Blloku Bota

Ish-presidenti i Zimbabvesë ka qenë një nga liderët më jetëgjatë në pushtet. Ai qeverisi për plot 37 vjet, kohë gjatë së cilës akuzat ndaj tij për korrupsion kanë qenë të shpeshta.  

Një hetim i BBC Panorama ka gjetur prova që sugjerojnë se një nga kompanitë më të mëdha britanike i ka dhënë ryshfet Robert Mugabes.

Dokumentet tregojnë se British American Tobacco (BAT) ishte përfshirë në negociata për të paguar midis 300 000 dhe 500 000 mijë dollarë për partinë e Mugabe-s, Zanu-PF, në 2013.

Kreu i Al-Qaidas Ayman al-Zawahri është shfaqur sot në një video në 20-vjetorin e sulmeve të 11 shtatorit 2001.

Jeruzalemi nuk do të judaizohet kurrë

shprehet ndër të tjera al-Zawahri.

Në media të ndryshme kanë ngritur dyshime mbi kohën e regjistrimit të videos, pasi lideri i al-Qaidas mendohet se ka muaj që ka vdekur.

Autoriteti i Popullsisë dhe Imigrimit i Izraelit u ka refuzuar apelin 51 anëtarëve të komunitetit hebraik izraelit për një urdhër dëbimi të lëshuar për ta prillin e kaluar. Urdhri në fjalë i njoftonte ata të largoheshin nga Izraeli brenda 14 ditëve.

Komuniteti në fjalë pritet ta apelojë vendimin në një gjykatë të çështjeve administrative në Be’er Sheva.

Qeveria britanike anuloi planet për pasaportën e vaksinës si kusht i detyrueshëm për të hyrë në mjedise të mbyllura në Angli. Njoftimi u bë nga vetë ministri i Shëndetësisë, Sajid Javid.

"Jam i lumtur t’u vë në dijeni se nuk do t'i vijojmë më tej planet për pasaportat e vaksinave”, i tha ai BBC-së.

Plani, i cili pritej të hynte në fuqi në fund të shtatorit, do të bënte të detyrueshme pasaportat e vaksinimit për britanikët që hyjnë në mjedise publike të mbyllura - siç p.sh. klubet e natës.

FBI ka publikuar një dokument të sapo deklasifikuar që flet për lidhjet midis qytetarëve sauditë në SHBA dhe dy prej sulmuesve të 11 shtatorit.

Të afërmit e viktimave kanë kërkuar prej kohësh publikimin e dosjeve, duke argumentuar se zyrtarët sauditë kishin njohuri paraprake, por nuk u përpoqën të ndalonin sulmet.

Megjithatë, dokumenti nuk jep dëshmi se qeveria saudite ishte e lidhur me komplotin e 11 shtatorit.

Pesëmbëdhjetë nga 19 rrëmbyesit e avionëve ishin shtetas sauditë.

SHBA u konsultua me aletatë europianë për Afganistanin. Këtë ka deklaruar në një intervistë për New York Times, sekretari i Përgjithshëm i NATO-s, Jens Stoltenberg i cili megjithatë kë lënë të kuptohet se vendimet kanë qenë individuale.

Sigurisht që SHBA u konsultua me aleatët europianë, por në fund të ditës çdo shtet duhet të marrë vendimet e veta për dislokimin e forcave

ka thënë ai.

Presidenti ukrainas Volodymyr Zelenskiy nuk e përjashton një luftë frontale me Rusinë për shkak të separatizmit të rusëve në Ukrainën Lindore. I pyetur në samitin Yalta European Strategy, Zelensky është përgjigjur se:

Po, gjasat e një lufte me Rusinë janë

Është gjëja më e keqe që mund të ndodhë por për fat të keq mundësia ekziston

ka shtuar ai.

Ministria greke e Shëndetësisë ka deklaruar sot se do të jetë e pamëshirshme  me individët që falsifikojnë certifikatën e vaksinimit kundër CoVid-19. Zëvendësministrja Mina Gaga është shprehur qartë pas një takimi me zyrtarët rajonalë të shëndetit në Selanik se:

Certifikatat false janë një problem që është acarues shumë. Mendoj se ka një numër shumë të vogël tani dhe këto do të verifikohen. Do të ndërmerren veprime legale në ato raste kur konfirmohet mashtrimi dhe do të jenë të pamëshirshme

Ndërsa qeveritë nxisin vaksinimin përmes fushatave masive apo edhe detyrimit me ligj, protestat e të ashtuquajturve no vax vijojnë në shumë vende të Europës dhe botës. Një nga furnizuesit kryesorë të botës me doza vaksine anti-Covid, Pfizer Biontech po e shtrin imunizimin edhe te fëmijët e moshave të vogla.

Prokurori i Përgjithshëm Federal i Karlsruhe ka hapur një hetim mbi sulmet e hakerëve në fushatën zgjedhore gjermane nga Rusia. Lajmi u konfirmua nga një zëdhënës i zyrës së prokurorit për Spiegel.

Prej muajsh, grupi i hakerëve "Ghostwriter" është përpjekur të hyjë në email-et private të anëtarëve të Bundestagut dhe Landestagut (Dhoma e Rajoneve).

Dyshimet janë se, autoritetet ruse të sigurisë dhe shërbimet sekrete ushtarake të GRU janë pas këtyre sulmeve. Në veçanti, deputetët e koalicionit qeveritar CDU-CSU dhe SPD kanë përfunduar në shënjestrën e hakerave.