Blloku Bota

Presidenti amerikan Joe Biden ka ndërruar mendje. Prapë. Në një intervistë për CNN, Biden tha se ai nuk beson se presidenti rus, Vladimir Putin do të përdorë armë bërthamore taktike në Ukrainë.

Nuk e besoj. Mendoj se është e papërgjegjshme për Putin të flaës për këtë gjë, kjo ide që lideri i një prej fuqive kryesore të botës të thotë se mund të përdorë armë bërthamore taktike në Ukrainë

është shprehur ai.

Duke qëndruar te kjo çështje, Biden tha se Putin ka kryer krime lufte.

Ai po vepron brutalisht

Izraeli dhe Libani kanë arritur një marrëveshje që po quhet historike mbi hapësirën detare. Kryeministri izraelit, Yair Lapid ka deklaruar ndër te tjera se:

Kjo marrëveshje do të fuqizojë sigurinë e Izraelit, injektojë miliarda euro në ekonominë e Izraelit dhe sigurojë stabilitetin e kufirit tonë verior

Presidenti libanez, Michel Aoun ka njoftuar se varianti i propozouar nga i dërguari amerikan, Amos Hochstein ka kënaqur kërkesat e vendit të tij dhe shtoi se ai shpreson që ajo të njoftohet së shpejti.

Dy ditë pas sulmit në urën e Kerçit në Krime, Rusia është kundërpërgjigjur me sulme me raketa mbi disa qytete ukrainase. Kievi, Dniepri, Harkov, Zaporizhia, Kropivnitski, Kmelnitski, Zhitomir, Lviv dhe Ternopili kanë qenë objektiv i sulmit që mund të sinjalizojë një lloj të re beteje në këtë rajon.

Zëdhënësi i Presidentit turk, Ibrahim Kalin, ka deklaruar se presidenti rus, Vladimir Putin po kërkon një rregullim të ri me Perëndimin. 

Leximi ynë është se z. Putin do një Pazar të ri të madh, një marrëveshje të re me Perëndimin. Pjesërisht për Ukrainën, padyshim. Por çështja më e madhe është në fakt një marrëveshje e re. Moska ndjen se marrëveshjet e bëra në fund të Luftës së Ftohtë nën presidentët Gorbaçev dhe Jelcin nuk reflektojnë më Rusinë e sotme

Goditja e urës së Krimesë përbën në moment ndër më delikatët në konfliktin me Rusisë dhe Ukrainës. Në Moskë po kërkojnë kundërvëprim dhe hapur. 

Sergei Markov një politikan i lidhur me Putinin e ka cilësuar sulmin si shembull se ShBA ka vullnet të kalojë vijnë e kuqe. 

Senatori Konstantin Dolgov e cilësoi sulmin si akt terrorist dhe tregues të natyrës terroriste të regjimit të Kievit. 

Presidenti francez, Emmanuel Macron, ka bërë thirrja nga Praga që të bëhet kujdes kur flitet publikisht për çështje të tilla si lufta bërthamore. Ai ka marrë shkas nga deklaratat e presidenti amerikan Joe Biden që foli në Samit për mundësinë e një Amegadoni bërthamor për shkak të poshtërimit të Rusisë në Ukrainë, nisur nga fakti se ai “e njeh mirë Putinin”.

Ne duhet të flasim me kujdes kur komentojmë mbi çështje të tilla

citohet Macron.  

Austria, Serbia dhe Hungaria kanë rënë dakord për të patrulluar së bashku kufijtë e Serbisë me Maqedoninë e Veriut. Duke folur pas një takimi tripalësh për këtë çështje, ministri i Jashtëm hungarez, Peter Szijjarto ka deklaruar se të trija vendet në praktikë po mbrojnë kufijtë e Bashkimit Europian.

Duke lëvizur linjën e mbrojtjes në jug ne mbrojmë interesin tonë të përbashkët dhe kjo është arsyeja pse ne biem dakord të bashkojmë forcat dhe të përforcojmë kufirin mes Serbisë dhe Maqedonisë së Veriut në termat e personelit dhe pajisjeve

Pas konsultimeve dhe disa takimeve të fundit, Turqia dhe Izraeli kanë ngritur nivelin e përfaqësimit diplomatik në nivel ambasadorësh. Şakir Özkan Torunlar është emëruar si ambasador i Turqisë në Izrael, pak pasi Jeruzalemi caktoi në detyrë të ngjashme, të Ngarkuarin me Punë Irit Lillian.

Instituti për Studimin e Luftës, një qendër të cilën Moska e akuzon se sponsorizohet nga shërbimet sekrete britanike, pretendon në një raport të vetin se presidenti rus, Vladimir Putin po përgatit nxjerrjen nga loja të ministrit të Mbrojtjes, Sergei Shoigu. Ky i fundit supozohet se do të jetë koka e turkut për atë që ndodhi në Ukrainë sidomos me situatën e zhvilluar pas urdhërit për mobilizim të pjesshë.

E shkarkon nga drejtimi i forcave të këmbësorisë, mandej e promovon si gjeneral me pesë yje. Kërkon falje për deklarimet e tij në tuiter, por kujton edhe “kontributet e tjera të tij”. Kjo situatë e pazakonë ka ndodhur në Uganda, ku presidenti Yoweri Museveni ka ndërmarrë veprime ndaj dajlit të tij, gjeneralit Muhoozi Kainerugaba, pasi ky shkruajti në profilin e tij në tuiter se duhet pushtuar Nairobi. Komenti provokoi shqetësime serioze.