Blloku Bota

Aparteid dhe persekutim e cilëson organizata Human Right Watch mënyrën sesi IzraeIi po sillet me palestinezët. Raporti i publikuar sot konkludon se politika e qeverisë izraelite është "të ruajë dominimin e hebrenjve izraelitë mbi palestinezët" dhe "abuzimet serioze të kryera ndaj palestinezëve që jetojnë në territoret e pushtuara, përfshirë Jeruzalemin Lindor".

Parlamenti Evropian i ka hequr imunitetin deputetit të dënuar të Agimit të Artë, Ioannis Lagos.

Votimi u mbajt të të hënën, por rezultatet u bënë të ditura sot. 658 eurodeputetë votuan pro heqjes së imunitetit, 25 kundër dhe 10 abstenuan, raporton "Ekathimerini".

Vendimi i PE i hap rrugë arrestimit të tij nga autoritetet belge dhe ekstradimit në Greqi për të vuajtur dënimin.

Kryediplomati iranian, Mohammad Javad Zarif, është në një moment të sikletshëm pas publikimit të një bisede të tij me një gazetar, të cilit i thotë se Garda Revolucionare elite kishte më shumë ndikim në punët e jashtme dhe dosjen bërthamore të vendit sesa ai. Ky detaj nxjerr në pah natyrën e lidhjes që ka qeveria iraniane me Gardën Revolucionare.

Presidenti bjellorus, Alexander Lukashenko, pretendon se ndaj tij ka patur një plan vrasjeje dhe se për zbatimin e tij janë vënë 10 milionë dollarë. Madje sipas Lukashenkos, këto 10 milionë ishin paguar për sulmin ndaj rezidencës së tij, ndërkohë që 1 milionë dollarë u dhanë për një qitës snajper.

Kemi kohë që e dimë. Mendoni se e kryem këtë operacion në Moskë nga hiçi? Ne po i vëzhgonim. Pritej që ata të vinin në Minsk dhe të kryenin këtë operacion

Ekosistemet me biodiversitetin më të madh në oqean zakonisht gjenden në ujërat tropikale përreth ekuatorit. Por ndërsa temperaturat rriten, organizmat ujorë parashikohet të largohen nga habitati i tyre gjithnjë e më shumë.

Ekosistemet me biodiversitetin më të madh në oqean zakonisht gjenden në ujërat tropikale përreth ekuatorit. Por ndërsa temperaturat rriten, organizmat ujorë parashikohet të largohen nga habitati i tyre gjithnjë e më shumë.

Autoritetet shëndetësore në Izrael janë duke verifikuar disa raste të personave që kanë marrë vaksinën anti-CoVi-19, Pfizer, e të cilët kanë zhvilluar inflamacion kardiak. Sipas koordinatorit për përgjigjen kundër pandemisë, Nachman Ash, studimet paraprake tregojnë për “dhjetëra raste” të miokarditit që janë shfaqur në më shumë se 5 milionë njerëz të vaksinuar, kryesisht pas dozës së dytë.

Nëndetësja e zhdukur në Indonezi u gjet e ndarë në tre pjesë në fund të detit. Lajmin e konfirmuar zyrtarët e ushtrisë dhe marinës.

"Bazuar në prova, mund të thuhet se KRI Nanggala është fundosur dhe i gjithë ekuipazhi i saj kanë vdekur", citohet nga Reuters shefi ushtarak, marshalli Hadi Tjahjanto.

Turqia ka reaguar zyrtarisht për aktin e njohjes së genocidit armen nga SHBA. Ministri i Jashtëm Mevlut Cavusoglu ka shkruar në tuiter se:

Fjalët nuk mund ta ndryshojnë historinë. Ne nuk do të marrim leksione për historinë nga askush

Po kështu, Ministria e Jashtme ka thirrur ambasadorin amerikan në Ankara, David Stterfiled për të shprehur pakënaqësinë e vet për aktin e presidentit Biden, që sipas palës turke:

ka shkaktuar një plagë në marrëdhëniet mes të dyja vendeve që është e vështirë të riparohet

Media arabe po njoftojnë se SHBA do të shpallë së shpejti Libanin një shtet të paralizuar dhe të dështuar. Lajmi jepet fillimisht nga kanali televiziv saudit, Al Hadath, që citon burime diplomatike.

Administrata Biden do të negociojë me një qeveri të formuar nga libanezët e cila nuk përfshin Hezbollahun

citon media në fjalë burimet e veta.