Blloku Bota

Ekspertët e simzmologjisë në Greqi kanë paralajmëruar se tërmeti me magnitudë 4.9 i ishullit të Lesbos në Egje mund të mos jetë “ngjarja kryesore”.

Ne duhet të jemi pak të kujdesshëm për shkak se çarja e krijuar nga tërmeti i sotshëm është afër me krisjen e Agia Paraskevisë dhe shkon përmes ishullit nga njëri cep në tjetrin

është shprehur sizmologu i Institutit Gjeodinamik të Athinës, prof. Akis Tselentis.

Autoritetet bjelloruse kanë nisur gjykimin e fituesit të çmimit Nobel për Paqen, Ales Bialiatski nën akuzën e financimit të protestave. Ai u shfaq i prangosur pas hekurave në një sallë gjyqi bashkë me të akuzuar të tjerë.

Bialiatski është themelues i organizatës së mbikëqyrjes së të drejtave të njeriut, Viasna, dhe u arrestua në korrik të vitit 2021, kohë prej së cilës është mbajtur në burg. 

Turqia ka njoftuar krijimin e Forumit të Antalias për Diplomacinë me synim promovimin e politikës së jashtme të vendit. Sipas mediave turke, forumi do të realizojë ndër të tjera edhe projekte të përbashkëta me universitete vendase dhe të huaja si dhe me organizata joqeveritare. Po kështu Forumi njofton se planifikon publikime periodike, një mënyrë kjo për të ndikuar mendimin strategjik mbi zhvillimet në një ndër zonat më dinamike në botë.

Shërbimi gjerman i zbulimit, BND, është prekur nga ai që në mediat e Gjermanisë po quhet skandal i spiunazhit rus. Sipas revistës “Spiegel” më 21 dhjetor 2022, Zyra e Policisë Kriminale Federale arrestoi në kreun e njësisë së BND-së në Berlin, Carsten L.

Sipas policisë gjermane personi në fjalë akuzohet se u ka kaluar rusëve të dhëna të klasifikuara.

Franca pritet të jetë vendi i parë perëndimor që do të dorëzojë mjete të blindura të prodhimit perëndimor në Ukrainë. Zyra e presidentit Emmanuel Macron ka njoftuar se so të dërgohen në Ukrainë tanke të lehta, pas një telefonate me homologun e tij ukrainas, Volodymyr Zelenskiy. 

Fjala është për modelin AMX-10 RC që në Francë është zëvendësuar me tanket e reja “Jaguar”.

Mediat në Perëndim po raportojnë se Rusia po përdor dronë kamikazë për të terrorizuar civilët në Ukrainë. Një përdorimësh dhe që shkatërrohen gjatë sulmeve, dronët në fjalë thuhet se e bëjnë inefektive çdo mbrojtje kundërajrore.

Në datën 3 shkurt të këtij viti njoftohet se në Kiev do të mbahet një samit në Kiev, formalisht një qytet në rrezen e goditjes ushtarake të Rusisë. Samiti sinjalizon një mbështetje pa kushte për Ukrainën dhe faktin se në BE nuk ka asnjë mundësi objektive që dikush të mirëkuptojë arsyet e Kremlinit për ndërhyrje ushtarake në Ukrainë. 

Thënë kjo duhet vënë në dukje se për sa I përket perspektivës Europa është e ndarë dhe kjo edhe pse lufta e Ukrainës ka përcjellë shumë mësime. I pari, ai historik: Europa nuk është imunizuar nga lufta konvencionale.

Në një opinion të publikuar në gazetën “Kathimerini”, këshilltari për Sigurinë I kryeministrit të Greqisë, Thanos Dokos, ka parashtruar disa prioritete të qeverisë fqinje në fushën e sigurisë.

Në media të ndryshme ka nisur të zërë vend përherë e më shumë një lëvizje e rëndësishme e Turqisë në raport me Sirinë. Presidenti turk, Erdogan, ka propozuar një takim tripalësh mes tij dhe dy presidentëve, atij rus, Putin dhe atij sirian Assad. 

Pyetja që shtrojnë të gjithë është se çfarë kërkon Erdogan? Lëvizja në fjalë pason kërcënimet për ndërhyrje ushtarake dhe vjen në kontekstin e një politike pa mesazhe të ShBA që është investitorja kryesore e kurdëve në rajon.

Ka ndërruar jetë sot, më 31 dhjetor 2022, Papa Benedikti XVI, i cilësuar si një teolog i madh. Joseph Ratzinger, u nda nga kjo botë në moshën 95 vjeçare pas disa problemeve të vazhdueshme shëndetësore. Prift në moshën 25 vjeçarë, professor i teologjisë në Bon dhe Tubingen, arqipeshkv i Munihut dhe prefekt i Kongregacionit për Doktrinën e Besimit gjatë papatit të Gjon Palit II, ai hyn ndër ata prelatë të quajtur “gjigandë të Kishës Katolike”. "Po kthehem në shtëpi", ishte shprehur pak kohë më parë, shenjë e një besimi të pashërueshëm nga "e vërteta" e kësaj bote.