Blloku Bota

Ish-sekretarja amerikane e Shtetit, Madeleine Albright, ka ndërruar jetë në moshën 84-vjeçare. Familja bëri të ditur se Albright ndërroi jetë si pasojë e një sëmundjeje të pashërueshme.

Sekretarja e parë e Shtetit grua në SHBA, Albright ndihmoi në drejtimin e politikës së jashtme perëndimore pas Luftës së Ftohtë.

Ajo ka qenë figurë qendrore në administratën e Presidentit Bill Clinton. Ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik në Kosovë.

Gjermania nuk është gati të shkëputet nga varësia e gazit rus. Kancelari Olaf Scholz tha në një fjalim në Bundestag se mjë ndalim i menjëhershëm i importeve ruse të energjisë do të shkaktonte një recesion ekonomik në Gjermani dhe në mbarë Evropën.

Ne do t'i japim fund kësaj varësie [nga nafta, qymyri dhe gazi rus] sa më shpejt që të mundemi, por ta bëjmë këtë nga një ditë në tjetrën do të thotë të zhysim vendin tonë dhe të gjithë Evropën në recesion

Media të ndryshme raportojnë se një ndër njerëzit e afërt të presidentit rus, Vladimir Putin, i dërguari për Klimën, Anatoly Chubais, ka dhënë dorëheqjen. Mediat deklarojnë se dorëheqja e tij dhe largimi nga Rusia lidhen me kundërshtimin e luftës në Ukrainë, një veprim ky që shenjon aktin e parë nga një zyrtar kaq i lartë i Kremlinit.

Si në çdo situatë problem kryesor që do të mbetet është narrativa, ajo që njerëzit besojnë, apo qëndrimi që ata marrin. Në luftën aktuale në Rusi, krijohet ideja se vetëm një pjesë e rusëve e kuptojnë atë që Putin po bën dhe se gjithë bota ose është kundër, ose qëndron neutrale. Deri më tani, argumenti bazë që e izolon Rusinë është sulmi mbi një vend sovran, por ky argument do të qëndrojë në këmbë si pjesë e shqetësimit publik deri në momentin kur sanksionet të kenë gjeneruar një faturë e cila tejkalon shkeljen e sovranitetit të një vendi.

India ishte ndër vendet që nuk e dënoi agresionin rus në Ukrainë, çka pasqyron edhe marrëdhëniet e saj të gjata me Moskën.

Lideri i demokracisë më të madhe në botë duket se e ka të vështirë të shqiptojë fjalën që ka dominuar titujt dhe ligjërimin diplomatik për gati një muaj.

Çështja e Ukrainës i ka kryesuar axhendat shumëpalëshe dhe dypalëshe që prej 24 shkurtit, por kryeministri indian Narendra Modi duket i vendosur ta shmangë këtë temë me çdo kusht.

Asnjë qytet nga 6 475 të tilla në të gjithë botë nuk përmbush standardet e cilësisë së ajrit. Pauza e pandemisë, e cila u reflektua me një “frymëmarrje” të qyteteve, sidomos atyre në zonat industrial, është pasuar nga një rritje e treguesve të ndotjes përgjatë vitit 2021.

Të dhënat e grumbulluara nga firma zvicerane, IQAir, një kompani e teknologjisë së ndotjes që monitoron cilësinë e ajrit bazuar në standardet e BSH-së, tregojnë tejkalim të normës.

Ambasadori i ri britanik në Athinë, Matthew Lodge, e cilëson ndërhyrjen ushtarake në Ukrainë një "sipërmarrje e shëmtuar dhe barbare e Vladimir Putin". Në një intervistë për greken “Kathimerini”, Lodge thotë se sanksionet që Perëndimi ka vendosur deri tani mund të mos jenë të mjaftueshme, ndërsa parashikon fundin e luftës në Ukrainë me dështimin e Putinit.  

Ministrat e Jashtëm të BE-së kanë arritur një marrëveshje politike për të asistuar Ukrainën me 500 milionë euro të tjera armë dhe pajisje ushtarake.

Kryediplomati i bllokut, Josep Borrell, riafirmoi unitetin e bllokut kundër Rusisë, duke u zotuar të vazhdojë të gjitha llojet e mbështetjes për vendin e goditur, duke përfshirë mbështetjen financiare, humanitare dhe ushtarake.

Presidenti ukrainas, Volodymyr Zelenskyy, ka bërë thirrje përsëri për bisedime të drejtpërdrejta me homologun e tij rus Vladimir Putin, duke thënë se ai është gati për një kompromis për t'i dhënë fund luftës gati njëmujore që ka shkaktuar një krizë të paprecedentë refugjatësh dhe ka shkatërruar qytetet e mëdha të Ukrainës.

Zelenskyy tha të hënën se statusi i territoreve të kontestuara në lindje të vendit mund të jetë temë për debat dhe se Kievi ishte i gatshëm të hiqte dorë nga ambiciet e tij për NATO-n në këmbim të tërheqjes së forcave ruse.

BE është e lëkundur në lidhje me sanksionet ndaj Rusisë në fushën e energjisë. Ndërkohë që konflikti në Ukrainë përshkallëzohet, një pjesë e vendeve kërkojnë shtimin e sanksioneve. BE dhe aleatët kanë vendosur tashmë një mori masash kundër Rusisë, duke përfshirë ngrirjen e aseteve të bankës së saj qendrore.