Blloku Politikë

Në një intervistë në “Top Story” me gazetarin Sokol Balla, Presidenti i Republikës, Bujar Nishani duke folur për reformën në drejtësi, tha se drafti i komisionit të posaçëm ka propozime që bien ndesh me Kushtetutën, duke krijuar precedentë të rrezikshëm.  “Më shqetëson ekzistenca e gjyqtarëve dhe prokurorëve të korruptuar. Problemi im më i madh është te kapja e gjyqtarëve dhe prokurorëve të korruptuar nga politika. Edhe thirrjet e kryeministrit janë problem për mua, reforma s’mund të bëhet me thirrje dhe deklarata.

Eduart Ndocaj, deputeti më i ri i Parlamentit shqiptar ka dhënë sot një intervistë për Ylli Rakipin në “Ora-News”. Ndocaj ka dhënë përgjigje të thjeshta dhe të sinqerta. Një ndër pyetjet e fundit ka qenë edhe situatën politike siç e sheh ai dhe për përvojën në Itali. Thotë Ndocaj: “Në politikën italiane ka nja 5 vjet që po merrem dhe bashkëpunoj me Forza Italia me partinë e Berlusconit.

I sapo kthyer nga Hong Kongu kryeministri Rama u ka dhënë përgjigje disa akuzave të opozitës për tendera të dyshimtë dhe përfitime nga klientë të qeverisë. Pretendimeve se blerja e 22 maikinave qeveritare është një aferë ku përfiton miku i tij Papuli, Rama i është përgjigjur se marrja me qira e makinave thjesht i shkurton shpenzimet qeverisë.

Në seancën e kësaj të enjte në parlament ish-kryeministri Berisha kërkoi sqarime nga ministrja e Inovacionit Milena Harito për vendimin e qeverisë për t’u blerë dekodera dixhitalë 84 mijë familjeve në nevojë, me një shumë tenderimi prej 3.4 milionë dollarë. Ish-kryeministri tha se me këtë tender qeveria ka vendosur të shpërblejë kompaninë Dixhitalb me 3.4 milionë dollarë, ndërsa ministrja Harito nuk specifikoi se nga cila kompani do blihen dekoderat, por argumentoi se qeveria nuk mund t’i lërë shqiptarët pa parë televizor.

Azilkërkimi në rritje nga shqiptarët është një dukuri që po bie në sy në Europë. Kjo ngase Shqipëria është një vend kandidat për në BE dhe rritja e kërkesave për azil, apo ikja e njerëzve, pasqyron një realitet krize. Një prononcim ka dhënë me këtë rast edhe mikesja e Partisë Demokratike, eurodeputetja Doris Pack, e cila e kërkon një përgjegjësi edhe te kryeministri Edi Rama: “Nuk e kuptoj, pse kemi kaq shumë shqiptarë që braktisin vendin. Nëse do të isha në vendin e Ramës, do të pyesja pse ndodh kjo?

Seanca e sotme plenare është shoqëruar me debate të mëdha mes pozitës dhe opozitës. Jozefina Topalli, ish-kryetare e Kuvendit, ka deklaruar se situata është e tillë që deputetët e së majtës, disa prej tyre, duhen nxjerë prej zhelesh nga Kuvendi. “Ka mbet mazhoranca të përfaqësohet nga burra 1 e 50 të gjatë. Para disa vitesh i kam thënë rojes që ta marrë ta nxjerrë prej zhelesh një deputet këtu.Por jam nxituar. Sot është koha që shqiptarët t’ju kapin të gjithëve për zhelesh dhe t’ju nxjerrin përjashta”, tha Topalli.

Në një takim me banorë të Petovës në Fier, kreu i opozitës, Lulzim Basha ka bërë të ditur se fshatarët do të paguajnë vetëm një taksë, atë të pronës. Ai ka theksuar se të gjitha paratë që do të mblidhen nga taksa e pronës do të shkojnë për investime në kanale kulluese dhe vaditëse.

Partia Demokratike dononcoi një tjetër aferë korruptive sipas saj që ka të bëjë me tenderin e ambulancave të spitaleve. Në një deklaratë për mediat nga selia blu, deputetja Eleina Qirici tha se edhe ambulancat “blihen tek Papuli”, aty ku janë porositur edhe xhaguarët e personaliteteve qeveritare.
“Para se të marrte Jaguarët me xhama të zinj, makinat e sheikëve, tek dyqani i Papulit, afera 2 milionë euroshe, Edi Rama i ka dhënë atij edhe 1 miliardë e 247 milionë lekë për blerje ambulancash.

Një ditë para se të bëjë betimin në Kuvendin e Shqipërisë, deputeti më i ri, Eduart Ndocaj deklaron se ka shpenzuar rreth gjysmë milioni euro në fushatën elektorale të vitit 2013 për Partinë Socialiste. Në një intervistë të dhënë mbrëmjen e së mërkurës në emisionin “Opinion”, Ndocaj thotë se ftesën e ka marrë nga Kryeministri Edi Rama, në atë kohë kryetar i opozitës. Duke folur për jetën e tij, Ndocaj tha se ka emigruar për herë të pare në vitin 1996 në Itali si emigrant dhe filloi punë në ndërtim.

Sali Berisha është njeriu kryesor i së djathtës parlamentare dhe aludimet se Lulzim Basha ka lëvizur me ndonjë manovër të vogël për ta spostuar janë larg realitetit. Në një intervistë për “Ora-News” sot, Sali Berisha ka përcjellë ato që mund të quhen direktiva për PD-në. Qeveria është e dështuar dhe se tani vendi, me apo pa dëshirë, duhet të përgatitet për zgjedhje. Deri aty ka disa lojëra akoma të cilat i janë bërë të njohura sot shqiptarëve sipas një versioni: atij të Sali Berisha.