Blloku Bota

Autoritetet kineze kanë paralajmëruar për veprime të forta dhe efektive nëse drejtuesja e Kongresit amerikan, Nancy Pelosi viziton Tajvanin në kuadër të turit të vet aziatik.

Nëse Pelosi viziton Tajvanin, kjo do të shënonte një ndërhyrje të madhe në politikën e brendshme të Kinës dhe do të çojë në pasoja serioze. Ushtria Çlirimtare Popullore Kineze nuk do të qëndrojë duke parë dhe pa bërë asgjë

citohet të jetë shprehur zëdhënësi i Ministrisë së Jashtme kineze, Zhao Lijian.

Në Kosovë ka nisur të luhet një muzikë e njohur: një hap para i Prishtinës dhe dy hapa përgjigje nga Beogradi me politikën e tij të subversionit përmes rrugaçërisë dhe paramilitarëve. Prishtina ka nisur të aplikojë reciprocitetin në dokumentacion me Serbinë, atë politikë që u përpoqën ta sabotojnë edhe nga Tirana dhe Vuçiçit nuk i mbetet veçse të reagojë. Më shumë, nga tensioni se në Prishtinë nuk duan ta kuptojnë (ose luajnë qëllimisht) pozicionin e tij sesa nga shqetësimi real për serbët e Kosovës. 

Agjencia shtetërore bërthamore ruse, “Rosatom”, ka njoftuar lidhjen e një kontrate për përfundimin e punës së ndërtimit të një impianti bërthamor në Turqinë jugore.

Termat e kontratës parashikojnë një financim prej 20 miliardë dollarësh për mbylljen e punimeve në impiantin e qytetit bregdetar të Mersin, pasi kontrata fillestare e nënkontraktorit të “Rosatom”, Akkuyu Nukleer dhe kompanisë turke IC Ictas, përfundoi.

Papa Françesku ka lënë të kuptohet se mund të tërhiqet për shkak të moshës së tij. Pas një udhëtimi në Kanada, Bergolio ka pranuar se nuk mund të mbajë më të njëjtin ritëm si më parë në udhëtimet ndërkombëtare.

Mendoj se në moshën time dhe me kufizimet e shëndetit, duhet ta ruaj pak veten time për të qenë i aftë t’i shërbej kishës. Ose përndryshe, të mendoj për mundësinë e tërheqjes

ka thënë ai.

Ish-presidenti rus, Dmitry Medvedev ka publikuar në tuiter një hartë të asaj që ai e prezanton si hartë të Europës pas operacionit në Ukrainë. Po sipas tij Polonia, Rumania dhe Ukraina janë gati për këtë plan dhe për të përfituar territore të Ukrainës.

Harta prezanton një ide që përflitet për kohësh për shtetësinë e Ukrainës duke zbuluar kështu se Rusia nuk ka ndërmend të heqë dorë nga ajo që ka nisur veçse me koston e një dështimi në terren.

Në një intervistë për gazetën greke “Kathimerini”, ish-drejtuesi i shërbimit sekret izraelit, Mossad, Danny Yatom, shprehet se një konflikt global nisur nga ajo që po ndodh në Ukrainë, nuk përjashtohet.

Askush nuk mund ta thotë. Nëse flasim në përgjithësi, mendoj se liderët do të jenë mjaftueshëm të zgjuar që të frenojnë njëri-tjetrin dhe të shmangin një përshkallëzim global, sepse ky i fundit sot mund të çojë në përdorimin e armëve bërthamore që mund të shkatërrojë tërësisht pjesë të mëdha të botës ku jetojmë.

Një formë elitiste e artit krijuar rreth ideve raciste të të bardhit europian dhe formave trupore.

Mali i Zi ka nisur të ngrijë pasuritë e patundshme të shtetasve rusë në territorin e vet, një lëvizje që shpreh ashpërsimin e linjës anti-ruse në vendet me shumicë sllave në Ballkan. Ministri i Brendshëm Filip Adzic ka njoftuar se bëhet fjalë për 44 objekte që do të bllokohen si pjesë e solidarizimit me sanksionet kundër Rusisë për shkak të luftës në Ukrainë. 

Vlerësohet se shtetasit rusë kanë investuar më shumë se 129 milionë euro, nga të cilat 49.46 milionë euro në sektorin e pasurive të patundshme.

Ankaraja zyrtare përjashton për momentin mundësinë e një takimi mes presidentit Recep Tayyip Erdogan dhe kryeministrit të Greqisë, Kyriakos Mitsotakis. Në një intervistë për gazetën greke, “Kathimerini” drejtori i Komunikimit të Erdogan, këshilltari Fahrettin Altun, nuk ka qenë fare i rezervuar në këtë drejtim, duke shprehur hapur pakënaqësinë e Turqisë me sjelljen politike të Mitsotakis.

Ja një lajm që ilustron komedinë neurotike që përjetojmë e që është padyshim parathënie e një tragjedie nesër:

Moska mund të përfshihet në zgjedhjet e ardhshme në Itali duke përhapur lajme të rreme në mediat sociale për të favorizuar partitë pro-ruse

kështu është shprehur ish-kryeministri i Italisë, Enrico Letta që ka shtuar: