Blloku Bota

Turqia dhe Egjipti kanë rënë dakord që të nisin bisedimet për normalizimin e marrëdhënieve diplomatike që kanë pësuar thyerje gjatë tetë viteve të fundit. Media të ndryshme raportojnë se zyrtarë nga të dy vendet do të takohen sot dhe nesër në Kajro dhe siç thuhet delegacioni turk drejtohet nga zv.ministri i Jashtëm Sedat Onal.

Këto bisedime hulumtuese do të përqendrohen në hapat e nevojshëm që mund të çojnë drejt normalizimit të marrëdhnënieve mes të dyja vendeve në planin dypalësh dhe atë rajonal

Përfaqësuesi Special i BE për Dialogun Kosovë-Serbi, Miroslav Lajçak, thotë se i ashtuquajturi "non paper" nuk është asgjë e re. Lajçak thotë se ai është kategorikisht kundër ndryshimit të kufijve, duke shtuar se propozimi në formën e një dokumenti jozyrtar, që parashikon ndryshime në kufijtë e Ballkanit, është gjithashtu një ide e rrezikshme që provokon luftë.

SHBA mund të pendohet për tërheqjen e trupave nga Afganistani. Gjenerali David Petraeus, ish-komandant i forcave amerikane në Irak dhe Afganistan dhe ish-drejtor i CIA-s e sheh të nxituar vendimin e presidentit amerikan Joe Biden për të tërhequr trupat nga Afganistani.

Pas drafteve të publikuara ditë më parë për rishikim kufisjh në Ballkan, edhe Republika Srpska në Bosnje - Hercegovinë bën me dije se ka variante të vetat gati. Anëtari serb i presidencës boshnjake, Milorad Dodik, ka deklaruar para gazetarëve në Banja Luka se edhe pala serbe ka viariante të tilla në sirtar në mënyrë që siç tha ai:

kur të vendosim do t’ua dërgojmë të gjithëve

Shtatë demokracitë më të pasura diskutojnë sot mënyrën se si do të përballen sfidat si Kina dhe Rusia.

I themeluar në 1975 si një forum për vendet më të pasura të Perëndimit për të diskutuar kriza të tilla si embargoja e naftës OPEC, G7 po debaton mbi këto dy vende, por edhe mbi pandeminë COVID-19 dhe ndryshimin e klimës.

"Nuk është qëllimi ynë të përpiqemi të kufizojmë Kinën", tha sekretari i Shtetit, Antony Blinken, të hënën para takimit të parë të ministrave të Jashtëm të G7 që nga viti 2019.

Kreu i grupit parlamentar të PPE, Manfred Weber, thotë se BE u shfaq e ndarë dhe e dobët gjatë vizitës së dy presidentëve të saj në Ankara. Lidhur me marrëdhëniet e kësaj të fundit me BE-në, Weber thotë se ajo "po largohet" nga vlerat evropiane dhe se nuk ka arsye që për momentin të nisë një axhendë pozitive. Kreu i eurodeputetëve të djathtë në PE i bëri këto komente në një intervistë me greken "Kathimerini". 

Charlie Munger, zv.kreu i Berkshire Hathaway, konglomerati në pronësi të Warren Buffet, e shpreh hapur kundërshtimin ndaj Bitcoin, monedha elektronike që ka njohur sukses të madh sidomos kohët e fundit.

Perëndimi mund të përballet me kërcënimin që paraqet teknologjia. Kreu i agjencisë së inteligjencës GCHQ, Jeremy Fleming, thotë se ekziston mundësia që teknologjitë kryesore në të cilat ne mbështetemi të mos formësohen nga Perëndimi. "Na duhet të evoluojmë qasjen tonë, nëse duam të ruajmë këtë ritëm", tha ai duke iu referuar sfidës që paraqet Kina në këtë drejtim.

Sipas tij, qytetet inteligjente (smart cities), të cilat do të mbledhin sasi të mëdha të dhënash, janë vetëm një shembull.

India ka thyer rekordin negativ të pandemisë së CoVid-19 me një numër vdekjesh ditore që ka kapur shifrën e 3689 njerëzish dhe infektime që kapin numrin e 392 488 në 24 orë. Të shtunën numri i të infektuarve u shtua me 401 993 njerëz. Në total India ka regjistruar 19.56 milionë të infektuar me numër të përgjithshëm të vdekurish 215 542 njerëz.

Situata me infektimet ka vazhduar për më shumë se 10 ditë me 300 000 njerëz të prekur çdo 24 orë duke çuar në krizë tërësore sistemin spitalor dhe atë të shërbimit mjekësor.

Zëvendës Presidenti i Turqisë, Fuat Oktay ka interpretuar njohjen e Genocidit Armen prej SHBA me dy arsye kryesore.

Sipas tij, SHBA po përpiqet të rikthehet në skenën ndërkombëtare dhe së dyti për këtë deklaratë presidenti Joe Biden ka edhe arsye të brendshme.

Unë besoj se ai është duke u përpjekur për të përdorur një fenomen të till si një instrument rikthimi në një pjesë të botës. dhe unë besoj fuqimisht se këto dy arsye janë tërësisht të gabuara për të dhe politikën e jashtme të SHBA