Blloku Bota

“Situata aktuale është shenja e fundit e dezintegrimit amerikan në vendosjen e rregullit në Lindjen e Mesme, i prishur që nga lufta e vitit 1973”, shkruan në një opinion të tijin ish-sekretari i Departamentit amerikan të Shtetit, Henry Kissinger botuar në gazetën “Wall Street Journal”. “Shtetet e Bashkuara të Amerikës kanë nevojë për një strategji të re dhe për prioritetet të tjera në këtë pjesë të botës”, theksoi ai. “Uashingtoni duhet të vendosë për rolin që duhet të luajë në shekullin XXI dhe padyshim që Lindja e Mesme do të jetë prova jonë e parë dhe ndoshta më e vështirë.

Parlamenti grek miratoi sot gjatë orëve të para të mëngjesit një tjetër buxhet të shtetit me masa shtrënguese, ku qeveria e re e kryeministrit Aleksis Cipras kishte pasqyruar marrëveshjet e arritura me kreditorët ndërkombëtarë. “Ky buxhet përmban masa të tjera të vështira”, deklaroi dje kryeministri Cipras. Ndërkohë, televizioni shtetëror grek, tregoi pamje të njerëzve të cilët demonstronin jashtë ndërtesës së parlamentit kundër masave të reja shtrënguese.

Një parti e etiketuar si prorendëse e ekstremit të djathë dhe nacionalizmit radikal me drejtues të saj të akuzuar për krijim të organizatës kriminale, por kjo nuk e ka penguar ministrin e Jashtëm grek Nikos Kotzias të kërkojë mendimin e kreut të Agimit të Artë, Nikos Mihaliolakos për çështjen e emrit të Maqedonisë.
Letëra drejtuar Mihaliolakos i përket periudhës pas mbledhjes të Këshillit Kombëtar të Poitikës së Jashtme thirrur në 22 korrik të këtij viti nga ministri i Jashtëm grek, Nikos Kotzias dhe është konfirmuar nga Ministria e Jashtme greke.

Një person ka vrarë të paktën pesë veta dhe ka plagosur pesë të tjerë në një qendër arsimore shiitësh në lindje të Arabisë Saudite. Vrasësi është vrarë nga policia saudite dhe mendohet se i përket Shtetit Islamik

Bullgaria refuzoi sot një avion rus me destinacion Sirinë që të kalojë në hapësirën e saj ajrore, njoftoi Ministria e Punëve të Jashtme. Rusia është angazhuar, që prej fundit të shtatorit, ushtarakisht në siri duke mbështetur regjimin e presidentit Bashar al Assad. “Bullgaria ka refuzuar këtë fluturim pasi afati kohor ligjor për njoftim është pesë ditë dhe nuk është respektua nga pala ruse”, citon agjensia e lajmeve AFP, deklaratën e zëdhënëses së Ministrisë së Punëve të Jashtme, Betina Joteva. Sipas palës ruse avioni transportonte ndihma humanitare.

Viktimat e valës migratore drejt Europës ngjan se nuk mbarojnë. Dje një varkë drejtuar në Lesvos të Greqisë është mbytur pas përplajes me një anije të Rojës Bregdetare, si pasojë e detit të keq. U shpëtuan 31 persona, por 7 mbetën të vdekur. Fotot e mëposhtme sjellin pamjet e aksidentit dhe janë realizuar për “reuters” nga fotografi George Moutafis. 

Në Turqi situata nuk është e qetë. Sulmi në Ankara i përkeqësoi edhe më shumë gjërat, përballë një qeverie që po drejton me kokfortësi. Në një intervistë për DW, eksperti i Lindjes së Mesme Michael Lüders, jep disa mendime për të kuptuar atë që po ndodh aty.

Sipas AFP presidenti amerikan, Barack Obama njoftoi qëndrimin e një kontigjenti prej më shumë se mijëra ushtarë amerikanë në Afganistan edhe pas vitit 2016. Obama e cilësoi këtë prani ushtarake ende të domosdoshme për t’u ardhur në ndihmë forcave afgane ende mjaft të brishta. Qeveria afgane ka përshëndetur këtë vendim. Presidenti afgan, Ashraf Ghani ka përgëzuar nga ana e tij vendimin e palës amerikane në rrjetin Twitter duke pohuar se vendi i tij do të qëndronte më shumë se kurrë i vendosur në forcimin e marrëdhënieve në luftën kundër terrorizmit.

 Numri i kërkesave për azil, i paraqitur këtë vit në shtetet e Bashkimit Evropian, e ka kaluar rekordin e shënuar në vitin 1992, pas shpërbërjes së Jugosllavisë. Për dallim prej vitit 1992, kur gati dy e treta (444.000) e azilkërkuesve vinin prej shteteve evropiane, tani ka më së shumti sirianë dhe afganë, por qytetarët e Ballkanit Perëndimor paraqesin grupin e dytë për nga madhësia (155.045).

Vladimir Putin tha sot se dënonte qëndrimin jokonstruktiv të Shteteve të Bashkuara të Amerikës të cilat sipas tij shmangin parimin e një shkëmbimi të delegacioneve me Moskën për bisedime rreth konfliktit sirian. “Unë besoj se ky qëndrim është jokonstruktiv dhe në mënyrë të dukshme burimi i dobësisë së qëndrimit amerikan dhe mungesës së një plani për Sirinë. Në pamje të parë duket thjeshtësisht sikur nuk ka asgjë konkrete për bisedime me amerikanët”, citon agjensia e lajmeve AFP deklaratën e presidenti rus në Astana.