Blloku Bota

Irani ka asistuar militantët e Hamasit për arsenalin e armëve që u bëri të mundur të godasin shënjestrat brenda Izraelit. Drejtues të lartë të Hamasit mendohet të kenë bërë vizita të shpeshta në Iran, ku janë trajnuar për prodhimin dhe përdorimin e sistemeve të sofistikuara të armëve si edhe objektet e prodhimit të raketave, të kontrolluara nga Trupat e Gardës Revolucionare.

Në këtë pikë, sipas agjencive perëndimore të inteligjencës, ka qenë kyç roli i gjeneralit iranian, Qaseem Soleimani.   

Kriza politiko-ekonomike në Liban ka njohur një tjetër shfaqje në një sektor jetik si furnizimi me energji elektrike. Kompania turke, Karpowership ka ndërprerë furnizimin me energji pas 18 muajsh vonesë në pagesë nga qeveria ndërkohë që mbulon ¼-ën e sektorit. Sipas kompanisë qeveria libaneze i detyrohet 100 milionë dollarë, ndërkohë që nga ana tjetër ndaj saj ka akuza për korrupsion.

Karpowership ofron 370 megavatë energji nga 2 200 që është prodhimi total në Liban.

Kryeministri i Italisë ka vendosur të heqë dorë nga rroga. Vendimi është komentuar më shumë si populist nëse marrim parasysh faktin se Mario Draghi merr dy pensione shtetërore dhe ka pronësi të pjesshme mbi 10 shtëpi.

Politikanët italianë janë të detyruar të publikojnë deklaratat e tyre tatimore. Si kryeministër i Italisë, paga e Draghi-t është 110 000 €.

Sipas deklaratës së pasurisë të vitit 2020, Draghi ka fiituar të ardhura bruto prej 583 470 € në vitin 2019.

Ditët e fundit, në Indi, autoritetet shëndetësore dhanë alarmin se një lloj infeksioni i njohur si “kërpudha e zezë” po shfaqej te pacientët me Covid dhe ata që janë shëruar prej tij. Raste të tilla, që njihen ndryshe edhe si mukormikoza u vunë re sidomos te pacientët Covid me diabetin si sëmundje bashkëshoqëruese.

Kryeministri i Maqedonisë së Veriut, Zoran Zaev, thekson se anëtarësimi i vendit në NATO e ka shndërruar marrëdhënien me Greqinë në një aleancë. Në një intervistë dhënë për gazetën greke “Kathimerini”, Zaev ka vlerësuar rolin e Athinës në patrullimin e qiejve të Maqedonisë, ndërkohë që e ka cilësuar Marrëveshjen e Prespës si një hap që ka hequr pengesat e një bllokade 30 vjeçare.

Autoriteti antitrust në Itali ka gjobitur me 102.8 milion € në Google për shkelje të konkurrencës.

Autoriteti i Konkurrencës dhe Tregut (AGCM), gjoba erdhi për shkak se Google nuk pranoi t’i lejonte kompanisë Enel X Italia të zhvillonte një version të aplikacionit të saj JuicePass të pajtueshëm me Android Auto. Aplikacioni u lejon përdoruesve të gjejnë dhe rezervojnë një vend në një stacion rimbushjeje për automjetet elektrike.

Ish-presidenti i Iranit, Mahmoud Ahmadinejad ka njoftuar se do të marrë sërish pjesë në zgjedhjet e reja që mbahen në vend në muajin qershor.

Njerëzit duhet të përfshihen në procesin vendimmarrës të Iranit. Ne të gjithë duhet tqë përgatitemi për reforma themelore

është shprehur ai pasi ka përfunduar regjistrimin për në zgjedhje.  

Rregullatori kryesor i mbrojtjes së të dhënave të Gjermanisë për Facebook i ka ndaluar rrjetit social të përdorë të dhënat e përdoruesve të WhatsApp. Vendimi ka ardhur për shkak të polemikat të fundit mbi privatësinë e aplikacionit të mesazheve, të cilat autoriteti beson se janë të paligjshme.

Masa pason debatin që u hap në Hamburg pasi WhatsApp u kërkoi përdoruesve të pajtoheshin me kushtet e reja ose të ndalonin përdorimin e tij. WhatsApp ka pothuajse 60 milionë përdorues në Gjermani.

Përfaqësuesi i Lartë i BE-së, Josep Borrell, ka ftuar në një darkë pune përfaqësuesit e lartë politië nga vendet e Ballkanit Perëndimor. Sipas mediave serbe që referojnë lajmin, raportohet se Borrell e ka bërë ftesën pas diskutimeve me ministrat e Jashtëm të vendeve anëtare pas të cilit ka cilësuar se:

Ballkani Perëndimor është një problem i madh gjeopolitik

 Sipas Borrell ka probleme të tjera, që tejkalojnë rajonin e që nuk kanë të bëjnë vetëm me procedurat e anëtarësimit të tyre në BE dhe pavarësisht tyre.

Anëtarët në shërbim të ushtrisë franceze i kanë dërguar një letër presidentit Macron, duke e akuzuar si "frikacak, mashtrues dhe pervers".