Blloku Bota

Mediat ukrainase raportojnë se ushtria po bëhet gati për të pritur një sulm nga Bjellorusia. Gjeneral lejtnanti, Serhii Naiev është shprehur se po merren masa për të siguruar që trupat janë në numrin e duhur, me mjetet e duhura dhe potencialin luftarak të nevojshëm, pasi sipas tij: 

Vendi po përgatitet për një sulm të mundshëm nga Bjellorusia

Koordinatori për komunikimin Strategjik në Këshillin Kombëtar të Sigurisë së SHBA, John Kirby, ka deklaruar gjatë një interviste për CNN se shanset për një konflitkt direkt me Rusinë, janë shumë të larta aktualisht.

Kjo nuk ka dyshim që rreziqet janë shumë të larta

citohet ai.

Presidenti rus, Vladimir Putin, ka deklaruar se Rusia është e gatshme të nisë furnizmin me gaz të Europës përmes linjës së mbetur të gazsjellësit Nord Stream 2. Duke folur në Javën Ruse të Energjisë, Putin ndër të tjera citohet të jetë shprehur se: 

Shërbimet sekrete ruse kanë deklaruar se janë në dijeni të autorëve që qëndrojnë pas sulmit mbi urën e Krimesë.

Organizatori i sulmit terrorist mbi urën e Krimesë është Drejtoria kryesore e Inteligjencës së Ministrisë së Mbrojtjes së Ukrainës dhe lideri i saj, Kyrylo Budanov

thuhet në njoftimin e FSB-së ruse.

Presidenti amerikan Joe Biden ka ndërruar mendje. Prapë. Në një intervistë për CNN, Biden tha se ai nuk beson se presidenti rus, Vladimir Putin do të përdorë armë bërthamore taktike në Ukrainë.

Nuk e besoj. Mendoj se është e papërgjegjshme për Putin të flaës për këtë gjë, kjo ide që lideri i një prej fuqive kryesore të botës të thotë se mund të përdorë armë bërthamore taktike në Ukrainë

është shprehur ai.

Duke qëndruar te kjo çështje, Biden tha se Putin ka kryer krime lufte.

Ai po vepron brutalisht

Izraeli dhe Libani kanë arritur një marrëveshje që po quhet historike mbi hapësirën detare. Kryeministri izraelit, Yair Lapid ka deklaruar ndër te tjera se:

Kjo marrëveshje do të fuqizojë sigurinë e Izraelit, injektojë miliarda euro në ekonominë e Izraelit dhe sigurojë stabilitetin e kufirit tonë verior

Presidenti libanez, Michel Aoun ka njoftuar se varianti i propozouar nga i dërguari amerikan, Amos Hochstein ka kënaqur kërkesat e vendit të tij dhe shtoi se ai shpreson që ajo të njoftohet së shpejti.

Dy ditë pas sulmit në urën e Kerçit në Krime, Rusia është kundërpërgjigjur me sulme me raketa mbi disa qytete ukrainase. Kievi, Dniepri, Harkov, Zaporizhia, Kropivnitski, Kmelnitski, Zhitomir, Lviv dhe Ternopili kanë qenë objektiv i sulmit që mund të sinjalizojë një lloj të re beteje në këtë rajon.

Zëdhënësi i Presidentit turk, Ibrahim Kalin, ka deklaruar se presidenti rus, Vladimir Putin po kërkon një rregullim të ri me Perëndimin. 

Leximi ynë është se z. Putin do një Pazar të ri të madh, një marrëveshje të re me Perëndimin. Pjesërisht për Ukrainën, padyshim. Por çështja më e madhe është në fakt një marrëveshje e re. Moska ndjen se marrëveshjet e bëra në fund të Luftës së Ftohtë nën presidentët Gorbaçev dhe Jelcin nuk reflektojnë më Rusinë e sotme

Goditja e urës së Krimesë përbën në moment ndër më delikatët në konfliktin me Rusisë dhe Ukrainës. Në Moskë po kërkojnë kundërvëprim dhe hapur. 

Sergei Markov një politikan i lidhur me Putinin e ka cilësuar sulmin si shembull se ShBA ka vullnet të kalojë vijnë e kuqe. 

Senatori Konstantin Dolgov e cilësoi sulmin si akt terrorist dhe tregues të natyrës terroriste të regjimit të Kievit. 

Presidenti francez, Emmanuel Macron, ka bërë thirrja nga Praga që të bëhet kujdes kur flitet publikisht për çështje të tilla si lufta bërthamore. Ai ka marrë shkas nga deklaratat e presidenti amerikan Joe Biden që foli në Samit për mundësinë e një Amegadoni bërthamor për shkak të poshtërimit të Rusisë në Ukrainë, nisur nga fakti se ai “e njeh mirë Putinin”.

Ne duhet të flasim me kujdes kur komentojmë mbi çështje të tilla

citohet Macron.