Blloku Bota

Presidenti i Ukrainës Petro Poroshenko vizitioi këtë të shtunë Patriarkanën Ekumenike  të Stambollit për të marrë pjesë në ceremonitë solemne të dhënies së autoqefalisë të Kishës të Ukrainës. 

"Është një nder i madh për mua dhe gjithë ukrainasit pjesëmarrja bashkë me peshkopin Epifan në ceremoninë e shumëpritur që do të mbahet të dielën"-tha presidenti i Ukrainës, duke shtuar "Vijmë te Patriarku Ekumenik Bartolomeu, me fjalë të sinqerta të vlerësimit nga popullit ukrainas për vendimin historik".

2018 shënoi reduktimin të ndjeshëm të personave që hyjnë ilegalisht në Europë.  Sipas të dhënave më të fundit  të Frontex, numri i emigrantëve të paligjshëm ra në 150,000 ose 92% më pak krahasuar me një milion që hynë në Europë në 2015.

Arsyeja kryesore për rënien dramatike e numrit të emigrantëve të paligjshëm që tentojnë Europën është bllokimi nga Italia i rrugës Qendrore Mesdheut. Në 2018 në Itali u regjistruan vetëm 23 mijë hyrje të paligjshme, numri më i ulët që nga viti 2012,

Kysten Sinema po bën histori. Të paktën kështu shkruajnë mediat amerikane për senatoren e Arizonës e cila vjen nga Partia Demokratike. Sinema është biseksuale dhe e ka deklaruar këtë gjë hapur. Ndaj edhe ajo po bën histori në Senatin amerikan ku është betuar nën drejtimin e zv. Presidenti Mike Pence, i cilësuar nga disa media si homofob.

Një hap i madh për Sinema, por një hap i vockël edhe për njerëzimin amerikan që përjeton histori të zhurmshme si kjo që lidhen me të drejta të mohuara.

Një delegacion  zyrtarësh të lartë amerikanë ndodhet në Turqi për të vijuar "diskutimet me turqit"-siç pohoi sekretari i Jashtëm amerikan, Mike Pompeo.

Në veçanti, kreu i Këshillit Kombëtar të Sigurimsë, John Bolton dhe diplomat Jim Jeffrey, i cili u emërua në gusht nga Pompeo si përgjegjës për mbikëqyrjen e bisedimeve mbi tranzicionit politik në Siri pritet të shkojë javën e ardhshme në Ankara për të diskutuar situatën në Siri.

Ministri i Mbrojtjes së Serbisë kërkon publikisht që vendi i tij të ripërkufizojë politikën ndaj bashkimit Europian. Sipas tij standardet e dyfishta që unioni po përdor në raport me Beogradin zyrtar e bëjnë të detyrueshëm ndryshimin e qëndrimit, ndonëse ka pranuar se nuk ka marrë mbështetjen e presidentit Aleksander Vuçiç për këtë propozim.

Grabitja që ndodhi të mërkurën në një autostradë të Barit është e denjë për një skenar hollivudian. Grabitësit përdorën një eskavator për të shqyer furgonin e blinduar ku nodheshin 2.3 milionë euro që do të shpërndaheshin për pensionistët.

Grabitja që ndodhi të mërkurën në autostradën që lidh Barin me qytetin e Materas. Fillimisht ishin dy trajlera që i prenë rrugën mjetit të blinduar. Më pas autorët neutralizuan 3 punonjësit e sigurisë dhe vunë në punë eskavatorin për të çarë më dysh furgonin.  Në pak sekonda çekiçi hapi edhe kasafortën që kishte në brendësi 2.3 milionë eruo.

Gazeta e njohur britanike “Daily Mail” ka publikuar tri ditë më parë një investigim mbi udhëtimet presidentit të Komisionit Europian, Jean Claude Juncker. Sipas raportit të saj, në 21 vizita zyrtare nga 43 të tilla gjithësej, Juncker ka udhëtuar me avion privat, ndonëse kjo është e ndakuar nga Komisioni përveçse kur nuk ka mundësi të tjera.

Në mbështetje të një referendumi të dytë për  Brexit, janë shumica e laburistëve ndonëse udhëheqësi i tyre, Jeremy Corbyn, nuk e ka mbështetur këtë ide. 72% e të anketuarve kërkojnë një referendum të ri, duke dalë kundër argumenteve të Corbyn se një qeveri e Laburistëve  do të vazhdojë Brexit, por me një marrëveshje më të mirë se ajo që ka siguruar kryeministrja aktuale.

Mbështetja amerikane por edhe zhvillimet e brendshme duket se do t’i japin një tjetër mandat Netanjahur në zgjedhjet parlamentare të 9 Prillit.  Kjo pas çarjes që pësoi pozita e qendrës sëmajtë të Izraelit duke i dhënë  fund koalicionit të Bashkimit Sionist mes Partisë së Punëtorëve dhe Lëvizjes së “Livni”.

Ankaraja duket se ka një plan alternative për të vënë dorë mbi rezervat e gazit në Egje dhe për t’i dhënë tjetër pamje gjeopolitikës së këtij rajoni. Të paktën sipas deklarimeve të kryepeshkopit Chrysostomos të Qipros, Turqia po planifikon sjelljen në ishull, konkretisht në zonën veriore që kontrollohet prej saj, 300 mijë kolonë turq për të ndryshuar balancën demografike. Sipas tij, Turqia ka për qëllim marrjen nën kontroll të të gjithë Qipros dhe jo gjetjen e një zgjidhjeje të dakordësuar me pjesën greke.