Blloku Bota

Anullimin nga Bashkimi Europian të gazjellësit “Nord Stream II” kërkojnë ambasadorët e SHBA në Gjermani, Danimarkë dhe BE në një një artikull për DË.

"Varësia e BE-së nga gazi rus e vendos Evropën dhe gjithë Perëndimin në rrezik  dhe na bën gjithmonë e më pak të sigurt. «Nord Stream II» do të rrisë më tej predispozicion Evropës ndaj shantazhit rus në sektorin e energjisë" shkruajnë ata duke shtuar se «Nord Stream II» jo vetëm që do të transportojë gazin rus, por do të zgjerohet ndikimi i Rusisë në Evropë nëpërmjet detit lindor.

Revista amerikane Neësëeek publikoi një video që zbulon një anë të errët të riteve të misticizmit që ka inspiruar pushteti i Vladimir Putin.

Murgesha të veshura me me rroba të zeza, bashkojnë energjitë që presidenti Vladimir Putin të jetë i fortë dhe i fuqishëm, duke bërë magji që edhe Rusia të dominojë. Ato janë të ashtuquajturat "Shtrigat e Putinit".

Një takim i zv.kryeministrit italian Luigi Di Maio me përfaqësues të jelekëve të verdhë ka provokuar tensione diplomatike mes Italisë dhe Francës. Mediat italiane njoftojnë se Parisi zyrtar ka tërhequr ambasadorin e vet në Romë për konsultime.

Përzierja e fundit përfaqësojnë një provokim të shtuar dhe të papranueshëm. Ato dhunojnë respektin e nevojshëm për zgejdhjet demokratik, të bëra nga një popull mik dhe aleat. Dhunojnë respektin që qeveritë I detyrohen njëra-tjetrës si të zgjedhura demokratikisht

Me shumë vëmendje u ndoq nga shtypi gjerman vizita e kryeministrit grek Aleksis Tsipras në Turqi. Der Spiegel, vë në dukje se Greqia dhe Turqia janë rivalë historikë, por Presidenti Erdogan dhe kryeministri Tsipras kanë mbajtur “një lidhje të fortë - sepse përfitojnë nga tjetri "

Presidenti i Shteteve të Bashkuara të Amerikës, Donald Trump, ka deklaruar se ndërhyrja ushtarake në Venezuelë nuk përjashtohet.  Këto qëndrime ai i përcolli gjatë një interviste për CBS, por është e dyshimtë nëse ka ndonjë konsultim në nivel shtabi për këto çështje nisur nga praktikat e Trump që i pëlqen të bëjë shoë.

"Sigurisht është një opsion. Maduro ka kërkuar një takim me mua disa muaj më parë. E hodha poshtë kërkesën e tij sepse kishim ecur shumë në proces”, u shpre Trump. 

Pavarësisht pasojave të konfirmuara në Lindjen e Mesme, ShBA duket se nuk heq dorë nga teatri demokratik të cilin po kërkon t’ua imponojë të gjithëve. 

Një ditë pasi Shtetet e Bashkuara të Amerikës njoftuan tërheqjen nga Traktati antiraketor, edhe Rusia ka bërë të njëjtin hap. Mediat raportojnë se presidenti rus, Vladimir Putin, ka bërë me dije gjatë një takimi me ministrin e Jashtëm dhe atë të Mbrojtjes, se tërheqja do të përmbushet brenda gjashtë muajve, duke i dhënë fund një kuadri rregullator të dakordësuar për reduktimin e raketave me rreze të mesme. 

Serbia duket se po ja del të tematizojë me terma të tjerë akuzën e vjetër ndaj kroatëve për vrasjen e serbëve gjatë Luftës së Dytë Botëore. Në një intervistë për televizionin serb, Pink Tv, profesor dr. Gideon Greif, kërkuesi kryesor në Institutin Shem Olam për Holokaustin, me qendër në Izrael, ka deklaruar se rreth 800 mijë serbë dhe 40 mijë hebrej janë vrarë në kampin e famshëm të Jasenovacit në Kroaci.

Kryeministri i Kosovës, Ramush Haradinaj duket i vendosur që të mos e heqë taksën 100% ndaj mallrave serbe, pavarësisht presionit të hapur amerikan dhe atij të BE-së. Sipas Haradinajt taksa nuk është vendosur kundër interesave amerikane, por atyre ruse dhe serbe meqenëse ka qenë Rusia dhe Serbia që kanë punuar që të tërhiqen njohjet për Kosovën.

Sarah Sanders, zëdhënëse e Shtëpisë së Bardhë, në një intervistë për rrjetin televiziv CBN pohoi se jo vetëm është në gjendje të dijë dëshirat e të Plotfuqishmit, por edhe se presidenca Trump ishte vullnet i Perëndisë.

"Perëndia na thërret që të marrim role të ndryshme në kohë të ndryshme dhe mendoj se Zoti donte që Donald Trump të bëhej President. Kjo është arsyeja pse është këtu. Unë mendoj se ai ka bërë një punë të madhe, duke mbështetur shumë nga çështjet e kujdesit për njerëzit që e besojnë ... "- ka theksuar Sanders.