Blloku Bota

Një fund që pritej për shkak të gabimeve të shumta. Kështu e quan tërheqjen e turpshme amerikane nga Afganistani, ish-këshilltari i Sigurisë i Presidentit amerikan, Trump, gjenerali H.R. McMaster. Në një intervistë për gazetën greke “Kathimerini” ai thekson se lufta nuk ka mbaruar dhe se herët apo vonë, bota do të merret sërish me Talibanin. 

***
 

Talebanët kanë paralajmëruar sot për pasoja nëse SHBA nuk përmbush zotimin e vet për tërheqjen e trupave ushtarake nga Afganistani deri më 31 gusht të këtij viti. Një zëdhënës i lëvizjes ka folur për Sky News ku është shprehur se afati përbën vijën e kuqe.

Presidenti Biden njoftoi se më 31 gusht ata do të tërheqin të gjitha forcat ushtarake. Kështu që nëse ata e zgjasin këtë do të thotë se ata po zgjasin pushtimin ndërkohë që nuk ka nevojë

Numri në rritje i rasteve të koronavirusit po e detyron Zelandën e Re t’u kthehet masave kufizuese.

Mes tyre edhe distancimi social. Ministri i posaçëm për situatën e Covid-19, Chris Hipkins, iu drejtua neozelandezëve me apelin për të respektuar distancën sociale, në një mënyrë të pazakontë: duke hapur këmbët kur dalin në ambiente të hapura.   

"Mund të jetë një sfidë për njerëzit në zonat me densitet të lartë të dalin jashtë dhe të hapin këmbët kur janë të rrethuar nga njerëz të tjerë", tha ai.

Menjëherë pasi trupat sovjetike hynë në Afganistan në 1979, M16 dërgoi një nga agjentët e tyre më të mirë të rinj në një mision rekrutimi special. Ndërsa Moska përpiqej të mbështeste regjimin komunist të Kabulit, Perëndimi pa një shans për ta bërë atë Vietnamin e Kremlinit. Detyra e agjentit ishte të gjente "Napoleonin" e Afganistanit: një komandant që mund të bashkonte fiset e tij në luftën guerile dhe t'i udhëhiqte ata më pas drejt një qeverie.

Spanja është vetëofruar për t’u bërë pika hyrëse e afganëve që ikin nga regjimi i talebanëve. Më pas ata do të shpërndahen në vende të tjera të BE-së, nën premtimin dhe presionin e Gjermanisë për të marrë pjesë në procesin e evakuuimit. Të enjten një avion me 36 afganë në bord zbriti në Madrid, duke hapur rrugën për një korridor kalimi. 

Spanja është porti hyrës. Ne i presim ata për pak ditë dhe nga këtu do të shpërndahen në vende të ndryshme të BE-së

Para se SHBA të hynte në Afganistan në vitin 2001, rreth 82 mijë hektarë kultivoheshin me lulekuqe, bima nga e cila prodhohet opiumi, i cili mund të shndërrohet në heroinë dhe opiate të tjera. Sipas OKB-së, sipërfaqja që kultivohet aktualisht është rreth 224 000 hektarë, pra pothuajse është trefishuar.

Një dokumentar i BBC-së mbi manjatin e mediave, Rupert Murdoch, ka rezultuar korrekt në pjesën më të madhe të tij, pas pretendimeve të ngritura nga personazhi kryesor për mënyrën sesi është paraqitur në të. Debati mes Murdoch dhe BBC-së mbi dokumentarin me titull “Ngritja e dinastisë Murdoch”, me tre pjesë, ka nisur që në transmetimin e pjesës së parë, në korrik të vitit 2020. Murdoch pati thënë në atë kohë se seria e dokumentarëve "nënkuptonte se ai përbënte një kërcënim për demokracinë liberale".

Rregullatori i ilaçeve në Indi i ka hapur dritën jeshile përdorimit emergjent të vaksinës së parë me ADN kundër koronavirusit. ZyCov-D do t’u jepet të rriturve dhe fëmijëve të moshës 12 vjeç e lart. Vaksina e re përdor një pjesë të materialit gjenetik të marrë nga virusi, e cilia udhëzon ADN ose ARN e të vaksinuarit për të prodhuar një proteinë specifike, të cilën sistemi imunitar e njeh dhe di si t’i përgjigjet. Ndryshe nga vaksinat e tjera, ZyCoV-D jepet në tri doza.

Media të ndryshme raportojnë mbërritjen në Kabul të bashkëthemeluesit të lëvizjes talebane, Mullah Abdul Ghani Baradar. Sipas të dhënave në fjalë, Baradar ka nisur diskutimet me faktorë të ndryshëm politikë në vend për krijimin e një qeverie që po cilësohet si “përfshirëse”, një cilësim që po theksohet si dallim me qeverisjen e vieve 1996-2001.

Kancelarja gjermane Angela Merkel ka zhvilluar një vizitë para fundit të mandatit të saj në Moskë, ku është pritur nga presidenti rus Vladimir Putin. Ceremonia e pritjes ka patur një surprizë për Merkel të cilës Putin i ka dhuruar një tufë me lule, në shenjë respekti dhe lamtumire. Lidhur me axhendën e takimit, mediat raportojnë se Merkel ka kërkuar ndihmën e Moskës për ndërmjetësim te talebanët për lejimin e evakuuimit të aleatëve afganë të Perëndimit.