Blloku Bota

Rreth 20 kroatë, tifozë të Dinamos së Zagrebit, janë sulmuar nga dhjetëra serbë në aeroportin e Athinës pasi ktheheshin nga ndeshja e ekipit të tyre me Olimpiakos. Pamjet tregojnë se serbët ishin organizuar me shkopinj dhe mjete të forta për të sulmuar kroatët, një tjetër provë e urrejtjes etnike që dominon Ballkanin. 

Dorëheqja e beftë e kryeministrit rumun, Viktor Ponta pas vdekjes së 32 të rinjve në një klub nate, nuk ka ulur revoltën e mijëra njerëzve, që marshuan për të dytën natë në Sheshin e Universitetit në Bukuresht.

Ata kërkojnë të ndalet korrupsioni dhe bënë thirrje për zgjedhje të parakohshme. Razvan Mitroi, gazetari që ka marrë pjesë edhe në revolucionin e 1989 nuk ka pritshmëri të larta kësaj here. “Nuk mund të ndryshosh klasën politike brenda natës, por ky është një sinjal i fortë, për të ndryshuar disa nga zakonet dhe organizimin”u shpreh ai.

Çfarë ka mbetur akoma? Sigurisht që mund të pritej që pas zbulimeve të para në skandalin e emisioneve të ndërtuesit më të madh evropian të automobilëve të vinin edhe gjëra të tjera të pakëndshme. Tani goditjet vijnë nga të gjitha anët. Nga njëra anë nga SHBA, ku autoritetet e mjedisit besojnë të gjejnë parregullsi të tjera.

Çfarë e shkaktoi rrrëzimin e avionit rus në Egjipt? Shërbimet sekrete amerikane dhe britanike besojnë se avioni që u rrëzua në gadishullin  e Sinait me 224 persona në bord, është goditur nga një bombë.Sipas shërbimeve amerikane me shumë gjasë avioni ka qenë në shenjestër të Shtetit Islamik. Një zyrtar amerikan i tha CNN se bomba që shkaktoi tragjedinë ajrore mund të ishte vendosur në bagazhin  e avionit. 

Kryeministri rumun Viktor Ponta e mori vetë përgjegjësinë për atë që ndodhi në një lokal nate në Bukuresh javën e kaluar ku si pasojë e një zjarri humbën jetën 27 persona. Partia Socialdemokrate njoftoi dorëheqjen e tij nga detyra pas protestave massive të një dite më parë. «Viktor Ponta është dorëhequr nga detyra. Dikush duhet të merrte përgjegjësinë për atë që ndodhi”-thuhet në deklaratën e Partisë Socialdemokrate rumune.

Ish-ministri grek i Financave, Yanis Varoufakis thotë në një intervistë për “Financial Times” se puna ideale për të është ai i Kancelares Angela Merkel. Pranon sesi pengesë është gjuha gjermane, por sa për planin e masave si kancelar eventual i Gjermanisë ai e ka të qartë: një plan me katër pika për t’i dhënë tjetër ritëm ekonomisë së Eurozonës, i ngjashëm me planin e tij për Greqinë. Do krijonte një fond për varfërinë të mbështetur nga Banka Qendrore Europiane dhe do të orientonte Bankën Europiane të Investimeve drejt tregut të energjisë së pastër, në teknologji, biznes etj..

Ministri grek i Arsimit, Nikos Filis, ka provokuar debate me një intervistë të vetën në “STAR TV” teksa ka deklaruar se nuk ka patur genocid ndaj Pondëve(grekë të Pontit, ose otomanë  grekë kristianë). Duke shprehur mirëkuptim për vuajtjet e kësaj pjese të popullsisë greke, për masakrta dhe vrasjet, ai ka deklaruar se përkufizimi më i saktë do të ishte diçka mes spastrimit etnik të përgjakshëm dhe genocidit. “Kjo është diçka e ndryshme nga i ashtuquajturi genocid në kuptimin shkencor”, qartësoi Filis.

Irinej, Patriarku i Kishës Ortodokse Serbe, ka deklaruar nga Konferenca e Përgjithshme e UNESCO-s, se nëse vjen puna te mbrojtja e serbëve dhe e pasurisë historike të tyre që gjendet në Kosovë, do të duhej të përdorej edhe forca. “Nëse vjen puna te përdorimi i forcës, atëherë ne duhet të bëjmë gjithçka që të marrim atë që na takon. Shpresoj që nuk do të kemi mundësinë të mbrohemi kështu...”, tha ndër të tjera, ai. Irinej ka vijuar më tej duke deklaruar vende të shenjta të serbëve, të historisë së tyre dhe të kulturës, ndodhen në Kosovë. Dhe se ato duhen mbrojtur.

Gjermania vlerëson se Ballkani ndodhet ende në buzë të konflikteve të armatosura. Në një fjalim të vetin me përfaqësues të partisë së vet, CDU, kancelarja gjermane Angela Merkel, ka deklaruar se mbyllja e rrugëve për lëvizjene ballkanasve mund të çojë  në konflikte të armatosura. “Mbyllja e kufijve do të shkaktonte kritika dhe grindje mes vendeve të ndryshme. Nuk dua që atje sërish të jenë të domosdoshme ndërhyrjet ushtarake", theksoi Merkel.