Blloku Bota

Media të ndryshme të huaja po qarkullojnë një informacion që vë në dukje dyshimet e mëdha që provokon personaliteti i Donald Trump edhe brenda aleatëve më të ngushtë të SHAB-ve. Një memo e ambasadorit britanik në SHBA, Kim Darroch, hartuar në vitin 2017 dhe drejtuar qeverisë së tij, hedh dritë mbi vlerësimet e ktij diplomati për presidentin amerikan.

Rrezaton pasiguri. Me të duhet që t’i bësh të thjeshta parashtrimet, madje duhet të flasësh troç

shkruan Darroch.

Presidenti turk, Recep Tayip Erdogan njoftohet se do të marrë pjesë në samitin dyditor të Procesit të Bashkëpunimit të Vendeve të Europës Juglindore që mbahet në Sarajevë në datat 8-9 korrik të këtij viti. Sipas drejtorit të Komunikimit të presidentit turk, Fahrettin Altun ky samit është e vetmja platformë që përfshin të gjitha vendet e Ballkanit.

Takimi do të përqendrohet në hapat që duhen ndërmarrë për të përmirësuar bashkëpunimin në Ballkan, veçanërisht në fushën e ekonomisë, tregëtisë, transportit, infrastrukturës dhe investimeve

Polonisë i nevojitet rikthimi i gjithë të rinjve që kanë ikur në vendet e Bashkimit Evropian për të ndihmuar në zhvillimin e ekonomisë kombëtare.

Për këtë arsye qeveria polake është duke shqyrtuar heqjen e tatimin mbi të ardhurat për qytetarët nën moshën 26 vjeç. Kryeministri i Polonisë, Mateusz Morawiecki tha për Financial Times se "kjo masë ka për qëllim të përmirësojë mundësitë për të rinjtë polakë, në mënyrë që ato të përputhen me kushtet e ofruara në Perëndim".

Autoritetet turke raportojnë se kanë sekuestruar 18.1 gram Californium radioaktiv, material që përdoret në prodhimin e armëve bërthamore dhe në reaktorë bërthamorë. Vlera e materialit të kapur shkon në 72 milionë dollarë dhe ajo u kap nga policia kriminale dhe antitrafik në një makinë në rajonin Detit të Zi.

Mediat raportojnë se sasia e kapur i është dërguar për analiza të mëtejshme Autoritetit Turk për Energjinë Atomike.

Juncker tha se rotacioni në krye të Komisionit Europian nuk pati shumë transparencë. Nuk është e qartë se çfarë donte të thoshte zyrtari në fjalë që e plotësoi mandatin me mikroskandale dhe skena komike të një pijedashësi që është ngopur duke qenë në krye. Por fjala është për caktimin në vend të tij të ministres gjermane të Mbrojtjes, Ursula von der Leyen. Një njeri I gjermanëve në krye të KE-së. Kështu është ideja e parë. Një njeri i Merkel që sot ka timonin e Europës, ekzekutivit të saj.

Vizita e presidentit rus, Vladimir Putin në Itali, është shoqëruar me optimizëm nga politika e vendit fqinj që përherë ka mbajtur një linjë komunikimi të veçantë me Moskën. kryeministri Italian, Giuseppe Conte është shprehur në një intervistë për gazetën “La Stampa” se Rusia mund të luajë një rol në menaxhimin dhe zgjidhjen e krizave rajonale si ato në Venezuelë, Siri apo Libi. Conte ka nënëvizuar se për situatën në Libi është mirë që violin e parë për armëpushimin të jetë OKB-ja, një qasje që shkon në logjikën e tij për një dialog përfshirës mes Rusisë dhe SHBA-së.

Mediat serbe po qarkullojnë një emër si të dyshuar kryesor për vrasjen e Oliver Ivanoviçit, politkanit serb të Kosovës. Gazeta “Novosti” flet për një person të quajtur Florim Ejupi si i dyshuar kryesor për të cilin pretendon se ka marrë informacione nga gjykatësi suedez Christer Karphammar, drejtues i hetimeve për sulmet me bombë në Podujevë në vitin 2001.

Thirrje qytetarëve për pjesëmarrje masive në votimet e së dielës kërkoi lideri i opozitës greke, Kyriakos Mitsotakis duke shprehur ambicjen një mandat të fortë me shumicë të pastër në parlament.

Në një intervistë për televizionin ANT1, kryetari i Demokracisë se Re theksoi se tani është përgjegjësia e qytetarëve të marrë në duar fatin e vendit të tyre, për t’i dhënë mundësi atij të rinegociojë me Brukselin një marrëveshje me terma të tjerë.

Në Europë ekzistojnë ende diplomatë dhe politologë që besojnë në një rol thelbësor të Bashkimit Europian në rajonin e Ballkanit. Në një opinion të publikuar në Politico, kryetari i Konferencës së Mynihut, diplomati i njohur Ëolfgang Ischinger sugjeron angazhimin e BE-së në marrëdhiënet Serbi-Kosovë, duke propozuar sërish atë që nuk ka funksionuar deri më tani. Kosova të tërheqë tarifat, kurse Serbia të ndalojë fushatën e tërheqjes së njohjeve të Kosovës.

Presidenti në ikje i Komisionit Evropian Jean-Claude Juncker tha se procedura për emërimin e pasardhëses së tij, gjermanes Ursula von der Laien nuk ka qenë transparente dhe ka shënuar një ndryshim të padëshirueshëm në praktikat e përzgjedhjes së kandidatëve për postet e Bashkimit Europian.