Blloku Bota

Kroacia dhe Britania e Madhe kanë refuzuar edhe njëherë çeljen e negociatave të anëtarësimit mes Serbisë dhe Bashkimit Europian. “Kroacia veproi kështu për arsye thelbësore, ndërkohë që Britania për arsye teknike të lidhura me situatën e daljen nga BE-ja”, raporton  “B92”. Kroacia ka kundërshtuar pasi i përmbahet qëndrimit të vet për krimet e luftës dhe përgjegjësisë së Serbisë në luftën në ish-Jugosllavi si dhe kërkesave për minoritetin kroat. 

Rreth shtatë muaj pasi Turqia rrëzoi një avion luftarak rus të llojit Su-24 , me pretendimin se ka shkelur hapësirën ajrore turke, presidenti turk Erdogan ka kërkuar falje për incidentin dhe duke shprehur pikëllimin për vdekjen e pilotit. Në një letër drejtuar presidentit rus Vladimir Putin, Erdogan kërkoi falje për incidentin, pasi të cilit mbizotëroi klima e një Lufte të Ftohtë midis Moskës dhe Ankarasë.

Izraeli dhe Turqia kanë njoftuar firmosjen e një marrëveshjeje riafrimi mes tyre që i jep fund krizës në marrëdhëniet diplomatike, provokuar që nga maji i vitit 2010 kur një njësi e forcave speciale izraelite vrau shtetas turq në një anije në Gaza. Kryeministri izraelit Beniamin Netanyahu e cilësoi marrëveshjen “të një rëndësie strategjike”. “Lindja e Mesme është në destabilitet. Politika ime është krijimi i ishujve të stabilitetit me fqinjët tanë më të afërt”, tha Netanyahu nga Roma.

Situata e krijuar pas shkëputjes së Britanisë nga BE nuk ka lënë indiferent as Papa Françeskun. Kreu i Kishës katolike, ka tërhequr vërejtjen nga rreziku i “ballkanizimit” të Bashkimit Evropian dhe ka vlerësuar se për ta evituar këtë, BE do të duhej të forconte “kreativitetin” e vet dhe të mësojë për të pranuar “ndarjet e shëndosha” në radhët e veta.
Duke biseduar me gazetarë në avion pas kthimit nga vizita në Armeni, papa ka përmendur rrezikun nga rajonet si Skocia e Katalonja që ta shpallin ndarjen dhe kjo gjë do të sillte “ballkanizimin e Evropës”.

Spanjollët votuan për të rinovuar parlamentin e ri pas krizës politike të 6 muajve të fundit. Rezultatet paraprake nxjerrin fituese Partinë Popullore të kryeministrit Marjano Rahoi me 31.4 për qind, por të pafuqishme për të fituar e vetme qeverinë. Socialistët e Pedro Sançes renditen në vendin e dytë me 23.8 për qind, ndërsa formacioni kundër masave shtrenguese “Podhemos” në aleancë me të Majtën e Bashkuar renditet parti e tretë parlamentare me 21.3 për qind.

Ministrat e jashtëm të Gjermanisë dhe Francës kanë hartuar një dokument nëntë faqesh me titull "Një Evropë e fortë në një botë të pasigurt", në të cilin propozojnë një politikë të përbashkët evropiane për sigurinë dhe migrimin dhe fuqizimin e ekonomik

Peticioni për një referendum të dytë në Britaninë e Madhe, pro ose kundër qëndrimit në BE,  ka arritur 3,1 milionë firma. Por BBC-ja njofton se Komiteti për Peticionet në Dhomën e Përfaqësuesve ka dekalruar se po hetohet për mashtrime me firmat e nënshkruesve. Çdo firmë e konstatuar si falese do të hiqet, kjo është bërë e qartë nga Komiteti, kreu i së cilës Helen Jones deklaroi se “pretendimet për falsifikim po merren shumë seriozisht”.

Faqja online ku firmoset peticioni është krijuar nga një person me emrin Oliver Healey. 

Mediat e identifikojnë si përfituesin më të madh të BREXIT, por miliarderi Xhorxh Soros paralajmëron se dalja e Britanisë nga Bashkimi Europian nënkupton edhe fundin e Unionit. Në një koment për Project Syndicate Soros thotë se shpërbërja e Bashkimit Europian është e pashmangshme. Sipas tij pasojat e shkëputjes së Britanisë mund të jenë favorizuese për ishullin krahasuar me vende të tjera, por "ekonomia dhe qytetarët e Britanisë do të dëmtohen në një perspektivë afatshkurtër dhe afatgjate".

Ministrat e Jashtëm të  Belgjikës, Francës, Gjermanisë, Italisë, Luksemburgut dhe Holandës sollën në vëmendje me keqardhje faktin se populli britanik u shpreh kundër anëtarësisë në Bashkimin Europian. Vendimi i popullit britanik shënon një pikë kthese në historinë e Europës. Bashkimi Europian po humbet jo vetëm një vend anëtar, por edhe një vend me histori, traditë dhe përvojë.

Më shumë se 1 milionë njerëz kanë firmosur një peticion në Britani përmes të cilit kërkojnë zhvillimin e një referendumi të dytë, pasi atij që e nxori praktikisht vendin nga Bashkimi Europian. Peticioni bazohet mbi një rregull sipas të cilit nëse votohet më pak se 65% pro ose kundër,  në një raund elektoral me pjesëmarrje jo më të lartë sesa 75%, atëherë procesi mund të përsëritet. Në referendumin e fundit, pjesëmarrja ishte 72% dhe për Brexit votuan 51.9% e pjesëmarrësve. Por një nga ekspertët britanikë të zgjedhjeve, prof.