Blloku Ekonomi

Minstri i Financave Arben Ahmetaj ka zbardhur ndryshimet që propozohen në paketën fiskale për vitin e ardhshëm. Një nga pikat është edhe ulja e tatimit mbi vlerën e shtuar për autobusat elektrikë që do të fusë në përdorim bashkia e Tiranës.

Lëvizje që mesa duket është nxitur nga vetë Bashkia, e cila ka dalë garant për operatorët që do fusin këto mjete në Shqipëri. Ahmetaj e tha mes rreshtash këtë detaj që çon ujë në interesat e Veliajt, e cili ia ka dalë të imponohet edhe në politikën e taksave.

Rreth 11 mijë fermerë ende nuk janë pajisur me titullin e pronësisë së tokës bujqësore ndërkohë që afati i fundit është 31 dhjetori. Këshilltarja e ministrit të Bujqësisë, Lorena Goxhobelli sqaroi se nga ligji përfitojnë vetëm përdoruesit faktik, jo emigrantët dhe se nuk do të ketë shtyrje afati. Në një intervistë për TemaTv, Goxhobelli sqaroi se Aktin e Marrjes në Pronësi nuk e përfitojnë emigrantët, për shkak se ligji parashikon përfitim për ata që e përdorin. 

TemaTv

Policia konfirmoi me anë të një njoftimi arrestimin e dy personave, mes të cilëve Artan Krojit, kryetari i Partisë Socialiste në njësinë Nr. 3 në Tiranë.  Ai akuzohet për korrupsion pasiv dhe shpërdorim detyre.

Paracaktimi i fituesit për konçesionin e kolaudimit të matësve në pikat e tregëtimit të  karburanteve dhe gazit është denoncuar nga një kompani holandeze që ka marrë pjesë në garë. 

Edhe pse zyrtarisht fituesi do të shpallet në 18 Tetor, Shoqëria Penzoil Trading SA, me seli në Zvicër, ka depozituar ankimimin,1 javë pas hapjes së procedurës nga qeveria, më datën 28 Shtator.

Qeveria përcolli me entusiazëm shitjen e eurobondit në tregjet ndërkombëtare ose thënë ndryshe rregullimin e strukturës së borxhit përmes një kredie të re 500 milionë euro me interes 3.5%  me afat 7 vjeçar.

Një lëvizje në terma financiarë që ka ndodhur edhe në të kaluarën, me ndryshimin së këtë rradhë interesi është më i ulët. Kështu në vitin 2015, kur Ministria e Financave drejtohej nga Shkëlqim Cani Shqipëria emetoi 500 milionë euro bonde përkundrejt interesit 5.75%.

Kuvendi shtyu edhe me një vit efektin e ligjit të investimeve strategjike. Zgjatja e afatit i lejon qeverisë që të ftojë biznese të huaja dhe vendase në Shqipëri për të investuar shuma të mëdha, ku në këmbim atyre do t’i ofrohet mbrojte ligjore, shkurtim i procedurave dhe përdorim i tokës shtetërore ose private në bazë të vlerës që do të investohet.
Edit Harxhi, zv/ministër i Ekonomisë dhe Financave njoftoi se vitin e ardhshëm qeveria do të sjellë në Kuvend një ligj të ri, i cili do të unifikojë parimet në ligjin për investitorët e huaj edhe për ata vendas.

Shqiptarët nuk kanë mundësi që të blejnë automjet të reja. Ndonëse dëshira e qeverisë për të kufizuar hyrjen e makinave të vjetra është e mirë, ajo neglizhon realitetin ekonomik në vend.

Revista ekonomike “Monitor” shkruan sot se kompania e telefonisë së lëvizshme, Telecom Albania, pjesë e Deutsche Telecom do të shitet. Sipas revistës në lojë për ta blerë janë kompanitë Vivacom, Globul Telenor dhe manjati grek, Vardis Vardinogiannis. Lajmi ka rrjedhur nga mediat bullgare, ndërkohë që dalja nga tregu e gjermanëve duket se është për arsye mirëfilli financiare. Revista referon të ardhurat për vitin 2017 të Telecom, të cilat kanë qenë shumë të ulëta. Në fakt kompania ka patur 36 milionë euro humbje, çka është me të vërtetë shumë.

Prej janarit të vitit 2019 do të ndalohet importi i automjeteve të prodhuara para 2010-s. Kjo do të bëhet nëpërmjet një vendimi të Këshillit të Ministrave. Sipas Klosit, Shqipëria është vendi i vetëm në rajon që importon makina më të vjetra se 10 vjet. Duke iu përgjigjur pyetjes së Tema TV, ministri Klosi pranon se për këtë vendim ka mjaft presion nga bizneset e importit të automjeteve, riparimit të tyre dhe kompanitë e karburanteve.

Për të siguruar të ardhura të larta për investimet e tyre, kinezët kanë hyrë fuqishëm në Evropën Juglindore gjatë dekadës së fundit. Sipas Deutsche ëelle kjo shihet si shqetësuese për Ballkanin, që paralelisht me investimet të bjerë nën ndikimin politik të Pekinit, i cili vijim të rrisë investimet dhe fitimet.

Investimi i parë i madh i kinezëve në Ballkan u u bë në 2009 në Greqi kur Cosco investoj më shumë se 650 milion euro për të shfrytëzuar portin e Pireut për një periudhë 35-vjeçare. Shtatë vjet më vonë, kinezët siguruan shumicën e aksioneve të Autoritetit Portual të Pireut,