Blloku Bota

Gazeta e njohur “The Washington Post” shkruan sot për bilancin e deklaratave të presidentit amerikan Donald Trump në 347 ditë të qëndrimit të tij në detyrë.

Sipas gazetës, Trump ka bërë 1950 deklarata false apo të keqkuptuara pa mbushur ende vitin. Gazeta shkruan se ky numër jep një mesatare prej 5.6 deklarime në ditë, ndërkohë që në shkrimin e firmosur nga tre autorë nuk mungojnë edhe konsideratat për presidentin.

Bullgaria, shteti më i varfër anëtar i Bashkimit Evropian, mori sot për herë të parë, presidencën e rradhës së Bashkimit Europian.

Kryeministri i vendit Bojko Borisov shkruajti në llogarinë e tij në fejsbuk se Bullgaria merr kryesimin e Unionit në një moment kyç për Bashkimin Europian. Slogani" Fuqia vjen nga bashkimi "le të na udhëheqë"- thekson Borisov në postimin e tij.

Kryeministri izraelit, Beniamin Netanyahu, ka shpërndarë sot një mesazh video  mbi protestat që po zhvillohen në Iran. Duke iu përgjigjur akuzave të presidentit Iranian, Rouhani, Netanyahu, thotë se ai nuk do të qëndrojë në heshtje dhe se iranianët janë njerëz të sofistikuar, inteligjentë që meritojnë më shumë.

Kryeministri izraelit ka akuzuar edhe qeveritë europiane që po mbajnë heshtje  mbi protestat duke shtuar se “unë nuk do të hesht” dhe me shpresën se “dikur regjimi Iranian do të bjerë” për të mundësuar kështu rikthimin e miqësisë iraninano-izraelite.

Shkurtimi i fondeve për OKB-në nga administrate amerikane duket se do të përcaktojnë një moment të ri për rendin ndërkombëtar. OKB-ja u krijua me iniciativë të SHBA-së si pasuese Lidhjes së Kombeve, në emër të ruajtjes së paqes dhe krijimit të një rendi që përmbante botën nga luftërat.

Por me rezolutën e propozuar nga Turqia, SHBA duket se po humbet  betejat e veta në një organizëm që sot përfaqëson kombe që nuk janë më ata të vitit 1945.

Ka arritur në 12 numri i të vdekurve në protestat antiqeveritare që po zhvillohen në Iran. Media të ndryshme raportojnë për një natë të përgjakur të ndërrimit të viteve, ndërkohë që një ditë më parë presidenti i vendit, Rouhani, deklaroi se pranohet protesta dhe kriticizmi, por nuk do të tolerohet asnjë dëmtim i pronës private. 
Sipas BBC-së policia ka përdorur gaz lotsjellës dhe përdorur hedhëse uji për të shpërndarë njerëzit në sheshin “Engheleb” në Teheran, ndërkohë që protest aka patur edhe në Kermanshah dhe Khorramabad dhe në Shahinshahr dhe në Zanjan.

Izraeli dhe Irani janë sot armiq të betuar dhe që kërcënojnë asgjësimin e njëri-tjetrit, por ata trashëgojnë një lidhje të vjetër që daton në vitin 1968. Fjala është për naftësjellësin Eilat Ashkelon i cili sjell në Mesdhe naftën iraniane. 
Linja e cila është bërë shkak për përballje në arbitrazh, ka ardhur në vëmendje sërish pas një vendimi të parlamentit izraelit, Kneset, për të shtyrë me 5 vjet dhënien e çdo informacioni mbi naftësjellësin.  Konkretisht, mbi bazën e këtij vendimi, edhe shitja e naftës palëve të treta konsiderohet akt spiunazhi dhe dënohet me 15 vjet burg. 

Protestat në Iran kanë vijuar për të tretën ditë dhe bashkë me to edhe jehona në mediat perëndimore që kanë lokalizuar menjëherë shkakun: regjimi i ajatollahëve provokon probleme. Sot janë raportuar edhe viktima, ndërkohë që qëndrimi zyrtar i Teheranit është se protestat janë organizuar nga agjentë të shërbimeve të huaja.
Presidenti iranian, Hasan Rouhani ka deklaruar gjatë një mbledhjeje të kabinetit qeveritar se:

New York Times i ka dhënë hapësirë vendimit të Komitetit të Pavarur Grek të Azilit për t’i dhënë azil njërit prej 8 oficerëce turq që u arratisën me helikopter në Greqi në korrik 2016, pas grushtit të dështuar të shtetit kundër presidentit turk, Erdogan.

Presidenti serb Aleksandër Vuçiç ka deklaruar në një intervistë për gazetën Vecernje Novosti se Kosova mund të anëtarësohet në OKB vetëm pas një marrëveshjeje me Serbinë. 

Mesdheu Lindor mund të jetë teatri i konfliktit të parë për hidrokarburet në vitin 2018. Të paktën kështu shkruhet në një opinion të Al-Monitor, media që përqendrohet në analizën e situatës në Mesdhe dhe Lindjen e Mesme. Sipas artikullit në fjalë, konflikti greko-turk lidhet me burimet e gazit që janë shkaku i shtimit të tensioneve për çështje territoriale.