Blloku Bota

Bullgaria vijon presionin mbi Maqedoninë e Veriut për atë që e quan diskriminim të pakiës bullgare në vend dhe vijon ta kushtëzojë votën pro pranimit të Shkupit në BE me zbatimin e marrëveshjes së vitit 2017.  

Deri tani, Sofja ka insistuar në arritjen e një pozicioni të unifikuar mbi historinë e përbashkët, origjinën e gjuhës maqedonase dhe dhënien e garancive kundër pretendimeve territoriale të ardhshme të Maqedonisë së Veriut kundër Bullgarisë.

Gazeta amerikane “The New York Times” raporton se Kina ka ndërtuar një rrjet të bazave të lëshimit të raketave bërthamore të përbërë nga 110 njësi. Sipas gazetës, rrjeti prej nga ku mund të lëshohen deri në 875 koka bërthmore, është ndërtuar në provincën lindore Xinjiang dhe puna për të me gjasë ka nisur në muajin mars të këtij viti.

Zbulimi është bërë nga Federata e Shkencëtarëve Amerikanë, përmes përdorimit të imazheve nga kompania e të dhënave gjeohapësinore, Planet.

Një seli e re e Presidencës dhe Parlamentit në Qipron turke është kolona e parë e një shteti të pavarur. Lideri i Partisë së Lëvizjes Nacionaliste (MHP), Devlet Bahçeli, tha sot në një deklaratë se kjo nuk duhet parë thjesht si një ndërtim i ri, por si hapi i parë drejt një shteti të pavarur.

Bahçeli akuzoi pjesën greke se nuk po bën asgjë për zgjidhjen e përhershme.

Bahçeli kujtoi se dekadat e negociatave për ribashkimin e ishullit nuk kanë arritur të japin rezultate dhe për këtë bëri përgjegjës qipriotët grekë.

Nismën e Kroacisë për të vënë imazhin e shpikësit të famshëm Nikola Tesla në monedhat e saj euro, Serbia nuk e ka pritur mirë. Banka Qendrore Serbe tha se do ta çojë çështjen në BE.

Nikola Tesla, serb i lindur në Kroacinë e sotme në 1856 kur vendi ishte pjesë e Perandorisë Austro-Hungareze, është krenari për të dy vendet, lidhjet e të cilave kanë qenë të ftohta që nga shpërbërja e përgjakshme e Jugosllavisë së dikurshme.

Si Zagrebi, edhe Beogradi pretendojnë se pionieri i inxhinierisë moderne elektrike është i tyre.

Pak ditë më parë, Fox News raportoi se Rusia kishte zhvilluar aftësi të jashtëzakonshme ushtarake. Gjatë emisionit “Fox and Friends” u raportua se avionët ushtarakë rusë kanë thyer limitin e shpejtësisë në univers.

Sipas Fox News, një rrjet me 1.2 milionë shikues, Rusia ka zhvilluar një avion që "... mund të fluturojë me një shpejtësi gati dyfishi i shpejtësisë së dritës", në një klip që u shpërnda në Twitter nga Ron Filipowski, ish-komisioneri shtetëror i Floridas.

Greqia duhet të plotësojë hendekun e vet me Turqinë në fushën navale pasi askush nuk mund të sigurojë një vjeshtë apo dimër të qetë. Kështu shkruan ndër të tjera analisti i njohur i politikës greke, Alexis Papachelas në një opinion të vetin publikuar dje në gazetën konservatore “Kathimerini”. Sipas Papachelas provokacionet e afërta të Turqisë provuan se mobilizimi i personelit detar grek shkoi në kufijtë e vet duke dëshmuar kështu se “marina jonë po mbetet pas”.

Presidenti i Serbisë, Aleksander Vucic ka dalë në një konferencë për shtyp gjatë së cilës ka njoftuar se aid he qeveria do ta shtypë mafien në vend. Në të vërtetë Vucic i është referuar disa problemeve serioze të rendit publik dhe trafikut që kanë kulmuar me vrasje spektakolare në Beograd dhe që sipas tij e kanë origjinën në luftën e klaneve në Malin e Zi.

Ky është një konflikt mes dy klaneve, diçka që u importua në Serbi nga Mali i Zi, kjo është një luftë mes klaneve Kavac dhe Skaljari

ka thënë kreu i shtetit serb.

Anthony Fauci ishte ndër më të sulmuarit nga skeptikët e Covid-19 që në nisje të pandemisë. Si drejtor i Institutit Kombëtar për Alergji dhe Sëmundje Infektive (NIAID), Fauci ka mbështetur gjithnjë përdorimin e maskave dhe ndërtimin e imunitetit përmes vaksinave. I fundit në listën e kritikëve të Faucit është senatori Rand Paul, i cili e akuzoi Fauci se po i përdor taksat e amerikanëve për eksperimente me virusin e lakuriqëve, që mund të bëhen të rrezikshme për njerëzit. Ai e akuzoi Faucin se ka gënjyer Kongres për një projekt të tillë.

Vatikani ka publikuar për herë të parë informacione mbi pasurinë e vet të paluajtshme. Të dhënat janë njoftuar përmes dy dokumenteve financiarë që akordonin edhe të parin buxhet public për Administratën e Pasurisë së Selisë së Shenjtë. Bëhet fjalë për mbi 5000 njësi të pasurive të paluajtshme nga të cilat 4 051 në Itali dhe 1 120 jashtë gadishullit pa përfshirë ambasadat.

Victor Orban ka gjetur një zgjidhje demokratike për t’iu kundërpërgjigjur kritikave që i vijnë nga BE për të ashtuquajturin ligj problematik anti-LGBTIQ. Kryeministri hungarez ka njoftuar se për këtë ligj do të zhvillohet një referendum në vend në mënyrë që t’i jepet përgjigje përfundimtare çështjes.