Blloku Bota

Ish - kongresmeni amerikan i Teksasit, Ron Paul ka deklaruar në një intervistë të premten se ai beson se në SHBA ekziston realisht ai që quhet Shteti i Nëndheshëm – Deep State, i cili konsiderohet se bashkon organizata dhe aktorë të fuqishëm në programimin e politikave amerikane, për të cilat edhe presidenti, apo instiucionet janë zëdhënës. Paul deklaroi se dakordësia gati e plotë për të vendosur sanksione të reja ndaj Rusisë në një Senat ku ka shumë kundërshtime për këtë qasje, provon se një dorë e caktuar ka lëvizur gjërat për të pajuar njerëz që kanë mendime publike kaq të kundërta.

Forcat e koalicionit antiterrorist në Siri që drejtohet nga SHBA kanë rrëzuar dje një avion bombardues të forcave siriane. Sot SHBA kanë pranuar se kanë rrëzuar avionin në fjalë duke shpjeguar se goditja u bë me qëllim që të shmangej bombardimi i forcave opozyrare të njësisë Forcat Demokratike Siriane, të cilat mbështeten nga SHBA. Bombardimi i avionit do të ndihmonte trupat qeveritare që të përparonin drejt Tabaqh, ku janë pozicionuar rebelët sirianë. Po kështu përfaqësues të koalicionit kanë kontaktuar palën ruse për të mos lejuar acarimin e mëtejshëm të situatës.

Greqia ka bllokuar deklaratën e BE-së në OKB që kritikonte Kinën për shkeljet e të  drejtave të njeriut. Ky vendim, sipas diplomatëve evropianë minon përpjekjet  e Brukselit për të adresuar shtypjen e disidentëve dhe aktivistëve nga Pekini.
Në mënyrë të veçantë, BE e cila synon të promovojë lirinë e fjalës për t'i dhënë fund dënimint me vdekje në mbarë botën, do ta adresonte këtë deklaratë javën e kaluar në Këshillin për të Drejtat e Njeriut në Gjenevë, por nuk arriti të fitonte aprovimin e nevojshëm nga të gjitha vendet anëtare të BE-së.

Rusia planifikon ndërtimin e katër ishujve artificialë në detin Barenc. Lajmin e bën të ditur agjencia ruse “Sputnik” e cila referon dekretin ekryeministrit Dimitry Medvedev sipas të cilit vendet në fjalë do të përdoren për të ndërtuar objekte me kapacitet të madh për marinë. Sipas agjencisë projekti bën pjesë në kuadër të kërkimeve të gazit në zonën e Jamalit nga kompania Novatek. Projekti do të kushtojë 433 milionë dollarë, do të krijojë 10 mijë vende të reja pune dhe se ai paraqet rëndësi strategjike.

Gjermania ka lejuar hapjen e xhamisë së parë liberale Ibn Rush – Goethe, e cila është e vendosur brend anjë kishe protestane në Berlin. Një eksperiment unik që kujton sadopak rastine xhamisë – katedrale në Kordoba të Spanjës.

Në këtë xhami lejohen gra por të pambuluara, burrat, mysilmanët, sunitë dhe shiitë, por edhe homoseksulaët. Aktivistja Seyran Ates thotë se projekti synon një vend liberal, dëshuar edhe në emër, ku të gjithë janë të barabartë dhe nuk lejohen simbole që sipas saj theksojnë margjinalizimin e femrës dhe grupeve të tjera.

Serbia është një vend që i përmbahet neutralitetit ushtarak që vepron në këtë rast si një vijim i doktrinës jugosllave të politikës së jashtme të njohur si Vendet e Paangazhuara. Ky neutralitet nënkupton se Serbia, një vend me pozicion gjepolitik kyç në Ballkan dhe me histori të ndërthurur shumë me historinë europiane të shekullit të 20-të, i qëndron larg angazhimeve në blloqet ushtarake si NATO, pa mohuar gjithësesi bashkëpunimin me to. 

Helmut Kohl, ish – kancelar i Gjermanisë, një ndër autorët e riunifikimit të këtij shteti, ka ndërruar jetë në moshën 87 vjeçare. Ai ishte kancelar në vitet 1982  1998 dhe konsiderohet edhe si mbrojtës i kancelares aktuale Anglea Merkel. 

Studenti amerikan Otto Warmbier, i cili u mbajt 17 muaj në Korenë e Veriut, është rikthyer në SHBA, por mjekët nuk arrijnë të diagnostikojnë gjendjen e tij neurologjike. Në një konferencë për shtyp, mjekë të Universitetit të Sinsinatit, deklaruan se nga skanimet e ndryshme dhe nga rezonanca magnetike, është konstatuar humbje e indit trunor në të gjitha zonat e kafkës së Warmbier. Mjekët shtuan se nuk kanë një aryse bindëse për të shpjeguar këtë gjendje të Warmbier, duke qenë se doktorët kanë përjashtuar dhunën dhe traumat fizike ndaj studentit amerikan.

U prit me protesta dhe kundërshtime vizita e kryeministrit izraelit Benjamin Netanyahu në Selanik me rastin e takimit trepalësh Greqi-Qipro-Izrael.Qindra protestues marshuan të ndarë në dy drejtime të ndryshme në qendër të qytetit.
Në krye të protestave ishin simbolikisht anëtarët e komunitetit palestinez të Selanikut dhe Greqisë Veriore. Demonstruesit shprehën solidaritetin e tyre me popullin palestinez, duke hedhur parulla kundër SHBA, NATO-s dhe BE-së dhe memorandumeve shtrënguese ndaj Greqisë. 

Çështja ruse kthehet në dhimbje koke për administratën Trump. Përfundimet e shërbimeve të inteligjencës amerikane thonë se rusët kanë interferuar në zgjedhje dhe për këtë ka hetime nga Kongresi dhe Departamenti i Drejtësisë në tagrin e këshilltarit special Robet Mueller. Ky i fundit që ka shërbyer edhe si ish-drejtor i Byrosë Federale të Hetimit, mbikëqyr hetimin për lidhje të mundshme, apo koordinim mes qeverisë ruse dhe njerëzve të caktuar në fushatën e Trump. Vetë presidenti amerikan ka punësuar një avokat, por edhe zv. Presidenti Mike Pence ka bërë të njëjtën gjë.