Blloku Bota

Donald Trump duket se po kthehet në një problem serioz politik me këmbënguljen e tij për protagonizëm dhe obsesionin me imazhin. Associated Press raporton se ish-sekretari për Çështjet e Brendshme, John Kelly, një ish-gjeneral që së fundmi drejton kabinetin e presidentit, ka debatuar ashpër më këtë të fundit, për çështjen e pranimit të njerëzve me origjinë nga vende të konsideruara të rrezikshme. Kelly kërkoi largimin e këshilltarëve të tjerë nga mbledhja për të folur hapur me Trump dhe ia arriti duke i parashtruar presidentit se disa njerëz kanë arsye legjitime për të vizituar SHBA.

Franca dhe Gjermania kanë hartuar një plan "bashkëpunimi të përhershëm strukturor" për çështjet e mbrojtjes, pas takimit të muajit të kaluar në Këshillin Evropian, i cili diskutoi opsionet për "autonominë strategjike" në mbrojtjen e BE-së.

Jo më vetëm naftë. Arabia Saudite ka njoftuar planin e vet për transformimin e qindra kilomentrave bregdet në Detin e Kuq në një destinacion turisitik global në përputhje me standardet ndërkombëtare. Synimi bën pjesë në projektin e transformimit ekonomik të vendit dhe shkëputjen e tij nga varësia e naftës. Siç raporton “Bloomberg” plani parashikon të përfshijë në trajtim urban, infrastrukturor dhe arkitektonik 34 mijë km2, një hapësirë më e madhe sesa Belgjika mes qyteteve Umluj dhe Al Wajh, 50 ishuj, plazhe, vullkane pasivë.

Ernesto Galli della Loggia shkruan sot një opinion në gazetën “Corriere della Sera” për situatën gjeopolitike të Italisë. Pesimizmi është dominues në vendin fqinj, ku prej kohësh ka humbur shkëlqimi i ideve të reja dhe energjia e dëshirës për ndryshim. Një politikë që nuk haset kund në Europë thjesht ka lodhur një shoqëri të tërë.

Lëvizja e lirë mes Britanisë dhe Bashkimit Evropian do të përfundojë në mars të vitit 2019, kur Britania të largohet përfundimisht nga BE. Zëdhënësi i kryeministres britanike, Tereza Mei tha të hënën se qeveria kishte marrë disa vendime, duke përfshirë edhe propozimet për të drejtat e qytetarëve evropianë pas Brexit.

Një vëzhgim i kryer nga Pew Research Center evidenton gjurmët dixhitale të refugjatëve që kanë hyrë në Europë nga Lindja e Mesme apo nga Afrika. Kjo do të thotë se një sinjal për valët migratore është monitorimi online i motorrëve të kërkimit si Google, ku lihen gjurmët e kërkimit për vendet e destinacionit, origjinën gjeografike të kërkuesit. Vështirë të mendohet sot një refugjat që nuk ka me vete një smartphone, përmes të cilit komunikon audio dhe video me familjarët.

Zgjedhjet e fundit presidenciale në SHBA hynë në histori si një proces zgjedhor që u kryen nën ndikimin e shërbimeve ruse. Madje kandidatja demokrate Hillary Clinton, deklaroi se ajo humbi zgjedhjet për shkak të ndikimit rus dhe kreut të FBI-së, Bill Comey. Nga ana tjetër procesi i votimit, i kryer në rrugë elektronike, u verifikua si i pacenuar. Çka do të thotë se makinat e votimit elektronik nuk i ishin nënshtruar sulemeve apo hakerimit.

Duket epoka e konsumizmit po i jep të drejtë postulatit se partitë vetëm qeverisin, ndërkohë që kastat sundojnë. Media rend pas deklaratave të kryeministrave dhe ministrave, ndërkohë që standardi i jetës sonë, cilësia e saj dhe e ardhmja është vendosur tashmë nga ata që dominojnë dhe përcaktojnë tregun. 

Qeveria spanjolle e drejtuar nga Mariano Rajoy po përpiqet të ndalë referendumin e pavarësisë së Katalonjës duke ndjekur rrugën ligjore. Pas një vendimi të marrë në parlamentin katalonjas që i hap rrugën ligjit për zhvillimin e referendumit që parashikohet të mbahet më 1 tetor, Rajoy njoftoi se ai dhe qeveria e tij do t’i drejtohet Gjykatës Kushtetuese.

Mosbesimi dhe praktikat e reja të spiunazhit mes SHBA dhe Rusië po shtrijnë tensionet edhe drejt sektorëve ekonomikë që mendohet se nuk mund të kuptohen pa ndërvarësinë. Së fundmi, kompania ruse e sigurisë kibernetike, Kaspersky, bëri të ditur krijmin e një softi të ri antivirus që do të jetë falas. Kaspersky përdoret shumë në kompjuterët në të gjithë botën, por duket s eepoka kur penetrimi i prodhimeve të tilla kalon pa kontroll, po shkon drejt fundit.