Blloku Bota

Kreu i Komsionit Europian, Jean Claude Juncker është shprehur në një intervistë të fundit, pak ditë para samitit të Rumanisë se europianët nuk e duan më njëri-tjetrin.

Ne nuk e duam njëri-tjetrin. Ne kemi humbur libidon tonë të përbashkët…Pesë apo gjashtë vjet pas Luftës së Dytë Botërore kishte një të tillë. Në ato kohë ishte më e lehtë për europianët të binin në dashuri me njëri-tjetrin sesa në vitin 1952

Beogradi zyrtar nuk e ka fshehur pakënaqësinë e vet për samitin e Berlinit, ku mesa duket liderët europianë nuk kanë arritur të bindin qeverinë e Kosovës që të heqë taksën 100% ndaj mallrave serve. Zyrtarët serbë po propagandojnë idenë se pas kokfortësisë së Haradinajt dhe dobësisë së BE-së fshihet projekti i Shqipërisë së Madhe. Diçka e kuptueshme në kushtet kur presidenti serb Vuçiç duhet të shpjegojë se çfarë u bë me Dialogun e Madh dhe Marrëveshjen historike me shqiptarët.

Diçka ka ngjarë kohët e fundit me idetë e propaganduar në rreth 1 vit për ndarje kufijsh mes Serbisë dhe Kosovës, apo më tej akoma për shkëmbim territori. Presidenti I Kosovës Hashim Thaçi mohoi në një intervistë  të sotm me revistën gjermane “Der Spiegel” të ketë patur ndonjëherë idenë për shkmbim territori. Sipas tij kjo ide “u krijua ashtu disi”, keqkuptim pas keqkuptimi.

Sekretari amerikan, Mike Pompeo la të hapur mundësinë e ndërhyrjes ushtarake në Venezuelë në një intervistë për rrjetin televiziv amerikan Fox Biznes.

"Operacioni ushtarak është i mundshëm. Nëse është e nevojshme, Shtetet e Bashkuara do ta kryejnë”-tha kreu i diplomacisë amerikane. Por ai shtoi se Uashingtoni do të preferonte një transferim paqësor të pushtetit në Venezuelë.

BBC-ja raporton sot mbi disa akte që ajo i quan krime shumë të rëndë lufte kryer në Libi nga forcat e drejtuar nga gjenerali rebel, Khalifa Haftar që synon rrëzimin e qeverisë së Tripoli. Në videon e përcjellë nga BBC-ja paraqiten njerëz të Haftar që dhunojnë trupat e viktimave, një akt që paraqitet në mediat online.

Sot Libia e përfshirë në konflikt civil sheh se Haftar, me mbështetje edhe nga shumë aktorë në Perëndim, t’i afrohet pushtetit. Akuza e publikuar në median në fjalë zbulon natyrën e konfliktit në botën arabe ku duket se fitilat e luftës po rindizen.

Venezuela kaloi 24 orë kaotike pas bashkimit të një pjese të ushtrisë me presidentin e vetëshpallur të opozitës Huan Guaido, i cili udhëhoqi një aksion për rrëzimin e presidentit Maduro. Ky i fundit me një fjalim të mbajtur të martën në mbrëmje tha se grushti i shtetit që tentuan një numër i vogël dezertorësh me në krye Guaidon dështoi. Ai përgëzoi forcat e armatosura për besnikërinë ndaj shtetit dhe tha se do të ngrihen padi penale kundër atyre që janë përgjegjës për dhunën.

Ngjarjet e Chelyabinskut në Rusi pak vite më parë, duket se kanë vënë mbrojtjen hapësinore të planetit në rend të parë. Kreu i Agjencisë Amerikane të Hapësirës, NASA, Jim Bridenstine, deklaroi gjatë fjalës së tij në Konferencën e vitit 2019 për Mbrojtjen Planetare të Akademisë NDërkombëtare të Astronautikës se mbrojtja nga goditjet e asteroidëve duhet kuptuar si çështje e filmave të Hollywood, por si çështje mbijetese.

Kjo është në fund të fundit për ët mbrojtur të vetmin planet që njohim i cili mundëson jetën dhe ky është planeti Tokë

Venezuela ka hyrë këto ditë në fazën e radhës të përdoriit të kukullave të kurdisura si Juan Guaido që pasi u zgjodh në krye të Parlamentit të vendit një ditë të bukur shpalli idealin për revolucion. Kuptohet që presidenti Maduro përfaqëson krizën e korrupsionit që ka mbërthyer mbarë botën, por revolucionarë të pas perdeve si Guaido, që edhe estetikisht është në unformitet me njeriun e ri të politikës, me kostum, pa kravatë dhe që improvizon fjalime si djali i popullit, janë në fakt jo fillimi i diçkaje të re, por faza e degradimit të kësaj që kemi.

Presidenti amerikan Donald Trump i ka kërkuar senatit të SHBA-së, ratifikimin e pranimit të Maqedonisë së Veriut në NATO. Në letrën dërguar me këtë rast, Trump thekson partneritetin me Shkupin zyrtar në çështjet e sigurisë dhe sipas tij, anëtarësimi i këtij vendi do t’i shërbejë interesave të SHBA dhe NATO-s.Anëtarësimi i Maqedonsië së Veriut është ratifikuar nga vendet anëtare dhe ai pritet të formalizohet në vjeshtën e këtij viti.

Eksperti austriak për Europën Juglindore në universitetin e Gracit, Florian Baiber mendon se takimi i sotshëm i Berlinit ofron një mundësi të rrallë për të vënë në rrgë disa çështje të rëndësishme të Ballkanit Perëndimor. Sipas tij bashkimi në një qëndrim i presidentit francez Macron dhe kancelares gjermane Merkel është diçka jo e zakonshme, ndërkohë që pala gjermane sipas tij do të kërkojë anullimin përfundimtar të planeve për shkëmbim territory mes Serbisë dhe Kosovës.