Blloku Bota

Për shkak të mutacionit të virusit SARS-CoV-2 , edhe vaksinat duhet të ndryshojnë herë pas here. Ato duhet të përforcohen përballë viruseve më të transmetueshëm dhe më të aftë për të shmangur imunitetin e njeriut.

Koronavirusi i ri, i cili ka vrarë 2.65 milionë njerëz në mbarë botën që kur u shfaq në Kinë në fund të vitit 2019, pëson mutacion rreth një herë në dy javë, më ngadalë se gripi ose HIV, por mjaftueshëm për ta bërë të domosdoshëm ndryshimin e vaksinës.

Partia e kancelares gjermane, Angela Merkel, pësoi humbje në dy palë zgjedhje rajonale të dielën. Bashkimi Kristian Demokratik (CDU) i qendrës së djathtë, siç tregojnë sondazhet, pritet të shënojë rezultatet më të dobëta ndonjëherë në shtetet jugperëndimore të Baden-Wuerttemberg dhe Rhineland-Palatinate, raporton France 24.

Rrjeti 4G mbulon me shërbim rreth 85% të popullsisë së botës. Megjithatë, gati gjysma e tyre ishin offline në vitin 2020.

Një analizë e kryer nga Unioni Ndërkombëtar i Telekomunikacionit (ITU) dhe Aleanca për Internet të Përballueshëm (A4AI) tregon se kostot e larta për aksesin në internet mbeten një nga pengesat kryesore për të përdorur shërbimet e teknologjisë së informacionit dhe komunikimit (TIK) në botë. Çmimet e linjës së lëvizshme dhe asaj fikse janë në rënie, por gjithsesi mbeten shumë të larta, veçanërisht në vendet në zhvillim.

Ndryshe nga sa mund të kenë menduar disa, administrata Biden duket se nuk ka ndërmend të ndryshojë nga paraardhësja sa i takon qasjes ndaj gjigantit kinez të teknologjisë, Huawei.

Komisioni Federal i Komunikimit (FCC) e ka konsideruar Huaëei-n një kërcënim për sigurinë kombëtare amerikane.

FCC njoftoi të premten se firma, si dhe katër kompani të tjera kineze, paraqesin "një rrezik të papranueshëm për sigurinë kombëtare të SHBA ose sigurinë dhe sigurinë e shtetasve amerikanë".

Mënyra sesi Komisioni Europian ka vendosur të shpërndajë vaksinat kundër CoVid-19 ka provokuar reagime nga gjashtë shtete anëtare të bllokut. Austria, Republika Çeke, Bullgaria, Sllovenia, Letonia dhe Kroacia -krerët e tyre politikë - kanë firmosur një letër të përbashkët drejtuar presidentes së Komisionit, Ursula von der Leyen dhe presidentit të Këshillit të Europës, Charles Michel, përmes së cilës kërkojnë një “zgjidhje europiane” për vaksinën.

Tre punonjës të sistemit shëndetësor në Norvegji, të vaksinuar kohët e fundit me AstraZeneca, po trajtohen në spital për hemorragji, mpiksje të gjakut dhe rënie të nivelit të trombociteve.

Norvegjia ndaloi të enjten shpërndarjen e vaksinës AstraZeneca, pasi të njëjtën gjë bëri edhe Danimarka. Islanda u bë vendi i tretë që ndoqi shembullin e tyre.

"Ne nuk e dimë nëse rastet janë të lidhura me vaksinën", tha Sigurd Hortemo, një mjek i vjetër në Agjencinë Norvegjeze të Barnave në një konferencë për shtyp.

Të tre individët që patën efekte anësore janë nën 50 vjeç.

Uashingtoni ka refuzuar një kërkesë të kompanisë farmaceutike AstraZeneca për t’i dhënë BE-së një pjesë të rezervave të vaksinës në SHBA - që nuk mund të përdoren ende atje. Kërkesa vjen në një kohë kur në Bashkimin Europian, AstraZeneca nuk po arrin të përmbushë objektivat e furnizimit me vaksinë.

Presidentja e përkohshme që mori detyrën në Bolivi pas rrëzimit të Evo Morales është arrestuar me dyshimin e organizimit të një kryengritjeje.

Jeanine Anez u vu në pranga pasi gjykata lëshoi të premten urdhrin e arrestimit të saj, njoftoi ministri Carlos del Castillo në Twitter. Ai e cilësoi arrestimin si një hap përpara për t'i dhënë popullit bolivian drejtësinë e merituar.

Parlamenti italian ka miratuar së fundmi ligjin për delimitimin e zonave detare me Greqinë. Ligji mori 273 vota dhe asnjë kundër. Kështu ai i hap rrugë zbatimit të marrëveshjes së nënshkruar me Greqinë më 9 qershor 2020 që rishikon një marrëveshje të vitit 1977 duke përfshirë edhe metodën e WBS 84 – sistemi botëror gjeodezik.

Presidenti serb, Aleksander Vuçiç, ka deklaruar se në Serbi do të ndërtohet së shpejti një fabrikë e Sinopharm për prodhimin e vaksinave kundër CoVid-19.

Nga 15 tetori ne do të kemi sasi të mëdha vaksine për vete dhe mbarë rajonin. Ne do të duhet të furnizojmë edhe rajonin të paktën me çmimin e prodhimit. Shpresoj se Serbia nuk do të bezdisë kënd në këtë drejtim. Dua të besoj se njerëzit kuptojnë se kjo është për shëndetin e mbarë rajonit. Serbia do të jetë pakrahasismiht e madhe me atë që është sot