Blloku Bota

"Ne duam ta mbajmë derën e hapur për Turqinë, por situata aktuale në Ankara e bën të vështirë këtë opsion". Kështu deklaroi Presidenti i Këshillit Europian Donald Tusk në një konferencë për shtypi  pas përfundimit të ditës së dytë të Samitit të BE-së në Bruksel.
Tusk tha se udhëheqësit evropianë kishin një diskutim të hapur mbi situatën në Turqi, duke vënë në dukje se "skepticizmi" në lidhje me procesin e pranimit në BE ishte veçanërisht i dukshëm. 

Telavivi zyrtar po lobon te fuqitë e mëdha për njohjen e referendumit kurd për shkëputje nga Iraku. Lajmi raportohet nga media iraniane “PressTV”, sipas të cilit burime izraelite flasin për përpjekje të kryeministrit Beniamin Netanyahu pranë kancelares gjermane Angela Merkel, presidentit rus, Vladimir Putin, por edhe pranë autoriteteve franceze. Sipas këti televizoni insistimi izraelit bëhet në kontekstin e përparimit të milicisë Shiite të Irakut në zonat e kurdëve peshmerga që po humbasin terren.

Liderët e vendeve anëtare të Bashkimit Evropian do t'i kërkojnë Koresë së Veriut t'i japë fund planeve të saj për të blerë armë bërthamore dhe raketa balistike. Udhëheqësit e vendeve të bllokut do të diskutojnë vendosjen e sanksioneve edhe më të rrepta se ato të vendosura nga OKB.

Sipas njoftimit, thuhet se Këshilli Europian do t'i kërkojë Penianit të "braktisë programet  për blerjen e armëve bërthamore dhe raketave balistike në mënyrë të plotë, të verifikueshme dhe të pakthyeshme".

4.5 ton rezultoi droga e  kapur të mërkurën në mbrëmjenë Babicë të Vogël në Vlorë.  Spas Prokurorisë, droga i përkiste grupit të Habilajve. Operacioni u drejtua nga Prokuroria e Krimeve të Rënda bazuar në përgjimet e kryera nga Shërbimi Infirmativ Shtetëror përgjatë 1 viti pa përfshirjen e policisë lokale.

pBeogradi zyrtar ka rehabilituar establishmentin e vjetër ushtarak duke përfshirë në listat e lektorëve të akademisë ushtarake edhe njerëz që janë dënuar nga Gjykata e Hagës për krime lufte në Kosovë. 
Mes personave që hyjnë në akademi është edhe Vladimir Lazareviç, por edhe gjeneralë në pension, anëtarë të Partisë Radikale si Bozidaf Deliç si dhe shefi i tanishëm i Shtabit të Ushtrisë, Ljubisa Dikoviç. Ministri i Mbrojtjes, Alexandër Vulin deklaroi se vendimi synon ndër të tjera edhe të korrigjojë një padrejtësi që sipas tij është bërë ndaj këtyre ushtarakëve. 

Shumë libianë e konsiderojnë si shpresën e vetme për sjelljen e paqes në vendin e tyre. Ka patur raporte të shpeshta, se Saif al-Islam, djali i udhëheqësit libian, Muamar Gaddafi, kishte lënë Libinë, por kjo nuk është e vërtetë. Ai mban kontakte me udhëheqësit e vendit, përfaqësuesit e fiseve të ndryshme, duke u përpjekur të gjejë një zgjidhje politike për krizën e vazhdueshme dhe për të pajtuar palët kundërshtare shkruan Sputnik duke cituar avokatin e familjes Gaddafi

Një dokumentar i prodhuar nga një televizion rus “Vesti” hedh hipotezat se shërbimi sekret amerikan ka patur synime  që të likujdojë fizikisht ish-kryeministrin grek, Costas Karamanlis. Si arsye për këtë komplot hipotetik jepet politika e Karamanlis ndaj Rusisë dhe hapja ndaj saj në vitin 2009, por edhe gjeopolitika e energjisë në Ballkan. Sipas këtij dokumetari që jepet i titruar edhe në anglisht, shërbimet ruse kishin interceptuar një bisedë mes agjentëve të CIA-s që flisnin për rrëzimin e Karamanlis nga zyra dhe madje edhe vrasjen e tij.

Kryeministri izraelit Beniamin Netanyahu ka përcjellë për Kremlinin një mesazh politik për Teheranin zyrtar: Izraeli nuk do të lejojë që Irani të vendoset në Siri.

Mediat izraelite raportojnë për një takim mes Netanyahut dhe ministrit të Mbrojtjes, Avigdor Lieberman me ministrin rus të Mbrojtjes, Sergei Shoigu, gjatë të cilit kreu izraelit ka kërkuar që “ky mesazh të kuptohet nga Irani”.

Takimi i Donald Trump me kryeministrin grek Alexis Tsipras në Shtëpinë e Bardhë i tejkaloi dy orët duke e thyer edhe protokollin. Nga deklarata e përbashkët e dy liderëve dolën disa lajme që kanë të bëjnë me borxhin grek, ecurinë e ekonomisë të vendit fqinj, energjinë, shpenzimet e mbrojtjes dhe bazën ushtarake të Souda-s.

Rusia do të jetë vendi i parë me monedhën e parë difjitale. Kriptorubla pritet të jetë Kriptomonedha kombëtare e Rusisë e cila do të bazohet mbi softin që përgjigjet për asetet digjitale – blockchain-  por do të gjurmohet nga qeveria. Lajmin e ka bërë të ditur ministri i Komunikacioneve Nikolay Nikifirov dhe raportohet nga agjencia Sputnik. KriptoRubla do të emetohet dhe menaxhohet vetëm nga qeveria ruse, mund të shkëmbehet në çdo kohë me rublën, por nëse poseduesi nuk sqaron burimin e kriptomonedhës do të ngarkohet me 13% taksë.