Blloku Bota

Një ndër përfaqësuesit kryesorë të opozitës ruse, Alexei Navalny, ka akuzuar kryeministrin e ri të Rusisë, Mikhail Mishutsin se zotëron një pasuri prej 45 milionë dollarësh në pasuri të patundshme. Sipas Navalny-t kryeministri rus ka tetë apartamete, shtëpi dhe pasuri të tjera nën emrin e bashkëshortes së vet, dy djemve dhe motrës së tij.

Mishustin e di mirë si të gjithë se nga këndvështrimi i tatimorit ky quhet “transaksion i rremë kriminal”. Korrupsion klasik

është shprehur Navalny.

Presidenti amerikan, Donald Trump ka kapur sërish titujt kryesorë me propozimin e një plani të ri për paqen izraelito-palestineze. Plani ka përmbajtje të shkurtër në pikat kryesore që parashikojnë krijimin e dy shteteve, kryeqytet të Palestinës Jeruzalemin Lindor në varësi të aftësisë së palëstinezëve për vetëqeverisje. Sipas këtij plani harta do të përpilohet nga një komitet i posaçëm, ndërkohë që për sigurinë e Izraelit kërkohet angazhim i qartë dhe garanci të plota. 

Britania e Madhe ka vendosur një linjë të mesme në raport me kompaninë kineze Huawei dhe instalimin e rrjetit 5G. Kryeministri Boris Johnson ka deklaruar se “shitësit me rrezik të lartë” do të përjashtohen nga pjesa më sensitive e rrjeteve dhe do të lejohet vetëm përfshirja e tyre në 35% të pjesët më pak të ekspozuara.

Kjo është një zgjidhje specifike për arsye specifike britanike dhe vendimi ka të ëbjë me sfidat që përballemi tani

citohet sekretari për Komunikimin, Nicky Morgan pas një takimi të Këshillit të Sigurisë.

Teknologjia 5G duket se ka vënë në krizë edhe “marrëdhënien speciale” mes SHBA dhe Britanisë së Madhe. Presidenti amerikan i ka kërkuar personalisht kryeministrit britanik Boris Johnson që të tërhiqet nga vendimi për të lejuar gjigandin kinez Huawei në instalimin e rrjetit 5G gjithjë me pretendimet për kërcënime mbi sigurinë,

Dhënia e dritës jeshile Huaweit do të ishte një kërcënim i rëndë për sigurinë kombëtare

Ministri i Jashtëm iranian, Mohammad Javar Zarif i ka dhënë së fundmi një intervistë gjermanes “Der Spiegel”. I pyetur gjerësisht mbi vrasjen e gjeneralit Qasem Soleimani, Zarif ka deklaruar se ky akt ishte një gabim nga ana e ShBA që përllogaritën se do të përmirësonin pozitën e tyre në rajon. Sipas tij ka ndodhur e kundërta dhe për ShBA më keq do të bëhet, pasi siç tha Zarif njerëzit në Lindjen e Mesme janë të ngopur me sjelljen e ShBA. 

Autoritetet e Kinës kanë konfirmuar  të paktën 26 viktima dhe 830 raste të të prekurve nga koronavirusi i ri. Por bilanci vazhdon të rritet, teksa mediat kanë publikuar pamje të të prekurve në rrugë, në ambiente publike. 

Sipas Komisionit Kombëtar të Shëndetit, po hetohen mbi 1 mijë  raste të dyshuar, si të infektuar me virusin icili  shpërtheu fillimisht në qytetin Vuhan, ku mendohet se ka edhe burimin.

Financieri i njohur George Soros ka deklarur në takimin e Davosit se Facebook do të angazhohet në rizgjedhjen e Donald Trump si president i ShBA. 

Facebook do të punojë për rizgjedhjen e Trump dhe Trump do të mbrojë Facebook. Kjo më shqetëson shumë për rezultatin e zgjedhjeve të 2020-ës

Sipas Soros, Trump është narcisti më i madh, presidenti kinez Xi Jinping një diktator dhe në dallim me ta ai ka vlerësuar aktivisten e re Greta Thunberg. 

Kurrë mos i beso një turku! Fraza e filmit të njohur “Mesdheu” duket se është ilustruar në praktikën e punës së presidentit amerikan Donald Trump që mesa duket është gënjyer hapur nga homologu i tij turk, Recep Tayyip Erdogan.

Ministri grek i Bujqësisë, Makis Voridis, është vënë në qendër të “një furtune” mediatike pasi postoi në faqen online të Ministrisë çmimin e kekut të Vitit të Ri për personelin. 12 mijë euro. Me idenë se po krenohej, ministri bëri autogol, pasi siç raportojnë mediat greke, në mediat sociale i janë kundërvënë të gjithë thuajse duke pyetur se çfarë ka keku brenda të kushtojë kaq shumë.

Virusi i ri që ka shpërthyer në Kinë ka rënduar bilancin e viktimave që kanë arritur në nëntë mes 470 rasteve të konfirmuara.

Infeksioni mendohet se ka ardhur nga kafshët dhe tashmë është konfirmuar se kalon edhe nga njeriu te njerit. Virusi i ngjan SARS-it të vitit 2012 dhe jep një formë pneuomonie me pasoja fatale. Mediat vënë në dukje se këtë herë Kina ka vendosur të raportojë në mënyrë të rregullt për atë që po ndodh, në ndryshim nga skereti me të cilin u mbulua SARS.