Blloku Bota

Turqia zyrtare ka refuzuar një ofertë për negociim të Bashkimit Europian me Qipron. Zëdhënësi i Ministrisë së Jashtme turke, Hami Aksoy e ka cilësuar propozimin e Përfaqësuesit të Lartë të BE-së, Josep Borrell si joserioze, duke cilësuar madje se Ankaraja zyrtare nuk e njeh administratën greke të Qipros. 

Peter Piot, një ndër virologët më të njohur në botë flet në revistën “Horizon” për epideminë aktuale të koronavirusit, nisur nga perspektiva shkencore, ajo klinike, por edhe si një pacient. Piot u prek në muajin mars nga CoVid-19 dhe deklaron se edhe pas më shumë se 3 muajsh nuk është normalizuar ende.

Presidenti i Serbisë, Aleksander Vuçiç ka deklaruar nga Brukseli ku ndodhet për një vizitë se vendi i tij do të jetë anëtar i Bashkimit Europian në vitin 2026.

Jam i bindur se po hyjmë me optimizëm në një fazë të re marrëdhëniesh me Bashkimin Europian. Besoj se do t’i pëfundojmë negociatat me BE-në nga fundi i mandatit të qeverisë së re që do të thotë se është realiste të besoshet se ne do të jemi shtet anëtar i BE-së në vitin 2026. Ky është opinioni im, shpresa ime

tha Vuçiç.

Gjiganti zviceran i farmaceutikës, Novartis AG, është bërë pjesë e skemave korruptive në Korenë e Jugut, Vietnam dhe Greqi.

Përmes filialit të saj, Alcon Inc, Novartis ka paguar apo u ka dhënë favore të tjera institucioneve të kujdesit shëndetësor, publike dhe private, në këmbim të orientimit të pacientëve te medikamentet e prodhuara prej saj.  

Nuk vonoi avokatia e Tiranës për Hashim Thaçin. Me akuzën ndaj tij u sabotuan bisedimet mes Serbisë dhe Kosovës, po thonë. Një gënjeshtër e trashë, pasi u frenua thjesht një takim. Grenell sot e përsëriti ftesën dhe atë e refuzoi në mirëbesim kryeministri Avdullah Hoti. Askush nuk po izolon Kosovën për një akuzë ndaj Thaçit. Përkundrazi, qëndrimi i tij në detyrë e dëmton Kosovën. E cila nuk është Hashim Thaçi. Dhe as Hashim Thaçi nuk është Kosova që është shtet dhe ka institucione. 

Presidentja e Komisionit Europian, Ursula von der Layen, ka njoftuar një takim sot mes presidenti serb, Aleksander Vuçiç dhe kryeministrit të Kosovës, Avdullah Hoti.

Në një postim në tuiter, Von der Layen thotë se në takimin ku do të jetë edhe ajo prezent  do të flitet për reformat e integrimit.

Dikush ka dhënë shah ndaj procesit politik mes Serbisë dhe Kosovës. Hashim Thaçi, president i kësaj të fundit është thirrur të dëshmojë për akuzën se ka vrarë 100 njerëz në bashkëpunim me të tjerë. Dhe që nga ky moment establishmenti politik I Shqipërisë dhe Kosovës është vënë në lëvizje. Përfshirë gazetarët e ndryshëm, këta bojaxhinj entuziastë të shefit të radhës.

Akuzë për rreth 100 vrasje për Hashim Thaçin dhe Kadri Veselin, njëri Presidenti i Republikës së Kosovës dhe tjetri, kryetar i Partisë Demokratike të saj. Materiali është përgatitur nga Zyra e Prokurorit Special dhe të dy të akuzuarit duhet të mbrohen para Gjykatës Speciale në Hagë.

Zgjedhjet në Serbi ofrojnë një tjetër mundësi për të parë politikën e Bashkimit Europian si koniunkturale në raport me rajonin tonë. Dy ditë më parë, menjëherë pas zgjedhjeve të përgjithshme dhe lokale në këtëvend, përfaqësuesit e BE-së deklaruan se ato respektuan liritë dhetë drejtat themelore, edhe pse siç u shprehën ata zgjedhësit nuk kishin çfarë të zgjidhnin për shkak të bojkotit nga opozita.