Blloku Bota

Ish-presidenti amerikan, Donald Trump i është drejtuar një gjykate federale në Florida nga e cila kërkon që rrjeti social Twitter të rikthejë adresën e tij të mbyllur gjatë periudhës zgjedhore. Trump pretendon se kompania në fjalë çaktivizoi llogarinë e tij në muajin janar nën presionin e rivalëve të tij në Kongresin amerikan. Lidhur me situatën e re juridike, Twitter nuk ka pranuar të komentojë. Vendimi për mbylljen e llogarisë së Trump nga Twitter u pasua nga vendime të ngjashme nga Facebook dhe Google, të cilat edhe këto janë paditur nga ish-presidenti amerikan.

Sipas Trump:

Çmimet evropiane të gazit arritën nivelet më të larta të të gjitha kohërave të premten pasi Rusia reduktoi furnizimin, duke sinjalizuar presione të mëtejshme, në një kohë kur konsumatorët europianë duhet të përballen me nevoja të shtuara për shkak të sezonit të dimrit.

Në Hungari, opozita mbajti zgjedhjet, nga të cilat eurodeputetja Klára Dobrev fitoi raundin e parë të një gare për t'u bërë kandidatja e përbashkët për kryeministre të Hungarisë.

Ky votim është pjesë e një përpjekjeje të gjashtë partive të opozitës për një front të bashkuar që do të sfidojë kryeministrin Viktor Orban në zgjedhjet parlamentare të vitit të ardhshëm.

Dobrev, e cila është nënkryetare e Parlamentit Evropian, mori 214 319 vota - 34.8 përqind të totalit dhe e cilësoi rezultatin një "sukses historik".

Presidenti i Filipineve, Rodrigo Duterte, njoftoi tërheqjen nga planet për të kandiduar për zv.president në zgjedhjet e vitit të ardhshëm. Duterte tha se do të tërhiqet nga politika pasi të përfundojë mandatin aktual, raporton Al Jazeera.

Në vend dhe me “bekimin” e tij, për postin e zëvendëspresidentit do të kandidojë ish-bashkëpunëtori i vjetër dhe senatori Bong Go.

Dje media të ndryshme ndërkombëtare raportuan për zgjidhjen e përkohshme të të ashtuquajtura tensione mes Serbisë dhe Kosovës për target e automjeteve. Marrëveshja është arritur nën mbikëqyrjen dhe ndërmjetësimin e BE dhe SHBA dhe ajo parashikon një rol të KFOR në kalimet kufitare.

Mes zërave që janë prononcuar për këtë situatë është edhe I diplomatit të lartë amerikan Gabriel Ecosbar i cili ndër të tjera ka pohuar se:

Shpejtësia e rritjes së tensioneve ishte disi befasuese

Një pilulë antivirale duket premtuese në luftën kundër Covid-19. Molnupiravir, e prodhuar nga Merck & Co ka rezultuar efektive në reduktimin e shtrimeve në spital dhe mortalitet, duke i ulur këto me 50%. Rezultatet premtuese të dala nga fazat e fundit të testeve klinike kanë bërë që gjiganti i farmaceutikës dhe partneri Ridgeback Biotherapeutics LP të ndalojnë studimin dhe bëhen gati për të kërkuar autorizim për përdorimin emergjent të ilaçit nga SHBA.

Një krizë e energjisë që po kalon Kina rrezikon rritjen e çmimit të ushqimit në të gjithë botën. Mbledhja e prodhimit në prodhuesin kryesor bujqësor vjen në një kohë kur ekonomia numër 2 e botës po përballet me mungesa të energjisë në qendrat industriale që kërcënojnë të ngadalësojnë rritjen. Ndër më të goditurat janë provincat verilindore si Jilin, Liaoning dhe Heilongjiang - ku rritet rreth gjysma e misrit dhe sojës që prodhon vendi.

Ish-presidenti francez, Nicolas Sarkozy, është dënuar me 1 vit burg, pasi u shpall fajtor për financimin ilegal të fushatës së tij elektorale në 2012. Akuza ndaj Sarkozy ishte se ka shpenzuar rreth 22.5 milionë euro - gati dyfishi i shumës maksimale që lejon ligji - për fushatën e tij të rizgjedhjes në 2012, kur humbi përballë Francois Hollande.

Studiuesit izraelitë po përqendrohen në një fenomen që dyshohet se është efekt anësor i vaksinës kundër Covid-19. Ajo që nisi si një raportim i grave të vaksinuara në rrjetet sociale, mori përmasa të tilla saqë një studim i ri do të duhet t’i japë përgjigje. Në shkurt, menjëherë pasi gratë në moshë për të lindur fëmijë filluan të marrin dozën e dytë, shumë prej tyre postuan në mediat sociale se po përjetonin ndryshime në ciklin menstrual menjëherë pas injeksionit, të tilla si parregullsi dhe gjakderdhje të shtuar. Gra të tjera raportuan se u ishte rikthyer cikli vite pas menopauzës.

Vendimi i Youtube për të mbyllur dy kanalet në gjuhën gjermane të RT, një media e financuar nga qeveria ruse, është kundërshtuar ashpër nga kjo e fundit. Përmes zëdhënëses së Ministrisë së Jashtme Maria Zakharova, Rusia denoncoi vendimin e YouTube, duke e cilësuar një “akt agresioni të paparë informacioni” dhe një “manifestim të dukshëm të censurës dhe shtypjes së lirisë së shprehjes”. Zakharova paralajmëroi si kundërpërgjigje mbylljen e mediave gjermane në Rusi.