Blloku Bota

Në Indi pritet që të ndodhë ajo që ndodhi vite më parë në Kinë. Qeveria e Uttar Pradeshit, ndër shtetet me dendësinëmë të madhe të popullsisë, pritet të kufizojë numrin e fëmijëve që i lejohet një çifti të ketë.

Ndryshe nga Kina, India nuk do ta bëjë këtë përmes një ndalimi, por do të stimulojë prindërit që kanë vetëm një fëmijë, duke u ofruar edhe kujdes shëndetësor dhe arsim falas.

Presidenti i Bjellorusisë, Alexander Lukashenko, thotë se Evropa mund të bëhet shkak për Luftën e Tretë Botërore. Në një intervistë për Sky News Arabia, të cilës i referohet B92, Lukashenko thotë se lufta hibride që Evropa po drejton kundër Minskut, Rusisë dhe Kinës mund të ketë pasoja të tilla.

Vaksinimi i detyrueshëm po kthehet në një problem politik dhe thuajse kulturor në Perëndim. Pas protestave që detyruan qeverinë franceze të zbusë masat e veta anti-CoVid-19, një tjetër sinjal kundër kësaj politike shëndetësore vjen nga Britania e Madhe. Këngëtari i njohur Eric Clapton ka deklaruar se nuk do të pranojë të luajë muzikë në mjedise ku kërkohet me detyrim certifikata e vaksinimit për audiencën.

Derisa të parashikohet pjesëmarrja e të gjithë njerëzve, unë rezervoj të drejtën të anulloj shfaqjen

Presidenti turk, Recep Tayyip Erdogan ka paralajmëruar së fundmi hapjen e pjesshme të qytetit të Famagustës që është seksioni bregdetar i qytetit të rrethuar të Varoshës.

Njoftimi është bërë gjatë vizitës së Erdogan në Qipro, ku është takuar me liderin e qipriotëve turq, Ersin Tatar dhe ai përkon me përvjetorin e pushtimit të Qipros nga Turqia më 1974.

Të gjithë këta mbajnë fjalime për Qipron. Ne do t’i dëgjojmë ata, por nuk do të pyesim se çfarë thonë. Ne do të bëjmë atë duhet të bëjmë

Ish-ambasadori i SHBA në Malin e Zi, Kroaci dhe Bullgari, William Montgomery, thotë se një ekip i CIA-s ka qenë i vendosur për ca kohë në qytetin kroat Cavtat.

Sipas tij, detyra kryesore e kësaj njësie të CIA-s ishte të mbronte presidentin e atëhershëm dhe aktual të Malit të Zi, Milo Gjukanoviç, nëse presidenti i atëhershëm i RFJ-së, Sllobodan Milosheviç, vendoste ta sulmonte.

Rusia paralajmëron SHBA-të për raketat supersonike në Europë. Në një postim në Tuiter, Ambasada Ruse në SHBA shprehet se vendosja e këtyre raketave në Europë do të çonte në një konflikt të paqëllimtë.

Do të donim t’i kujtojmë @PentagonPressSec se vendosja e mundshme e çdo rakete hipersonike (flamur amerikan) në Evropë do të ishte jashtëzakonisht destabilizuese. Koha e tyre e shkurtër e fluturimit do t’i linte (flamur rus) pak ose aspak kohë për të marrë vendime dhe do të shtonte gjasat e një konflikti që ne nuk duam ta nisim.

Australia dëboi komentatoren politike britanike, Katie Hopkins, për shkelje të masave anti-Covid. Autoritetet vendase thanë se Hopkins kishte shpërfillur rregullat e karantinës në hotel.

Detaje të klasifikuara të tankut më të rëndësishëm të betejës që ka Ushtria Britanike, Challenger 2, u bënë publike krejt rastësisht. Përveçse pjesë e armatimit të rëndë britanik, tanku në fjalë ekziston edhe virtualisht si element i lojës “War Thunder”. Pjesë e kësaj loje online është bërë edhe një person, i cili thotë se ka drejtuar një tank të tillë dhe ka qenë instruktor në ushtrinë britanike. Ai pretendon se dizajnerët e lojërave nuk kanë arritur ta "modelojnë siç duhet".

Në Malajzi, policia asgjësoi 1069 aparatura për prodhimin e kriptomonedhave. Operacioni i koordinuar mes policisë dhe kompanisë së energjisë elektrike Saeawak Energy në qytetin e Miri. Pajisjet e sekuestruara nga policia përgjatë periudhës shkurt-prill u asgjësuan duke u shtypur me makineri të rënda.

Në total, kostoja e pajisjeve të shkatërruara arrin vlerën 1.25 milion dollarë.

Ndërsa Sarawak Energy pretendon se ka humbur energji me vlerë afërsisht 2 milionë dollarë në këto pajisje.

Qendra Evropiane për Parandalimin dhe Kontrollin e Sëmundjeve parashikon pesëfishim të prevalencës së Covid-19 përgjatë javëve të ardhshme. Në shifra, ky parashikim përkthehet në 420 raste për çdo 100 000 banorë deri më 1 gusht.

Në raportin javor të publikuar të premten, Qendra Evropiane për Parandalimin dhe Kontrollin e Sëmundjeve (ECDC) bëri një parashikim shqetësues në lidhje me rritjen e Covid-19 në vendet e BE-së, Norvegji dhe Islandë.