Blloku Bota

Ministri i Jashtëm i Maqedonisë, Nikolai Dimitrov i është kundërpërgjigjur në një fare mënyre deklaratave të Athinës se qëndrimet irredentiste të Tiranës e Shkupit minojnë perspektivën europiane të tyre.

Në një intervistë për gazetën greke "Kathimerini" Dimitrov thekson se ekziston një identitet "maqedonas" në të dy anët e kufirit që nuk kërcënon askënd, ndërkohë që ai beson se kontaktet që kanë filluar midis Athinës dhe Shkupit gjatë disa muajve të fundit do të jenë të frytshme.

Presidenti amerikan Donald Trump vazhdon të mbajë lart stekën e deklaratave publike kur vjen pun ate çështjet ushtarake. Konkretisht, pas një takimi me krerët e ushtrisë amerikane, Trump pozoi në një foto të përbashkët duke përcjellë edhe një mesazh:

Mediat serbe raportojnë sot për një fërkim që ka ndodhur për draft rezolutën që do t’I paraqitet Asamblesë Parlamentare të NATO-s që do të mbahet në Tbilisi të Gjerogjisë në datat 07-09 tetor të këtij viti. Sipas këtyre informacioneve, në tesktin fillestar të draftit, hartuar nga britaniku Richard Benyon, thuhej se Serbia është përgjegjësja kryesore për tensionet në raportet mes Beogradit dhe Prishtinës, por edhe shkaktare e krizave në këtë pjesë të Europës, pra në Ballkan.

Kisha e Skocisë ka publikuar së fundmi një raport, titulluar “Trashëginia e Abrahamit? Një raport mbi “tokën e premtuar””, përmes të cilit mohon ndonjë privilegj të veçnatë të hebrejve mbi tokën e Izraelit. Dokumenti është përgatitur për Asamblenë e Kishës së Skocisë që do të mblidhet brenda dy javëve. Në raport u sugjerohet krisitianëve se “nuk duhet të mbështesin ndonjë pretendim nga hebrejtë, apo ndonjë popull tjetër për një të drejtë hyjnore, apo ekskluzive për të zotëruar një territor të caktuar”.

Edhe masakra e Las Vegasit mplekset në lojërat e botës dixhitale dhe politikat e Google. Gazeta “The Guardian” raporton se të mbijetuarit e masakrës ku mbetën të vrarë 58 njerëz dhe u plagosën 500 të tjerë, por edhe familjarë të viktimave janë shumë të irrituar me platformën “Youtube”, e cila sipas tyre ka promovuar videot që e cilësojnë ngjarjen një mashtrim. Miliona klikime mbi disa video që kanë vetëm pak ditë që janë postuar, pasi edhe ngjarja është shumë e freskët.

Çmimi “Nobel” për Paqen do të jepet këtë të premte, datë 6 tetor në Oslo të Norvegjisë. Juria përbëhet nga 318 persona që caktohen nga parlamenti norvegjez. Media të ndryshme flasin për disa kandidatë mes të cilëve Lions Club International, Julian Assange, Leonardo di Caprio, Jo Cox, Kisha Ortodokse Bullgare, David Bowie, Vladimir Putin dhe Donald Trump. Por sipas “The Guardian” këto emra publikohen përgjithësisht bazuar në thashetheme, ndonëse ka mes tyre edhe kandidatura të konfirmuara.

Kriza financiare greke prek edhe sektorin ushtarak. Mediat greke raportojnë për një reagim të Bashkimit të të Diplomuarve nga Akademia Ajrore Helenike, sipas të cilës ulja e pensioneve për ushtarakët në pension mund të ketë pasoja në frymën e ushtarakëvë aktivë. Dhe shkurtimi I bërë është një ulje thuajse 50%. Kështu nga 3000 euro/muaj pension që merrnin ushtarakët në pension deri përpara vitit 2010, me reformën e propozuar nga ministri për Sigurinë Sociale Giorgos Katrougalos, shkon në 1420-1583 euro/muaj.

Duket se po jetojmë në kohën e antireferendumeve. Katalonja është një rast që po menaxhohet brenda suazës europiane, por referendum i kurdëve në Irak rrezikon të shpërthejë në një konflikt të armatosur që mund të përfshijë disa shtete.

Kundër kurdëve formalisht janë edhe amerikanët në këtë lëvizje, ndonëse ata janë aleatë me njëri-tjetrin dhe duket disi e pabesueshme që kurdët të kenë vepruar për llogari të vet. Në realitet kundër aspiratës së kësaj popullsie janë Irani dhe Turqia, dy vendet kryesore joarabe në Lindjen e Mesme.  

Dy materialet video tregojnë pamje nga vendngjarja e 2 tetorit në Las Vegas, ku nga kati i 32-të një hoteli - Mandalay Bay Resort and Casino - Stephen Paddock, 64 vjeç qëlloi me armë për 9 minuta ndaj një turme njerëzish që ndiqnin një koncert të këngëtarit Jason Aldean. Nga sulmi mbetën të vrarë 59 persona(përfshirë Paddock) dhe 530 të plagosur.

Ndërhyrja e policisë:

Spanja po vihet në vështirësi serioze politike pas referendumit të Katalonjës. Ndonëse me një përkrahje të qartë nga Bashkimi Europian, që u shpreh kundër referendumit për pavarësi, Madridi zyrtar po paguan faturën e ndërhyrjes policore dhe dhunë joproporcionale dhe thuajse të pajustifikueshme ndaj qytetarëve që donin të shpreheshin me votë. Kreu politik i Katalonjës deklaroi ditën e dytë pas referendumit se ai nuk donte një shkëputje dramatike me Spanjën, por një marrëveshje të re bashkëjetese.