Blloku Bota

Rrëzimi i fundit nga anëtarët e BE-së i propozimit franko – gjerman për një samit me Rusinë, reflekton për të disatën herë se strategjia ruse në kufijtë e Europës po shndërrohet në kriter interpretimi për strategjinë e Perëndimit ndaj Rusisë. Dhe ky kriter po e ndan në mes Perëndimin që nuk po di të formulojë një doktrinë të unifikuar për atë se çfarë duhet të bëjë dhe sesi duhet të pozicionohet në një botë që po sfidon rendin ndërkombëtar të deritanishëm dhe vlerat që e mbajnë në këmbë atë.

Ish-kryeministri i Francës, Francois Fillon është emëruar në bordin e kompanisë shtetëore ruse të naftës, “Zarubezhneft”. Lajmi është publikuar nga një faqe të publikimit të materialeve të biznesit, e-disclosure.ru dhe referohet nga France24.

Donald Tusk është rikthyer në qenddër të vëmendjes së politikës polake dhe shpresave për të ardhmen e vendit në BE, pasi mori kryesimin e partisë  Platforma Qytetare, në të cilën ka qenë një ndër themeluesit.

Platforma Qytetare është një forcë e domosdoshme, jo si kujtesë, për të fituar luftën për të ardhmen kundër partisë nacionaliste Ligj dhe Drejtësi

është shprehur Tusk.

Ministri i Jashtëm i Serbisë, Nikola Selaković, ka sqaruar përmes një interviste për revistën “Cord” drejtimin e politikës së jashtme të vendit të tij, duke nënvizuar me forcë se Beogradi çmon si prioritare miqësinë me SHBA.

Presidenti kinez Xi Jinping ka bërë një demonstrim force dhe autoriteti kur me rastin e 100-vjetorit të themelimit të Partisë Komuniste Kineze ka deklaruar se kohët kur Kina masakrohej dhe i bëhej presion kanë mbaruar përfundimisht.

Kushdo që guxon ta bëjë një gjë të tillë do të përplasë kokën kundër Murit të Madh të çelikut të farkëtuar nga mbi 1.4 miliardë kinezë. Përtëritja e kombit kinez ka hyrë në një kurs historik të pakthyeshëm

Zyrtarë të ministrisë japoneze të Mbrojtjes kanë paralajmëruar se Kina dhe Rusia mund të jenë duke planifikuar një sulm ushtarak mbi Havain, përveçse kanë në vëmendje Tajvanin.

Ka ndërruar jetë në moshën 88 vjeçare, Donald Rumsfeld, ish-sekretari amerikan i Mbrojtjes në presidencën e Gerald Ford dhe George Bush.  Shkaku i vdekjes raportohet të ketë qenë kanceri në kocka.

Rumsfeld do të mbahet mend si fytyra e asaj që u quajt Lufta Kundër Terrorit, që nis nën presidencën amerikane të Bush në vitin 2001, menjëherë pas sulmeve të 11 shtatorit.

Qeveria spanjolle do të detyrojë platforma streaming si Netflix të ndihmojnë financiarisht transmetuesin publik RTVE përmes një kontributi prej 1.5% të të ardhurave të tyre. Zbatimi i masës së re është pjesë e një projektligji të ri audioviziv, i cili pritet të miratohet nga dhoma e ulët e Parlamentit spanjoll në tremujorin e parë të vitit të ardhshëm, raporton DigitalEurope. 

Gjermania ka përfunduar procesin e tërheqjes së trupave ushtarake nga Afganistani, raporton Reuters. Ministrja gjermane e Mbrojtjes, Annegret Kramp-Karrenbauer njoftoi se ushtari i fundit gjerman la Afganistanin të martën në mbrëmje. Tërheqja e trupave gjermane, pas një pranie 20-vjeçare si pjesë e forcave ndërkombëtare, vjen pas vendimit të presidentit amerikan për të tërhequr trupat nga Afganistani deri në 11 shtator.

Tërheqja e trupave amerikane lë pas në Afganistan një situatë jo fort të sigurt për vendasit. Pas tërheqjes së 2500 trupave amerikane, gjenerali Austin Scott Miller thotë se përpjekja e talebanëve për të marrë kontrollin e disa pjesëve të vendit është shqetësuese.