Blloku Bota

Një tjetër varrezë zbulohet pranë një ish-shkolle të kishës katolike në Kanada. Një grup indigjen në provincën Saskatchewan të Kanadasë gjeti 751 varre të pashënuara, vetëm pak javë një zbulimi të ngjashëm në British Columbia, që tronditi vendin dhe nxiti kryeministrin Justin Trudeau të kërkojë që në historinë e Kanadasë të njihet "racizmi sistemik", raporton "The Guardian".

Marrëdhëniet mes BE-së dhe Hungarisë tensionohen sërish në prag të samitit europian të Brukselit. Shkak është bërë një ligj që Hungaria miratoi për homoseksualitetin. Nga njëra anë janë 17 krerë shtetesh që në një deklaratë të përbashkët dënojnë çdo formë diskriminimi me bazë seksualitetin, ndërsa nga ana tjetër Viktor Orban, i cili sapo ka mbërritur në Bruksel ngul këmbë  se nuk ka ndërmend ta tërheqë ligjin, të cilin e konsideron aspak diskriminues.

Sipas tij, ligji nuk është kundër homoseksualëve, por “një ligj që mbron prindërit dhe fëmijët”.

Gazeta më e zëshme pro demokracisë në Hong-Kong, “Apple Daily”, doli në treg këtë të martë për herë të fundit.  Tërheqja e saj nga tregu vjen pas një viti të stuhishëm, përgjatë të cilit pronari i saj dhe një pjesë e stafit u arrestuan sipas një ligji të ri të vendosur nga Pekini për sigurinë kombëtare në Hong Kong dhe për pasuritë e tij të ngrira.

Tajvani e dënoi mbylljen e gazetës, duke e cilësuar si "shtypje politike" të mediave të qytetit që drejtohet nga Kina dhe zile alarmi për lirinë e fjalës dhe medias.

Gaboni bëhet vendi i parë afrikan që merr pagesa për uljen e emetimeve të karbonit duke mbrojtur pyjet e tij. Nisma e Pyjeve të Afrikës Qendrore (CAFI) e mbështetur nga Kombet e Bashkuara i dha këtij vendi 17 milionë dollarë, kësti i parë i një marrëveshjeje prej 150 milionë dollarësh, e arritur në 2019.

Gati 90% e Gabonit është e mbuluar nga pyjet, të cilat thithin më shumë karbon sesa çliron vendi.

Pyjet e shiut janë jetike për thithjen e dioksidit të karbonit, që sjell si pasojë ngrohjen e klimës.

Rusia ka bërë të ditur se strategjia e saj e politikës bërthamore mbetet mbrojtëse dhe se ajo e konsideron atë një element të stabilitetit strategjik. Gjatë fjalës së vet në Konferencën Ndërkombëtare të Sigurisë në Moskë, shefi i Shtabit të ushtrisë ruse, Valery Gerasimov ka deklaruar se:

Dokumenti konfirmon parashikimet e Doktrinës Ushtarake se politika bërthamore jona është tërësisht mbrojtëse

Media të ndryshme raportojnë për një incident të rëndë në ujërat e Detit të Zi, teksa një anije patrulluese ruse dhe një avion gjuajtës kanë kryer qitje paralajmëruese ndaj një destrojeri britanik, HMS Defender. Autoritetet ruse njoftojnë se incidenti ka ndodhur pranë Kepit Fiolent në jug të Krimesë dhe sipas tyre mjeti lundrues britanik kishte hyrë në ujërat territoriale ruse.

Një anije patrulluese qëlloi dy herë dhe një avion Sukhoi 24-M lëshoi katër bomba në itinerarin e destrojerit britanik

Fuqitë botërore mblidhen sot në Berlin për të diskutuar mbi Libinë, një takim i organizuar nga OKB.

Përfaqësuesit e qeverisë së përkohshme të Libisë do të takohen me sekretarin amerikan të Shtetit, Antony Blinken, si dhe me ministrat e Jashtëm të disa prej vendeve më të fuqishme të botës.

Takimi i sotëm pason atë të janarit të vitit të kaluar, po në Berlin, mbi të njëjtën temë.

Rusia ka sinjalizuar se është e gatshme të diskutojë me Perëndimin rreth situatës në Siri, nëse do të njihet ekzistenca e problemeve reale në këtë vend. Ftesa është bërë nga ministri i Jashtëm rus, Sergey Lavrov pas bisedimeve që zhvilloi me sekretaren e Përgjithshme të OSBE-së, Helga Schmid.

Kina bëhet vendi i parë në botë që miraton një kriptomonedhë si monedhë zyrtare. Qeveria e Kinës njoftoi se firma e përzgjedhur për blerjen dhe tregtimin e monedhës së re është YuanPay Group. Shitjet e monedhës së Kinës filluan zyrtarisht 21 qershor të vitit 2021 dhe aktualisht këto monedha mund të blihen vetëm nga YuanPay Group.

Zëvendësministri kinez i Financave, Liu Kun, tha se vlera e monedhës së re është vetëm 0,12 jen.

Në Gjermani është hapur së fundmi një muze që përkujton 14 milionë refugjatët gjermanë që ikën lanë shtëpitë e tyre në përfundim të Luftës së Dytë Botërore. Në përurimin e Qendrës për Ikjen, Dëbimin, Pajtimin, hapur më 21 qershor 2021, ka qenë kancelarja Angela Merkel, duke theksuar kështu rëndësinë politike të projektit në fjalë.