Blloku Bota

Presidenti turk, Recep Tayyip Erdogan, ka hedhur poshtë disa raportime të mediave perëndimore, sipas të cilave Turqia ka hequr dorë nga blerja dhe dislokimi në territorin e vet të sistemit mbrojtës S400. Në një konferencë për shtyp dhënë pas kthimit nga Kazakistani, Erdogan tha se “është depozituar një shumë e caktuar ndaj Rusisë”.

“Procesi do të vazhdojë…Askush nuk ka të drejtë të diskutojë sovranitetin e Turqisë dhe vendimet e pavarura tona për përmirësimin e mbrojtjes. Jemi ne që marrim vendime për pavarësinë tonë”, shtoi ai.

Steve Bannon, ish-planifikuesi i fushatës elektorale të Donald Trump, ka deklaruar në një intervistë të fundit për CBS se shkarkimi prej presidentit amerikan, i ish-shefit të Byrosë Federale të Hetimit, James Comey, mund të konsiderohet si gabimi më i madh në historinë e politikës moderne. Bannon nuk dha më shumë detaje pse ka arritur në këtë përfundim, por duket se vendimet e Trump me kreun e FBI-së kanë sjellë pështjellime të mëdha. 

Ramush Haradinaj është zgjedhur kryeministër i Kosovës me 61 vota nga 120 vende që ka parlamenti i këtij vendi. Ai përfaqëson koalicionin e drejtuar nga PDK dhe partia e tij, Ardhmëria për Kosovën, krahas Nismës dhe partisë së Behgjet Pacollit që do të jetë zv.kryministër.

Vetëvendosja dhe LDK-ja nuk morën pjesë në votim duke u vetëpërcaktuar si opozita e re e qeverisë që do të drejtohet nga i gjithë establishmenti i luftës së vitit 1999.  

Udhëheqësi i kurdëve të Irakut ka deklaruar se janë gati të inkorporojnë një shtet të ardhshëm kurd nëse Bagdadi nuk  pranon referendumin mbi pavarësinë e tyre këtë muaj. Massoud Barzani i tha BBC se do të donte një marrëveshje me qeverinë qendrore nëse kurdët do të zgjedhin shkëputjen, ndonëse kryeministri irakian e ka hedhur poshtë referendumin si jokushtetues.

Kanë jetuar të varfër dhe të privuar nga një vend që madje nuk u jep të drejtën ta quajnë atdheun e tyre. Deri në atë pikë sa janë konsideruar prej vitesh "pakica më e përndjekur në botë".Një milion myslimanët e Rohingya në Myanmar-it budist, u sollën atje si punëtorë të lirë nga kolonialistët britanikë. Ata flasin të ashtuquajturën Ruaingga, një dialekt i dallueshëm nga të tjerët në të gjithë vendin.

Donald Trump ka rënë dakord me planin e demokratëve për të hequr kufirin e borxhit për tre muaj dhe për të financuar qeverinë në ndihmë të viktimave të Uraganit Harvey. Presidenti amerikan doli kundër udhëheqësve republikanë, të cilët donin të zgjasnin këtë periudhë, deri pas zgjedhjeve afatmesme të vitit 2018. Demokratët njoftuan marrëveshjen përpara se Dhoma e Përfaqësuesve të kalojë 8 miliardë dollarë për viktimat e Harvey.

Kancelarja Angela Merkel deklaron gatishmërinë e saj për të marrë pjesë në një iniciativë diplomatike për t'i dhënë fund krizës së shkaktuar nga armët bërthamore të Koresë së Veriut dhe programet e raketave balistike dhe thekson se bisedimet e një vii më parë me Iranin mund të jenë një model sesi mund të ecë përpara ky nproces.

Mijëra njerëz demostruan të shtunën në qendër të Londrës, duke i bërë thirrje qeverisë konservatore të Kryeministrit Teresa May që "të mohojë Brexitin". Pas parakalimit në zemër të kryeqytetit britanik, protestuesit u ndalën para Parlamentit, ku pritet të votohet mbi ligjet europiane që do të qëndrojnë në fuqi. Midis tyre ishte edhe këngëtari irlandez Bob Geldov, i cili kishte thirrur qytetarët që të votonin kundër Brexit në referendumin e 23 qershorit 2016.

Megjithë mbiemrin e famshëm Joseph P. Kennedy III, një deputet demokrat nga Massachusetts, ka mbajtur një profil të ulët në skenën kombëtare që kur u zgjodh në Kongres në vitin 2012. Demokratët po kërkojnë liderë të rinj për t'u përballur me Donald Trump dhe Joe Kennedy do të ishte rivali idea. Por ai nuk nxiton dhe peshon me kujdes hapat e ardhshëm.

Sekretari i Përgjithshëm i NATO-s Jens Stoltenberg ka deklaruar se bota ndodhet në situatën më të rrezikshme që ka njohur ky brez. Lajmi bëhet publik nga gazeta britanike “The Guardian” e cila shton se deklarata vjen ndërkohë që është njoftuar dislokimi i 100 mijë trupave ruse në kufi me Bashkimin Europian dhe ndërkohë që kriza bërthamore me Korenë e Veriut përkeqësohet.

Në një analizë të përgjithshme Stoltenberg përmes intervistës së tij, thekson se bota përballet sot me sfida më komplekse dhe të njëkohëshme se më parë. Më të vështira për t'u parashikuar dhe të disa natyrave.