramoz Ruçi, që vota e tyre të jetë e unifikuar me LSI në seancën plenare të votimit për ndryshimet në Kodin Penal ku kërkohet ashpërsimi i ndëshkimeve ndaj kontrabandës dhe informalitetit. Kreu i Komisionit Parlamentar të Ekonomisë, Erjon Braçe, i kërkoi Ruçit që të shihet mirë ky ligj pasi ka marrë edhe shqetësime të deputetëve për ashpërsimin e tij.

Arben Ndoka ikën dhe në vend të tij vjen Eduart Ndocaj. Komisioni Qendror i Zgjedhjeve i dërgoi sot Parlamentit emrin e tij si zëvendësues i Ndokës, që dorëzoi mandatin më 7 shtator të këtij viti përmes një letre publike. Vendimi në KQZ e bën edhe më qesharake situatën pasi ai u mor me 4 vota pro dhe 3 kundër. Nuk dihet se pse është kundërshtuar nga 3 anëtarë marrja e mandatit nga Ndocaj, kur formalisht atij i takon. Sipas listës së PS-së në qarkun Lezhë, mandati i takonte Ndrec Dedajt, po ky i fundit nuk pranoi të japë dorëheqjen si kryebashkiak i Mirditës.