Blloku Bota

Korea e Veriut ka lëshuar sot një raketë e cila ka kaluar mbi Japoni. Kryeministri japonez, Shinzo Abe e ka cilësuar aktin si kërcënim të paprecedent ndaj vendit. Raketa u lëshua në orët e para të mëngjesi të së martës me orën lokale të Koresë dhe fluturoi mbi ishullin Hokaido përpara se të binte në det. Kjo është hera e tretë që raketat koreane kalojnë mbi Japoni. Një herë në vitin 1998 dhe më pas në vitin 2009, për të cilat Pheniani deklaroi se ishin pajisje të lëshimit të satelitëve dhe jo raketa. 

Bindjen e tij se deri në fund të këtij viti do të ketë propozome të reja për emrin e Maqedonisë ka shprehur kryeministri Zoran Zaev në kuadër edhe të takimit informal që u mbajt në Durrës me kryeministrat e rajonit.

Bashkimi Europian nuk do të jetë në gjendje të mbrojë veten pa ndihmën e NATO-s dhe dy aleatëve, ShBA dhe Britaninë e Madhe. Ky është mendimi i sekretarit të Përgjithshëm të NATO-s, Jens Stoltenberg I shprehur në një intervistë për gazetën polake “Rzeczpospolita”. 

Turqia parashikon që të hapë dyert e kishës së Shën Sofisë për ritet e besimit islam. Një objekt që mbrohet nga UNESCO kisha ka shërbyer si muze që nga viti 1935 dhe duket se Ankaraja ka aktualisht plane të tjera. Ministri turk i Kulturës, Numan Kurtumlus, deklaroi gjatë një konference për shtyp se 

Hapja e Shën Sofisë për falje është një e drejtë që na e ka dhënë sulltan Mehmet Ngadhnjimtari që e ktheu atë në vend adhurimi

Presidenti turk Erdogan ka shfrytëzuar edhe njëherë ngjarjet historike në dobi të pushtetit të tij dhe idesë së Turqia dhe ai vetë janë në shënjestrën e armiqve të Jashtëm.  Duke folur në një aktivitet në përkujtim të betejës së Manzikert në vitin 1071, Erdogan nuk la vend për keqkuptime, kur përmendi disa organizata që sipas po komplotojnë kundër Turqi.

Presidenti serb Aleksandër Vuçiç ka deklaruar se e ardhmja e Serbisë varet deri diku edhe nga ecuria e dialogut të brendshëm për Kosovën. 
"Ne do të vazhdojmë me bisedat mes nesh, do të ketë diskutime me shoqërinë civile, autositetet qeveritare, kishat, parlamentin, komitetet parlamentare…Kudo ku mund të diskutojmë. Kjo është një çështje e të gjithëve ne, në një pjesë të mirë, e ardhmja jonë varet nga kjo”, tha ai raporton agjencia “B92”. 

Sebastian Gorka, këshilltari i Shtëpisë së Bardhë, i cili mendohet se i përkiste fraksionit të udhëhequr nga nacionalistët dhe punonte si konsulent i ish-shefit të larguar të fushatës së Trump, Steve Bannon nuk është më në sfafin e Donald Trump. "Sebastian Gorka nuk dha dorëheqjen, por unë mund të konfirmoj se ai nuk punon më për Shtëpinë e Bardhë”-tha një zyrtar i qeverisë amerikane.

Mendimet se Gjermania duhet të marrë një rol të ri global sa vijnë dhe shtohen. Kujtimet e Luftës së Dytë Botërore po hidhen pas duke i besuar sjelljes së këtij vendi sidomos pas bashkimit në vitet ’90. Anne Applebaum shkruante dje një ese në revistën “Der Spiegel” ku hedh idenë se Berlini duhet ta pranojë atë që duket sikur historia po ja shtron sërish si kërkesë.

BBC-ja raporton sot për një marifet të iranianëve që jetojnë në Hollandë i cili rezulton i dobishëm për të përfituar azilin në këtë vend: konvertimin në kristianizëm.

Reagime të shumta kanë ngjallur deklaratat e kryetaritë të djathtë të Bashkisë së Venecias, i cili tha se në qoftë se dikush do të dëgjohet duke thirrur "Allahu Ekber" në sheshin San Marco do të qëllohet me armë. Duke folur në një konferencë në Rimini, Luigi Brugnaro tha se Venecia është qytet më i sigurtë se Barcelona ​​ku ndodhi sulmi më vdekjeprurës.