Blloku Bota

George Soros ka mbajtur para dy ditësh një fjalim në Parlamentin Europian ku ka folur për Brexit dhe Europën. I artikuluar si kundërshtar i politikave gjermane mbi BE-në, Soros, analizon me optimizëm votën e daljes së britanikëve, në dritën e reaksionit që ajo ka prodhuar në Britani. Sipas Soros, firmosja e peticionit për të rizhvilluar referendumin është një shenjë që BE-ja duhet ta kapë me pozitivitet për të vënë në jetë ristrukturimin dhe reformat, për të mbyllur mangësitë dhe defiçencat demokratike.

I përforcuar pas tronditjes që shkaktoi vota në favor të tërheqjes e Britanisë së Madhe nga Bashkimi Evropian, kryeministri i Hungarisë, Viktor Orban insiston në planin e tij për të organizuar  në vjeshtë një referendum mbi Migracionin. Diplomatët evropianë konsiderojnë se kjo është një nga  betejat e ardhshme të Brukselit kundër politikanëve populistë.

Çështja e e-maileve të Hillary Clinton ka marrë një tjetër përmasë së fundmi, teksa është zbuluar një takim mes Bill Clinton dhe prokuorores së Përgjithshme, Loretta Lynch në aeroportin e Phoenix. Siç bëjnë me dije mediat amerikane, takimi ka qenë i paplanifikuar dhe ka zgjatur për 20 minuta. Lynch mohoi në një konferencë për shtyp se në takim është folur për çështjen e e-maileve, duke shtuar se me ish-presidentin amerikan është folur për nipëritë, udhëtimet e tyre dhe Brexit. Pra çështje të ndryshme për një 20 minutësh. Por vetë takimi ka krijuar pështjellime.

Korrupsioni i elitës është sfida më e madhe me të cilën përballen jo vetëm vendet në zhvillim, por edhe ato të zhvilluara. "Partia Komuniste e Kinës duhet të përshtasë parimet e marksizmit me realitetin e përditshëm dhe t'i bëjë ato të prekshme si në teori ashtu edhe në praktikë". Kështu deklaroi presidenti kinez Xi Jinping, njeherësh edhe Sekretar i Parë i Partisë Komuniste në 95 vjetorin e partisë. Duke iu referuar udhëheqjes kineze, Xi Jinping theksoi se "kërcënimi më i madh me të cilin përballet udhëheqja është korrupsioni".

30 mijë emaile të fshira nga ish-sekretarja amerikane e Shtetit. Kjo është shifra që Hillari Clinton është munduar të mbulojë, pasi ka shpërdoruar detyrën dhe ka shkelur rregullat e sigurisë kombëtare. Ajo ka mbajtur një server sekret, administrimin e të cilit ia kishte besuar një firme “Datto Inc”, e cila ishte kontraktuar nga “Plate River” që ishte firma në marrëdhënie direkte me Clinton. “Daily Mail” raporton sot se vetë firma “Datto” nuk ishte e sigurtë dhe se ajo ishte hakeruar në vitin 2010.

Një nga tre atentatorët e Stambollit u detyrua hidhej në erë në ambjentet e jashtme të aeroportit, për t' u dhënë mundësi dy të tjerëve të kalonin rojet e sigurisë në pikën e kontrollit. Kryeministri turk Binali Yldirim zbuloi për mediat mënyrën sesi vepruan tre kamikazët për të çarë kordonin e sigurisë para se të hidhnin veten në erë.

Presidenti i Komisionit Europian Jean-Claude Juncker ka deklaruar në konferencën e shtypit përfundimtare pas samitit te vendeve anëtare se kryeministri britanik kërkon kohë për meditim, por Bashkimi Europian nuk ka kohë për meditim dhe se qeveria britanike duhet të dërgojë sa më parë njoftimin e daljes nga Bashkimi Europian për tê filluar negociatat e daljes. "Kur flitet për tregun unik, ose je brenda, ose je jashtë. Kur je jashtë je jashtë dhe do të rinegociosh aksesin në tregun unik siç e kanë negociuar zvicerianët, norvegjezët dhe të tjerë.

Tre kamikazë mbollën vdekjen mbrëmjen e së martës në aeroportin Ataturk të Stambollit. Autoritetet numërojnë deri më tani 41viktima dhe qindra të plagosur, por nuk përjashtohet që bilanci i viktimavetë rritet. Atentati është i ngjashëm me atë të pak muajve më parë në aeroportin e Zaventemit në Bruksel. Autorët mbërritën në aeroport me taksi dhe iu drejtuan sallës së fluturimeve, ku dhe tentuan të kalojnë kontrollin e sigurisë. Në këtë moment njëri prej tyre filloi të qëllojë me kallashnikov në drejtim të udhëtarëve, shumica e të cilëve qytetarë turq.

Për Parlamentin Europian, duke parë sfidat e shumta me të cilat duhet të përballet Bashkimi Europian në këtë shekkul, kjo organizatë  nuk mund t’i lejojë vetes të futet në një periudhë pasigurie me daljen e Mbretërisë së Bashkuar nga familja europiane, Ndaj Parlamenti Europian, përmes një rezolute të aprovuar nga 395 deputetë pro, 200 kundër dhe 71 abstenime i kërkon Mbretërisë së Bashkuar të aktivizojë sa më shpejt nenin 50 të Traktatit të Lisbonës për daljen e vendit nga Bashkimi Europian  Debati që ka paraprirë këtë rezolutë ka qenë shumë i ashpër, ku protagonisti kryesor i fushatës për