Blloku Bota

Hyrja në Bashkimin Europian i jep fund neutralitetit në politikën e jashtme. Këtë ka thënë lidhur me Serbinë, ministri i Shtetit në Ministrinë e Jashtme Federale, Michael Roth për gazetën serbe “Vecernje Novosti”. “BE-ja dhe vendet anëtare të tij janë në vend të parë për Serbinë kur vjen puna për tregëtinë, investimet dhe bashkëpunimin politik. Më tej akoma, Serbia mban marrëdhënie me vende të tjera dhe askush nuk pret që ato të dëmtohen. Gjithsesi, ju dëshironi t’i bashkoheni BE-së, çka do të thotë se ju duhet të deklaroheni në përputhje me poizicionet e BE-së për politikën e jashtme.

Një nga gazetarët kryesorë të CNN, nga Fareed Zakaria u zu ngushtë pas pyetjeve që i drejtoi presidentit rus, Vladimir Putin. Zakaria u ftua për diskutim në Forumin Ekonomik të Shën Petersburg mbajtur fundjavën e kaluar. Në panel ishin  presidenti i Kazakistanit Nursultan Nazarbajev, Presidenti Putin Vladimir Putin dhe kryeministrin italian Matteo Renzi. Zakaria pyeti presidentin pse e cilësoi si "të talentuar" kandidatin republikan për president të SHBA-ve, Donald Trump?

Falluxha është sërish në duart e Bagdadit zyrtar. Dy vjet pasi Shteti Islamik mori qytetin 30 km në perëndim të kryeqytetit iraken, forca të ushtrisë, rezervistë fise të ndryshme udhëhequr nga SHBA kanë mësyrë sërish për ta rimarrë Falluxhën. Një qytet me 50 mijë banorë nga të cilët 40 mijë kanë ikur. Dhe ikja është esenca e kësaj lufte të fundit në Lindjen e Mesme, një ikje masive dhe e pandërprerë. Fotot janë sjellë nga “The Atlantic” dhe dëshmojnë betejën në një front që po shteron shumë energji dhe po konsumon shumë jetë njerëzish. 

7 vjet nga vdekja e Michael Jackson dalin në dritë fakte tronditëse të raportit të Policisë së Santa Barbaras në Kaliforni. Sipas «Radar Online» që ka botuar këto dokumente dhe fotografi,  Michael Jackson kishte një koleksion shumë të madh të materialeve pornografike, ku bie në sy një koleksion fotografish i titulluar  “Nude photos of teenage boys from late 1800s”, në shqip “Foto lakuriq të djemve adoleshentë në fund të viteve 1800”.

Kryeministri italian Matteo Renzi duket se ka hyrë në autizëm të detyruar politik pas rezultateve elektorale në zgjedhjet e fundit. Ai deklaroi dje se shpresonte shumë në balotazhet, apo se votuesit në disa zona ishin shprehur kundër se “kishte shumë pjehra në rrugët e tyre”. Më tej Renzi lëshoi njerëzit e tij në Partinë Demokratike që i përket qendrës së majtë, të përhapin idenë se proba politike është reforma kushtetuese dhe jo zgjedhjet administrative.

Mbyllja e rrugës ballkanike mendohet se do ta ekspozojë Europën ndaj një vale migratore nga Afrika. Në mediat gjermane po qarkullon një vlerësim i Agjencisë Europiane për Mbrojtjen e Kufijve(FRONTEX), sipas të cilit hyrja parashikohet të ndodhë nga Libia me anë të gomoneve. “Llogarisim ardhjen e rreth 10.000 refugjatëve në javë nga Libia“, citon gazeta gjermane “Bild”, drejtorin e Frontex-it, Klaus Rösler, që ka folur në një aktivitet të Fondacionit Konrad-Adenauer në Bruksel.

Presidentja e Kroacisë Kolinda Grabar-Kitarovic dhe Kryeministri i Serbisë, Aleksandar Vuçiç kanë nënshkruar një deklaratë në Suboticë të Vojvodinës për avancimin e marrëdhënieve dhe zgjidhjen e çëshjeve të hapura ndërmjet dy vendeve. Dy liderët u takuan në mënyrë simbolike mbi një urë në lumin Danub që i lidh dy vendet.
Grabar –Kitarovic dhe Vucic kanë thënë se do të synojnë të përmirësojnë raportet që janë tensionuar kohëve të fundit edhe për shkak të bllokadës që po i bën Kroacia rrugës së Serbisë drejt BE’së.

Grilinët morën Romën. Kryeqyteti italian do të ketë një kryetare bashkie femër, Virginia Raggi, avokate 37 vjeçare. Por lëvizja “5 yjet” mori edhe zemrën e Piemontit, Torinon, duke vënë me shpatulla për muri kryeministrin Matteo Renzi, i konsideruar si ndër të paktët që ka ditur t’i japë një përgjigje krizës që preku Europën. Këto ishin zgjedhje lokale të cilat Matteo Renzi po refuzon t’i lexojë politikisht. “I humbëm zgjedhjet në periferi jo sepse njerëzit u shprehën mbi sistemin me dy dhoma apo atë zgjedhor.

Deklaratat e Donald Trump pas ngjarjes në Orlando nuk janë përtypur lehtë nga republikanët të cilët janë të ndarë sa i përket të nominuarit të tyre për garën presidenciale të muajit nëntor. Koha kalon dhe po bëhet shumë e vështirë që dikush të gjejë një propozim të kthjellët, apo një qëndrim të përgjegjshëm, brenda kufijvë të normale nga Trump. Nëse dikush mendonte se kjo ishte çështje taktike, qëndrimi me ngjarjen e Orlandos e ka hequr atë. Edhe kreu i partisë, Paul Ryan, kryetar i Kongresit, ka lënë të hapur mundësinë e një kundërvënieje të brendshme ndaj Trump.

Panairi i librit, i parashikuar për t’u mbajtur në Graçanicë të Kosovës nga 15 qershori deri më 1 korrik, është anulluar. Shkak është bërë ndalimi nga autoritetet kosovare i librave shkollorë në gjuhën serbe. “Edhe pse ndalesa e Ministrisë së Kulturës të Kosovës zyrtarisht vlen vetëm për tekstet shkollore në gjuhën serbe, në Kosovë, sipas mediave serbe, nuk mund të hyjnë as librat që nuk janë tekste shkollore.