Blloku Bota

Në Kinë çeli punimet samiti i nismës, “Një brez një rrugë”, ku marrin pjesë udhëheqës dhe përfaqësues nga 29 vende të botës. Duke theksuar se ekonomia globale ka nevojë për nisma të reja dhe protagonistë të rinj, Presidenti kinez, Xi Jingpin  deklaroi se qeveria kineze do të vërë në dispozicion të kësaj iniciative ambicioze 124 miliardë dollarë. Sipas tij kjo nismë mund të hapë rrugët për prosperitet dhe paqe në mbarë botën.

Ish – presidenti amerikan Jimmy Carter dhe kandidati për president i demokratëve, Bernie Sanders kanë mbajtur një diskutim në Qendrën Carter ku kanë folur për rritjen e aurotarizmit në botë. Sipas tyre një ndër shkaqet e zgjerimit të kësaj dukurie është rritja e pabarazisë, e cila sa vjen dhe po bëhet tipar i kapitalizmit të sotshëm.

Korea e Veriut ka kryer një test të ri të një rakete balistike vetëm një ditë pasi në Jug u zgjodh presidenti I ri. Raketa u lëshua nga rajoni veriperëndimor, Kusong dhe arriti në lartësi 2000 km. presidenti amerikan Trump ka kërkuar thellimin e sanksioneve ndërkohë që Kina apelon për përmbajtje. Karakteristikat e raketës ende nuk janë përcaktuar por sipas specialistëve ajo sugjerohet se shkon në rreze përtej asaj që dihet për arsenalin koreanoverior.

“Bloomberg” raporton tri ditë më parë për shkërmoqjen e “Agrokor”, kompania më e madhe e ish-Jugosllavisë që menaxhohet me drejtim kroat. Shifrat e "Agrokor" flasin qartë për një perandori që ka shtrirë lidhjet dhe ndikimin në disa vende: totali i punësimit 60 mijë, të ardhurat për vitin 2015 ishin6.6 miliardë euro ndërkohë që të ardhurat totale në Kroaci nga turizmi në vitin 2016 ishin 9.5 miliardë euro. Fjala është për një gjigand që po kthehet siç shkruan “Bloomberg” në një vrimë të zezë.

Parashikimin e tij se Greqia do të bëhet një  protektorat i ngjashëm me Kosovën bëri ish-ministri grek i Financave, Yanis Varoufakis."Ne do të bëhemi si Kosova. Një protektorat i administruar nga një punonjës i Bashkimit Evropian. ATM-të kanë euro, por produkti i vetëm që ato nxjerrin është njeriu i ri. Kjo është e ardhmja që tentohet me saktësi matematike në Greqi ", tha ish-ministri i Financave në një intervistë për SKAI.

Kryeredaktorja e gazetë "Zëri" në Kosovë, Arban Xharra, është dhunuar fizikisht në një parking në Prishtinë sot në orët e para të mëngjesit. Gaztea "Zëri" shkruan se Xharra, ka patur kërcënime nga elementë të islamit radikal një javë më parë. 

Si pjesë e Panairit të 14  Ndërkombëtar të Librit në Selanik tre gazetarë dhe shkrimtarë,  Ragip Duran, përkthyesja Lale Alatli dhe antropologu Nese Ozgen folën për luftën kundër njerëzve të shpirtit të lirë në një komb që po asfikson rëndësinë e librave dhe edukimit dhe nuk po punon për një të nesërme më të mirë

Një gjeneral në pension i Ministrisë së Brendshme të Jugosllavisë së pas Dejtonit, Gorna Radosavljeviç, ka dhënë një intervistë në gazetën “Vecernje Novosti” përmes të cilës i kundërpërgjigjet njëfarësoj ish-kreut të misionit të OSBE-së, William Walker që deklaroi së fundmi se ka një projekt për bashkimin e shqiptarëve. Po kështu ishte Walker që shkruajti raportin në bazë të të cilit nisi sulmi i armatosur ndaj Serbisë në vitin 1999. Historia që rrëfen gjenerali në fjalë është e thjeshtë: sipas tij nuk kishte masakër. As ndonjë që del jashtë zakoneve të luftës.

Turqia kreu testin e parë të raketës me rreze të gjatë veprimi në rajonin e Sinopit. Ky veprim vjen vetëm pak ditë pas vendimit të SHBA  për të pajisur me armë të rënda kurdët sirianë. 
Siç  tha ministri turk i Mbrojtjes Fikri Isik, Turqia duke përfundoi testin e raketës së parë me pseudonimin "Bora". Testi u zhvillua në provincën e Sinopit, në rajonin e Detit të Zi, shtoi ai.

Përtej letrës së shkarkimit që do të mbetet në çdo rast një dokument referimi, presidenti amerikan Donald Trump ka deklaruar në një intervistë për NBC se "ishte vendimi im për të shkarkuar Comey". Lidhur me rekomandimin e Prokurorit të Përgjithsëm, Sessions, Trump tha se ai "ishte një djalë shumë i zgjuar që e shkruaajti letrën, po une do ta shkarkoja sërish". Shkarkimi i kreut të FBI-së James Comey ka provokuar debat të madh publik në SHBA, pasi ai po hetonte për lidhjet e mundshme mes fushatës së Trump me shërbimet ruse.