Blloku Bota

Për ish-ministrin e Brendshëm dhe udhëheqësin ksenofob të Lega-s, Mateo Salvini, është urdhëruar një hetim gjyqësor pas padisë së ngritur korrikun e kaluar kundër tij për shpifje nga kapitenia e anijes "Sea Watch 3", Carola Rackete.

Prokuroria e Romës ia ka përcjellë çështjen homologut të Milanos. Paditësi kërkon sekuestrimin e postimeve të Salvini në mediat sociale, pasi ish-ministri kishte bërë disa komente poshtëruese në lidhje shpëtimin e disa refugjatëve.

Presidenti turk, Recep Erdogan ka shpalosur ambiciet e vendit që drejton për krijimin e një arsenali ushtarak bërthamor. Duke folur para mbështetësve të partisë së tij në qytetin lindor të Turqisë, Sivas, Erdogan ndër të tera citohet të jetë shprehur:

Shërbimet sekrete amerikane kanë tentuar të rekrutojnë punonjës të kompanisë kineze Huawei me synim kthimin e tyre në informatorë.

Politico shkruan se disponon dokumente për këtë gjë dhe se i ka marrë ato nga kompania në fjalë e cila është vënë në shënjestër të amerikanëve për depërtimin në tregun e teknologjisë.

Një nga mënyrat e rekrutimit ka qenë kërkimi në telefonat dhe kompjuterat portativë në doganë me synim gjetjen e informacioneve inkriminuese për kompaninë.

Ivica Daçiç, një politikan serb që e preferon shumë diplomacinë publike, ka dalë së fundmi në rolin e një reformatori partiak. Në cilësinë e liderit të Partisë Socialiste të Serbisë, Daçiç u ka thënë gazetarëve në Beograd se ai po përgatit për partinë një Perestrojkë. Ristrukturimi siç tha ai, nuk do të kursejë askënd, përfshirë një kategori njerëzish që kanë krijuar idenë se detyrat partiake i kanë tituj personalë. 

Për herë të parë një zyrtar i lartë gjerman ka pranuar publikisht se ajo që ndodhi në Namibi mes viteve 1904-1918 ishte një genocid i kryer nga trupat ushtarake të Gjermanisë Perandorake. I ndodhur në një vizitë në Namibi, ministri për Zhvillimin, Gerd Mueller ka ngritur në një shkallë më lart njohjen nga Gjermania të përgjegjësisë për masakrimin e popullisve Herero dhe Nama.

Ministri i Mbrojtjes së Turqisë, Hulusi Akar ka kryer një fluturim mbi detin Egje, në bordin e një avioni luftarak T-38 në kuadër të inaugurimit të vitit stërvitor në bazën ajrore të Izmirit. 

I veshur me uniformën luftarake, Akar është fotografuar me maskën e oksigjenit dhe skafandrën e pilotit, në një demonstrim të qartë të fuqisë ushtarake turke, por edhe të vullnetit të Ankarasë zyrtare për ta përdorur atë. 

Uragani “Dorian” ka arritur në kategorinë pesë me erëra që arrijnë mbi 280 km/orë dhe ka godtur keqas pjesën veriore të ishujve Bahamas. Në ishullin e Madh të Bahamas u lëshua urdhëri i evakuimit për 73 imijë banorë, por shumë prej tyre kanë refuzuar të largohen.

Autoriteti Palestinez ka njoftuar vendimin  për t’i dhënë fund ndarjes së Bregut Perëndimor në Zonat A, B dhe C, siç parashikohet në Paktet e Oslos që Oranizata për Çlirimin e Palestinës firmosi me Izraelin në vitet 1993-1995.

Me vendimin e fundit Bregu Perëndimor do të trajtohet i gjithi si territory palestinez nën sovranitetin e Autoritetit Palestinez. Mbetet për t’u parë zbatimi i vendimit në fjalë që bie ndesh me dispozitat e një marrëveshjeje që i jep Izraelit të drejtën e kontrollit dhe në Zonën C ka edhe vendbanime izraelite.

Era Merkel duket se ka marrë fund në Gjermani në kuptimin se zërat për ndryshim sa vijnë e shtohen. Në një opinion në revistën “Spiegel” bëhet thirrje pikërisht për këtë gjë duke nënvizuar sidomos nevojën që gjermanët të gjejnë një pasion të ri politik dhe të pranojnë staturën ndërkombëtare të Gjermanisë me të gjitha pasojat dhe të mirat që një gjë e tillë sjell.

Pas Facebook edhe Google mund të detyrohet të paguajë 200 milionë dollarë gjobë për shkak se Youtube akuzohet se ka shkelur privatësinë online e fëmijëve duke mbledhur të dhëna për ta pa konsensusin e prondërve. 

Komisioni Federal për Tregëtinë në ShBA votoi 3-2 për të shqyrtuar çështjen dhe për ta dërguar atë në Departamentin e Drejtësisë. 

Çështja ka ardhur në vëmendje politikës, teksa senatori Ed Markey, ka deklaruar se kompanitë që thyejnë privatësinë e fëmijëve duhen ndëshkuar.