Blloku Politikë

Qindra banorët të Krujës dhe Fushë-Krujës dhe zonave përreth dolën në protestë për të kundërshtuar bllokimin e hyrje-daljeve në autostradën Thumanë-Kashar.

Ata thonë se për shkak të rrugës së re që sapo ka nisur së funksionuari, nuk kanë akses në shtëpitë dhe tokat e tyre.

Në krah të protestuesve dolën edhe përfaqësues të opozitës.

Kjo nuk është protesta e parë që prej hapjes së autostradës, e cila funksionon me pagesë.

Protesta të ngjashme ka pasur disa herë gjatë ditëve të fundit dhe janë shoqëruar me tensione mes qytetarëve dhe policisë

Momenti kur njoftohen ndryshimet e udhëheqësit. Fytyra e vrerosur e z. Gjiknuri. Nuk ka të paguar. 
Pas fjalimit të asaj Helenës, të cilën z. Gjiknuri e siguroi ndoshta me 30% listë të mbyllur.

Kongresi ishte me regji partie. Regjia kujdeset të kapë reagimet – edhe për thyerje planesh kuptohet – se mes tyre ky farë udhëheqësi sheh e kupton, pikas, lexon, pra vendos. 

Po ç’ke o Damian që lëngon? Ç’ke që nuk qesh edhe ti 365 ditë si Pandi? Apo nuk është mirë të dalësh te bishti e të duartrokasësh për Lenkat e ditëve tona? 

Kryeministri Rama ka njoftuar disa ndryshime në kabinetin qeveritar. Riformatimi i kabinetit prek disa prej ministrive më të rëndësishme dhe u bë i ditur në fund të fjalës që kreu i socialistëve mbajti në Kongresin Zgjedhor të partisë.

Rama ka zgjedhur Elisa Spiropalin në postin e kryetares së Parlamentit, lënë vakant nga Lindita Nikolla, e cila njoftoi tërheqjen në seancën e fundit të këtij sesioni parlamentar.

Detyra e zonjës Spiropali si ministre Shteti për Marrëdhëniet me Parlamentin i jepet Taulant Ballës.

Këto ditë ka bërë disi zhurmë mosdepozitimi në seancë plenare i raportit të Kontrollit të Lartë të Shtetit, me arsyen se kryetari i Komisionit Parlamentar të Ekonomisë, Eduard Shalsi e ka bllokuar atë. Vetë Shalsi ka deklaruar se i ka drejtuar disa pyetje KLSH-së se pse ka kërkuar shkarkimin e Mimoza Dhëmbit, një funksionare e lartë e Ministrisë së Financave.

LINDITA NIKOLLA ja doli te ishte aty, QENDROI, DUROI, PERBALLOI, QETESOI, NORMALIZOI ne emer te dinjitetit te Kuvendit e Republikes, interesit publik te qytetareve te ketij vendi; nuk eshte pak kjo, eshte shume ne mes te nje LUFTE!

Këto shkruan sot deputet dhe ish-zv.kryeministri Erjon Braçe. I shkruan në profilin e vet në Facebook, por mediat ja kanë qarkulluar duke i bërë publike.

Lindita Nikolla njoftoi dorëheqjen nga detyra e kryetares së Kuvendit në përfundim të seancës së fundit të këtij sesioni parlamentar. Në fjalimin e saj para deputetëve, Nikolla tha se arsyeja e tërheqjes së saj është një problem me shëndetin, por la të kuptohet se do ta vijojë mandatin e deputetes.

Parlamenti i Shqipërisë, mazhoranca socialiste, dështoi që të bënte reformën zgjedhore që prisnin shqiptarët, politika…

Kroacia ka shpallur non grata tre politikanë të rëndësishëm të Malit të Zi. Kryeparlamentari malazez, Andrija Mandiç, deputeti Milan Knezeviç dhe zëvendëskryeministri Aleksa Beçiç e kanë të ndaluar hyrjen në Kroaci, një vendim ky i marrë nga autoritetet kroate me argumentin se tre personat e mësipërm kanë cenuar marrëdhëniet e fqinjësisë së mirë.

Shoqata "Labëria" i doli në mbështetje kandidatit socialist për Bashkinë e Himarës, dropullitit Vangjel Tavo.

Në një nga takimet e kandidatit të majtë, një prej përfaqësuesve të shoqatës u kërkoi të pranishmëve t’i japin votën minoritarit Vangjel Tavo, në mënyrë që pas 4 gushtit në Himarë “të mos flitet greqisht, po të flitet shqip, ashtu siç duhet folur”.

Në një prononcim sot për mediat kryetari i Grupit Parlamentar të PS-së, Bledi Çuçi, ka thënë ndër të tjera se Erion Veliaj ka mbështetje unanime nga partia. Madje sipas toj, Veliaj nderon këdo:

I vetmi qëndrim i grupit parlamentar njëzëri është që Veliaj është kryetari i Bashkisë më i suksesshëm që ka pasur dhe që ka PS në këto vite kur ne qeverisim së bashku në pushtet qendror dhe vendor.