Blloku Bota

Bullgaria do të dërgojë trupa në kufi, për të penguar hyrjen e emigrantëve të paligjshëm. Ministri bullgar i mbrojtjes, Georgi Panajotov tha se një kontigjent prej 400 ushtarësh të pajisur me pajisje të specializuara për mbrojtjen e kufijve tokësorë dhe detarë është nisur drejt kufijve me Turqinë dhe Greqinë, shkruan faqja polake e lajmeve Onet.pl, e cituar nga EuObserver. Në total, 700 ushtarë pritet të mbështesin mbi 1.000 oficerë të policisë kufitare.

Parlamenti i Serbisë dhe i Republikës Srpska kanë arritur një marrëveshje për adoptimin e një ligji të harmonizuar “Mbi mbrojtjen e gjuhës serbe në jetën publike dhe mbrojtjen dhe ruajtjen e alfabetit cirilik”. Sipas mediave serbe ligji do të kalojë më 15 shtator që përkon me Ditën e Unitetit, Lirisë dhe Flamurit. Parashikimet e ligjit që iu dorëzuan dje nga presidenti i Serbisë, Vuçiç, anëtarit serb të presidencës boshnjake, Milorad Dodik kanë për synim kryesor ushqimin, ruajtjen dhe promovimin e alfabetit cirilik si një pikë e fortë e identitetit serb.

Ka ndërruar jetë Akis Tsochatzopoulos, ish-ministri i Mbrojtjes të Greqisë në vitet 1996-2001 dhe një nga figurat më të njohura të socialistëve grekë.

Ekspozimi ndaj ndotjes së ajrit lidhet direkt me rritjen e ashpërsisë së sëmundjeve mendore. Një studim i kryer në Londër analizoi të dhënat e 13 mijë banorëve të kryeqytetit britanik dhe arriti në përfundimin se një rritje relativisht e vogël e ekspozimit ndaj dioksidit të nitrogjenit çon në një rritje prej 32% të rrezikut për të pasur nevojë për trajtim me bazë komunitare dhe një rritje prej 18% të rrezikut të pranimit në spital.

Studiuesit thonë se këto gjetje mund të vlejnë për shumicën e qyteteve në vendet e zhvilluara.

Kreu politik i Talibanit, Mullahu Abdul Ghani Baradar ka dhënë një intervistë së fundmi përmes së cilës ka përcjellë disa mesazhe edhe për Perëndimin dhe opinionin perëndimor. Sipas tij femrat dhe pakicat do të trajtohen sipas interpretimit të Sheriatit, ndërkohë që Afganistani nuk do të jetë më parajsa e terroristëve që kryejnë sulme jashtë. Sa i përket tërheqjes së trupave amerikane nga Afganistani Baradar ka cilësuar se "kjo lëvizje është në interesin më të mirë të popullit amerikan".

Presidenti i SHBA, Joe Biden i është drejtuar dje kombit pas sulmeve terroriste në Kabul ku mbetën të vrarë dhjetëra persona me stë cilëve edhe ushtarakë amerikane.

Atyre që kryen këto sulme, sikundër kujtdo që dëshiron të dëmtojë Amerikën, të dinë këtë – ne nuk do të falim, nuk do të harrojmë dhe do t’u kapim dhe do t’iu bëjmë të paguani

tha ndër të tjera Biden.

Qëkur talebanët morën pushtetin në Afganistan, në mediat sociale janë publikuar shumë foto, disa prej të cilave kanë qenë false, të vjetra apo të nxjerra nga konteksti. France Observer ka verifikuar disa prej tyre.

Ashraf Ghani që arratiset

Gazsjellësi i shumëpërfolur “Rryma Veriore 2” do t’i nënshtrohet rregullave europiane të antitrustit. 
Gjykata e Lartë Rajonale e Dyseldofit në Gjermani ka rrëzuar një ankesë të operatorëve të mbështetur nga Gazpromi rus duke përcaktuar kështu detyrimin që prodhuesit, transportuesit dhe shpërndarsit të ndahen në mënyrë që të sigurohet konkurencë e ndershme në treg. 

Në Serbi ka një debat të ri në lidhje me reformën në kurrikulat shkollore. Debati është përqendruar në lëndën e historisë, reformimi i të cilës po kundërshtohet me anë të një peticioni të firmosur deri tani nga 1500 persona. Ajo që po kundërshtohet nga grupet e interesit është braktisja e parimit kronologjik të të mësuarit, duke kaluar në parimin tematik.

Kriza e refugjatëve në kufijtë e Bjellorusisë me vendet baltike dhe Poloninë po gjenerohet nga Minksu. Sekretari i Përgjithshëm i NATO-s, Jens Stoltenberg, në një intervistë për polaken “Rzeczpospolita”, thotë se do të dëgojë në Lituani një grup eskpertësh për të vlerësuar situatën.