Blloku Bota

Loja me demokraci e delegacionit të Bashkimit Europian po përsëritet në Serbi me të njëjtin regjistër retorik. Opozita serbe ka lënë të kuptohet për bojkotim të zgjedhjeve, por Aleksander Vuçiç ka thirrur në ndihmë Europën dhe standardet e saj. Kreu i delegacionit të BE-së në Serbi, Sam Fabrizi ka deklaruar se bojkoti i zgjedhjeve nuk është një ide e mirë.

Zgjedhjet janë një test i rëndësishëm për demokracinë dhe politikanët duhet të prezantojnë platformat e tyre dhe të diskutojnë vizionet për të ardhmen

Nuk është vetëm Edi Rama kryeministri I amnistive. Miku  i tij, po aq gaztor me veten e vet, ish-kryeministri i Italisë, Matteo Renzi, propozon së fundmi të njëjtën gjë:

Ka një thes me para që rrinë të ngrira, nga 100-150 miliardë euro, në kasaforta apo poshtë dyshekut. Para që nuk I kalojnë shoqërisë. Lëvizja që duhet është që të bëhet një vetëdeklarim. Unë deklaroj paratë e mia, paguaj një taksë që ne mendojmë të jetë 10-15% dhe pastaj nuk procedohem. Kjo mund të hidhte në qarkullim 100 miliardë

Mënyra sesi administrata Trump po menaxhon protestat në vend pas vrasjes së afro-amerikanit George Floyd, ka provokuar reagime të shumta edhe në elitën politike të vendit. Ish-seketari amerikan i Mbrojtjes, James Mattis ka akuzuar presientin e SHBA-ve se po përpiqet të ndajë popullin amerikan.

Donald Trump është presidenti i parë në jetën time që nuk përpiqet të bashkojë popullin amerikan – as nuk pretendon se e bën këtë. Përkundrazi, ai po përpiqet të na përçajë. Ne po dëshmojmë pasojat e tri vjetëve përpjekjeje të qëllimshme në këtë drejtim

Epidemiologu kryesor i Suedisë, Anders Tegnell ka pranuar gjatë një interviste për Radion Suedia se strategjia e propozuar për tij si përgjigje ndaj epidemisë së koronavirusit kishte gabimet e veta.

Nëse ne do të përballeshim me të njëjtën sëmundje me të njëjtën njohuri që kemi sot, mendoj se përgjigja do të ishte diku mes asaj që Suedia bëri dhe asaj që pjesa tjetër e botës bëri

është shprehur ai.

Tashmë nuk përbën më lajm në vetvete. Google shkel privatësinë e përdoruesve. Ka shumë mënyra për këtë gjë, por së fundmi në SHBA kompania është paditur për shkelje të privatësisë edhe kur përdoruesi futet në internet me brouzerin në private mode. Sipas përdoruesve historiku i kërkimeve të tyre në profilin private mode nuk gjurmohet, por Google bën të këndërtën, sipas kompanisë gjurmimi i historikut edhe në këtë opsion kërkimi nuk është joligjor.

Një investigim i Associated Press hedh dritë mbi atë që ka ndodhur gjatë muajit janar kur bota u vendos para faktit dramatik të shpërthimit epidemik të koronavirusit. 

Sipas materialeve të disponuara nga media në fjalë, Kina ka vonuar transmetimin e të dhënave për genomin e virusit me një javë dhe më shumë se kaq të dhënat klinike të poseduara prej saj për shkak se ishte vendi i parë që u prek nga epidemia. 

Presidenti amerikan Donald Trump ka deklaruar se do të përdorë ushtrinë për vendosjen e rregullit në SHBA.

Një kamion është futur mes protestuesve në një urë në Mineapolis duke provokuar një situatë të rrezikshme. Kamioni është ndalur dhe mandej protestuesit e kanë nxjerrë shoferin duke e rrahur. Mediat amerikane kanë raportuar se shoferi është arrestuar për një ngjarje që ilustron shkallën e tensionit në një pjesë të shoqërisë amerikane. 

Presidenti i ShBA, Donald Trump ka njoftuar sot se ai ka ndërmend të shpallë lëvizjen antifashiste ammerikane, njohur si ANTIFA, si organizatë terroriste. Trump e bëri njoftimin në tuiter në kontekstin e një situate shumë të ndezur protestash që pasuan vrasjen e George Floyd në Mineapolis.  

Vdekja përmes vrasjes policore të George Floyd i ka vënë flakën Amerikës. Mediat raportojnë se protestat vazhdojnë për disa ditë dhe ishin vetëm ato që çuan në arrestimin e përgjegjësit të vdekjes, policit Dereck Chauvin. Dyqane të djegura në Filadelfia, makina të djegura në Çikago dhe përplasje me policinë në Los Angeles. Në Mineapolis, vendngjarja e vrasjes së Floyd u dogj një stacion policie, ndërkohë që edhe Guvernatori po flet për një racizëm sistemik në Amerikë.  Në disa qytete është vendosur shtetrrethimi dhe me menaxhimin e situatës po merret Garda Kombëtare.