Blloku Bota

Me protesta masive kërcënojnë anëtarët e Vllazërisë Myslimane pas vdekjes së udhëheqësit të tyre Mohammed Morsi brenda në sallën e gjyqit. Ish-presidenti i Egjiptit u rrëzua në sallë, teksa po përballej me akuzat e spiunazhit për kontaktet e tij me grupin palestinez Hamas.

Zyrtari i lartë amerikan Matheë Palmer është shprehur në Sarajevë se ShBA mbështet Bosnje-Hercegovinën në proceset euroatlantike. Spas tij këto objekitva kundërshtohen nga rusët që sipas tij kanë synime të tjera në Ballkan.

Në veri të Lartësive Golan u hodh guri i themelit për krijimin e një komuniteti hebre që do të njihet si Trump Heights - Lartësitë Trump. Një gjest vlerësimi ky për presidentin amerikan që i njohu këto lartësi si pjesë të Izraelit.

Ishte vetë  kryeministri Netanyahu që muajin e kaluar lajmëroi se emërtimi i komunitetit të ri ishte një iniciativë e tij.

Raporti më i fundit evropian për drogën, i publikuar pak ditë më parë nga Qendra Evropiane e Monitorimit për Drogën dhe Varësinë nga Drogat (EMCDDA), për vitin 2018 evidenton 55 substanca të reja psikoaktive në treg. Mes këtyre substancave të reja ka produkte të klasës së kanabinoidëve dhe opiateve, por që nga viti 2014 është vërejtur rritja e numrit të substancave të paligjshme me bazë benzodiazepinën. Në vitin 2018, kjo kategori përfaqësonafërsisht një të tetën e substancave të reja. Për ata që nuk e dinë, ato i përkasin grupit të barnave psikiatrike.

Incidenti me kontenierin e naftës në Gjirin e Omanit që mori flakë në lundrim është kthyer në tension diplomatik mes SHBA-së dhe Britanisë së Madhe nga njëra anë dhe Gjermanisë nga ana tjetër. SHBA kanë akuzuar Iranin si përgjegjës për zjarrin në anijen konteniere, por teherani zyrtar ka hedhur poshtë akuza të tilla. Amerikanët pretendojnë se iranianët kanë goditur me një raketë tokë-ajër një dron të SHBA që flututronte mbi Gji pas sulmit të së premtes.

Presidenti turk, Rexhep Taip Erdogan reagoi ashpër ndaj homologut të tij francez, Emanuel Makron për mbështetjen që ky i fundit ka shprehur ndaj kërkimeve që po bëhen Zonën Ekskluzive Ekonomike në Detin e Qipros.

"Për Mesdheun lindor mund të flasin ata që kanë të drejtë të flasin. Me çfarë të drejte flet Franca për Mesdheun Lindor? Macron është një axhami. Nuk di asgjë. Ne nuk tërhiqemi nga të drejtat që kemi në Qipro"- tha presidenti turk.

Presidenti i Kosovës, Hashim Thaçi ka dhënë një intervistë për gazetën e njohur spanjolle, “La Vanguardia” ku ai është pyetur për zhvillimet në rajonit tonë, në Kosovë dhe në krahasim me çështjen e Katalonjës. Ndër të tjera z. Thaçi është pyetur edhe për taksën 100% të vendosur nga qeveria e Kosovës për mallrat serbe. Lidhur me këtë argument presidenti i Kosovës është shprehur se:

Një vit pas Marrëveshjes së Prespës dhe ndërsa negociatat e anëtarësimit me BE-në ende nuk janë hapur, Zoran Zaev në një intervistë për «Frankfurter Allgemeine Zeitung» thonë se BE-ja mbetet motivim "për vendin e tij, që kërkon"të përmirësohet si shtet dhe si shoqëri ".

"Është e vërtetë se që BE-ja, kancelarja Merkel dhe udhëheqës të tjera europianë na premtuan se në rast se do të kapërcenim krizën me Greqinë dhe do të promovonim reformat në vendin tonë do të na mbështesnin. Na thanë: “Sillni këto dhe ne do t'ju japim gjithçka që dëshironi”.

"Nuk po them se do të blejmë nga Rusia S-400, po them që Turqia  tashmë i ka blerë ato. Kjo është një punë e kryer "-deklaroi Erdogan teksa këmbënguli se sistemi i mbrojtjes raketore do të dorëzohet muajin e ardhshëm.

Presidenti turk tha se kishte shpresë në tejkalimin e problemeve me SHBA në lidhje me avionët luftarakë F-35 që Turqia kërkon të blejë nga SHBA, temë që do të diskutohet  në takimin mes tij dhe homologun amerikan Donald Trump në fund të qershorit.

Një video e filmuar fshehurazi nga Moving Animals tregon kushtet dhe brutalitetin në një thertore derrash në Kamboxhia. Rreth 600 kafshë theren çdo ditë në një mënyrë që të lë pa fjalë, teksa grupe të rinjsh hyjnë në “stallën” ku ndodhen qindra kafshë dhe godasin me leva në kokë e mandej presin fytin e kafshës.