Blloku Bota

Ka arritur në 37 numri i të vdekurve në Stamboll, mes të cilëve, 30 policë dhe 7 civilë. 166 është numri i të palgosurve si pasojë e dy shpërthimeve pranë një stadiumi. Autoritetet turke kanë fajësuar ISIS, FETO dhe PKK, këto dy të fundit kundërshtarë të pushtetit të Erdogan.
Sulmi i parë, sipas zyrtarëve turq kishte në në shënjestër forcat e policisë që ishin jashtë stadiumit. Shpërthimi i dytë ndodhi 45 sekonda më vonë në një park një distancë të shkurtër nga stadiumit nga një sulm vetëvrasës.

Ministri i Jashtëm në qeverinë e të larguarit Matteo Renzi do të jetë kryeministri i tranzicionit drejt zgjedhjeve të reja në Itali. Mediat italiane raportojnë sot se Paolo Gentiloni është emri që Partia Demokratike ka propozuar e që sot ka zhvilluar një takim me presidentin e vendit, Sergio Mattarella. Mandati për Gentilonin synon pikërisht kapërcimin e krizës së tanishme dhe përgatitjen e vendit për zgjedhjet.

Zgjedhjet amerikane janë bërë pis në legjitimitetin e tyre pas disa lajmeve të fundit sipas të cilave CIA mendon se Rusia ka ndikuar në rezultatin e tyre. Një prej senatorëve demokratë, Harry Reid, deklaroi se përgjegjësia për këtë që ndodhi me Rusinë dhe lojërat e saj në zgjedhje duke favorizuar Donald Trump, i shkon Byrosë Federale të Hetimit dhe drejtuesit të saj, James Comey. Sipas Reid , Comey ka lejuar që kjo të ndodhë, pra që aktivitetet e hakeruesve të realizohen dhe mandej WikiLeaks të publikonte materialet që sipas tij kthyen opinionin amerikan.

Maqedonia mban këtë të dielë zgjedhjet parlamentare me sfond krizën e thellë politike, protestat anti-qeveritare, bojkotin e parlamentit, korrupsionin e përhapur dhe kriminalitetin, ngjarje dhe fenomene që kanë shoqëruar vendin e vogël ballkanik  gjatë dy viteve të fundit.

Këto ditë Hillary Clinton dhe shumë aktorë në SHBA po flasin për rrezikun e mediave sociale, për lajmet false, për ndikim nga Rusia etj.. Ndaj edhe është paralajmëruar ndërhyrja me masa legjislative, duke sugjeruar se rezultati i zgjedhjeve presidenciale është kryesisht pasojë platformave të reja informative.

Por a ka qenë përherë ky mendimi i Clinton dhe të tjerëve që shohin se po humbasin ndikim? Natyrisht që jo dhe mendimi i parë që të vjen në mendje është Pranvera Arabe, sheshi “Tahrir” në Kairo të Egjiptit ku doli edhe parrulla: “I Love Facebook”.

Këtu:

Revista gjermane “Der Spiegel” shkruan në numrin e saj të datës 10 dhjetor për një lëvizje në rreth të ngushtë mes drejtuesve europianë për të rishikuar strategjinë e mbrojtjes bërthamore. Sipas revistës që citon diplomatë, drejtuesit europianë nuk e kanë përmendur idenë në asnjë prej takimeve të NATO-s, duke këmbëngulur që çështja të qëndrojë me çdo kusht larg debatit publik. Kjo nismë ende në embrion, ka marrë udhë nga fitorja e Donald Trump dhe qasjet e tij për të rishkuar de facto kontratat e anëtarësisë në Aleancë.

Media të ndryshme kryesore po raportojnë se shërbimi amerikan, CIA, ka konfirmuar se Rusia ka ndërhyrë në zgjedhjet e fundit presidenciale. Teknikisht kjo është realizuar sipas CIA-s duke hakeruar sistemet komjuterike të të dyja partive kryesore, por duke publikuar vetëm materiale nga Partia Demokratike. Flitet për individë të lidhur me Rusinë që janë identifikuuar, ndonëse nuk sqarohet se cila kategori lajmesh ndikoi në zgjedhje. Vetë humbësja Hillary Clinton deklaroi se goditja kryesore e fushatës erdhi nga drejtori i FBI-së, Comey, me rihapjen e hetimeve.

Një tjetër hap në drejtim të bashkëpunimit të ngushtë në mes Greqisë - Qipros – Izraelit hodhen krerët politikë të tre vendeve me nënëhskrimin e dy marrëveshjeve, kryeministrat Aleksis Tsipras  e Benjamin Netanjiahi si dhe presidenti i Qipros, Anastasiadis. Të tre vendet vendosën ngritjen e qendrës së bashkëpunimit ndërshtetëror për Mbrojtjen Civile, një marrëveshje që kishte filluar  me dërgimin e zjarrfikëseve grekë në Qipro dhe Izrael.

Deri në dhjetor 2014 pjesës më të madhe të fëmijëve me prindër të huaj u duhej të zgjidhte në moshën 18 deri 23-vjeçare nëse donin të mbanin nënshtetësinë gjermane apo atë të prindërve të tyre. Kjo kishte të bënte kryesisht me fëmijët me prindër turq.
Ky ligj u ndryshua në vitin 2014 pas bisedimeve të gjata mes partive të unionit CDU/CSU dhe SPD-së, që përbëjnë së bashku koalicionin e madh në Berlin. Që prej asaj kohe personat në fjalë mund t'i mbajn në kushte të caktuara të dyja pasaportat - madje përgjithmonë.

Humbi dhe tanimë fajin e gjen te lajmet e rreme dhe propaganda e huaj. Hillary Clinton është shafaqur në publik dhe gjatë një fjale të mbajtur ka preferuar të flasë për “epideminë e lajmeve të rreme”. Ajo ka paralajmëruar kufizime ligjore në të cilat po kontribuon edhe sektori privat.